Jeremaia 10:7 - Chuukese Bible

⁷ Ifa usun, iö esap meninituk, en ewe kingen ekewe mwü? A pwüng ngonuk pwe aramas repwe meninituk. Esap wor eman me lein ekewe mi tipachem meinisin me lon ekewe mwü ika me lein ar kewe king a wewe ngonuk.

Jeremaia 10:7 Iomraidhean Croise

2. King 17:39

nge oupwe chök fel ngeniei ngang ewe Samol mi Lapalap ämi we Kot. Iwe, ngang üpwe angasakemi seni chon oputakemi meinisin.”

1. Kronika 16:25

Pun ewe Samol mi Lapalap a tekia. Sipwe alapala ach mwareiti i, sipwe pwal niuokusiti i lap seni ekewe kot meinisin.

Ester 1:13

Iei örünien ewe king pwe epwe angei öüröüran seni ekewe mi silelap allük me pwüng. Iei mine a körato ekewe sousile allük o aisiniir mine epwe föri.

Kölfel 147:5

Ach Samol a tekia o fokun manaman, an mirit esap wor aükükün.

Kölfel 22:28

Pun ewe Samol mi Lapalap i king, i a nemeni ekewe mwü.

Kölfel 47:3

A asapwilätiu chon ekewe mwü fach o atolonga ekewe mwü fän nemeniach.

Kölfel 72:11

Ekewe king meinisin repwe chapetiu me mwan, nge chon ekewe mwü meinisin repwe angang ngeni.

Kölfel 76:7

Nge en echök, ai Samol mi Lapalap, aramas repwe niuokusituk. Iö a tongeni ü me mwom, lupwen ka song?

Kölfel 86:8

Esap fokun wor eman me lein ekewe kot usun en, ai Samol, esap pwal wor och föför mi wewe ngeni om kewe föför.

Kölfel 86:9

Chon ekewe mwü meinisin ka föriir repwe feito o fel ngonuk, ai Samol mi Lapalap, repwe pwal alinga itom.

Kölfel 89:6

Pun esap wor eman lon läng mi wewe ngonuk en Samol mi Lapalap. Esap wor eman me lein ekewe chon läng a usun chök en.

Ekistos 8:10

Iwe, Farao a üreni, “Lesor.” Nge Moses a üra, “Epwe fis usun om apasa, pwe kopwe silei pwe esap wor eman kot mi wewe ngeni äm we Kot ewe Samol mi Lapalap.

Ekistos 9:14

Lon ei fansoun üpwe tinätiu womw pwal won noum kewe nöüwis me noum kewe aramas unusen ai kewe afeiengau meinisin, pwe kopwe silei pwe esap wor eman won unusen fanüfan mi wewe ngeniei.

Aisea 2:4

Ewe Samol mi Lapalap epwe souapwüng lefilen ekewe mwü, epwe pwal aükätiu änini lefilen aramas. Iwe, repwe amani nöür ketilas o awili ngeni pisekin tuw pwül, nge wokur siles repwe awili ngeni naifen otot. Ekewe mwü resap chüen maunfengen, resap pwal chüen kaiö maun.

Jeremaia 10:6

Esap wor eman a wewe ngonuk, en Samol mi Lapalap, ka tekia, nge itom a lapalap o manaman.

Jeremaia 5:22

Ngang ewe Samol mi Lapalap, pwota ousap meninitiei? Pwota ousap chechech me fän mesei? Üa anomu pi pwe kiännin matau, eu epet mi nom fochofoch esap tongeni tö ren sät. Inamwo ika ekewe no ra watte, resap tongeni lu seni ewe kiä, inamwo ika a wor öütöüt, nge esap tongeni atai.

Taniel 2:27

Nge Taniel a pälüeni ewe king, “Esap wor eman soutipachem me sourong ika soupwe me souürür epwe tongeni pwäri ngonuk en king ewe monomon ka mochen silei.

Taniel 2:28

Nge mi wor eman Kot won läng a pwäri mine a monomon, a pwal pwäri ngonuk, en king Nepukatnesar, mine epwe fis me mürin. Iei usun om we tan me künaom, lupwen ka annut.

Apakuk 3:2

Ai Samol mi Lapalap, üa rongorong pworausen mine ka föri, iwe, üa niuokus ren. Ai Samol mi Lapalap, kopwe försefäli om kewe föför mi amwarar lon äm ei fansoun, usun ka föri me lom. Lon om lingeringer kopwe pwal eäni ümöümöch.

Sekaraia 2:11

Iwe, lon ewe rän, chomong chon ekewe mwü repwe feito ren ewe Samol mi Lapalap o wiliti nöün aramas. Iwe, i epwe imweimw lefilemi, nge ämi oupwe silei pwe ewe Samol mi Unusen Manaman a tinieito remi.

Malakai 1:11

Pun seni ewe ia akkar a töta me ie tori ewe ia a tuputiu me ie chon ekewe mwü ra asamolu itei. Ekis meinisin ra eäni asor apach mi pwokus ngeniei, eu asor mi limöch. Pun chon ekewe mwü ra asamoluei.

Lukas 12:5

Nge üpwe aiti ngenikemi iö oupwe niuokusiti: Oupwe niuokusiti Kot, i ewe eman a wor an pwüüng pwe epwe tongeni aturalong eman lon hell mürin an niela. Ewer, üpwe ürenikemi pwe iei i ewe oupwe niuokusiti.

1. Korint 8:6

nge fän itach mi wor eman chök Kot, i ewe Sam mi föri mettoch meinisin, nge kich sia manau fänäsengesin. Sia pwal eäni eman chök Samol, Jesus Kraist, mettoch meinisin ra för ren o kich sia manau ren.

Josua 4:24

Iei usun aramasen fanüfan meinisin repwe silei pwe ewe Samol mi Lapalap a fokun manaman. Nge ämi oupwe meniniti ewe Samol mi Lapalap ämi we Kot tori feilfeilachök.”

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Pwärätä 15:4

Iö esap niuokusituk o alinga itom, en äm Samol? Pun en chök ka pin. Chon ekewe mwü meinisin repwe feito o fel ngonuk, pun om kewe föför mi pwüng ra pwäpwäla ngeni aramas meinisin.”