Jeremaia 10:6 - Chuukese Bible

⁶ Esap wor eman a wewe ngonuk, en Samol mi Lapalap, ka tekia, nge itom a lapalap o manaman.

Jeremaia 10:6 Iomraidhean Croise

2. Samuel 7:22

Ka men fokun manaman, ai Kot Samol mi lapalap. Esap wor eman Kot usun en, esap pwal wor eman Kot ünükum. Iei usun mine äm aia silei.

1. Kronika 16:25

Pun ewe Samol mi Lapalap a tekia. Sipwe alapala ach mwareiti i, sipwe pwal niuokusiti i lap seni ekewe kot meinisin.

Nehemia 4:14

Iwe, lupwen üa küna pwe ekewe aramas ra niuokus, üa üreni ekewe aramas tekia, ekewe nöüwis pwal ekewe lusun aramas, “Ousap niuokusiti ekewe chon oputach. Oupwe chechemeni ewe Samol mi tekia, aramas ra niuokusiti. Oupwe maun fän iten pwimi kewe chon Juta fän iten nöümi ät me nengin, pwal fän iten pwülüemi me leniemi.”

Nehemia 9:32

Äm Kot, en eman Kot mi tekia o manaman, aramas ra niuokusituk, ka apwönüetä om pwon me tong ellet ngenikem. Iei mine kopwe ekieki usun ekewe riaföü meinisin ra torikem, ra tori äm kewe king me samol, nöüm kewe souasor me soufos, äm kewe lewo me nöüm kewe aramas meinisin seni fansoun mwün ekewe kingen Asiria tori ikenai.

Kölfel 145:3

Ewe Samol mi Lapalap a tekia, aramas meinisin repwe fokun mwareiti i. Esap wor eman a tongeni aükü an tekia.

Kölfel 147:5

Ach Samol a tekia o fokun manaman, an mirit esap wor aükükün.

Kölfel 35:10

Ngang üpwe apasa ngeni ewe Samol mi Lapalap ren unusen lelukei, “Iö a wewe ngonuk? En ka angasala ewe mi apwangapwang seni ätekewe mi pöchökül seni, ka angasala ewe mi apwangapwang o mwelele seni ätekewe mi eliapa pisekin.”

Kölfel 48:1

Ewe Samol mi Lapalap a tekia, nge aramas meinisin repwe fokun mwareiti i me lon ewe telinimwen ach Kot, me won chukun mi pin.

Kölfel 96:4

Pun ewe Samol mi Lapalap a tekia. Sipwe alapala ach mwareiti i, sipwe pwal niuokusiti i lap seni ekewe kot meinisin.

Ekistos 15:11

Ai Samol mi Lapalap, iö a wewe ngonuk lein ekewe kot? Iö a wewe ngonuk lon om pin mi tekia, pwal lon om föför mi ling o eniwokus me lon om föri manaman?

Ekistos 8:10

Iwe, Farao a üreni, “Lesor.” Nge Moses a üra, “Epwe fis usun om apasa, pwe kopwe silei pwe esap wor eman kot mi wewe ngeni äm we Kot ewe Samol mi Lapalap.

Ekistos 9:14

Lon ei fansoun üpwe tinätiu womw pwal won noum kewe nöüwis me noum kewe aramas unusen ai kewe afeiengau meinisin, pwe kopwe silei pwe esap wor eman won unusen fanüfan mi wewe ngeniei.

Aisea 12:6

Oupwe akapwas o köl fän pwapwa, ämi chon Sion, pun Ewe mi Pin lon Israel a tekia me lefilemi.”

Aisea 40:18

Met om ekiek usun lapalapen Kot, ika iö kopwe awewe ngeni?

Aisea 40:25

Iwe, Ewe mi Pin a ais, “Iö oupwe awewe ngeniei, nge iö a tongeni wewe ngeniei?”

Aisea 46:5

Iö oupwe awewe ngeniei pwe üpwe wewe ngeni, nge iö a tongeni wewe ngeniei?

Aisea 46:9

Oupwe chechemeni ekewe mettoch mi fis me lomlom. Ngang Kot, esap wor eman lüki. Ngang chök Kot, esap wor eman a wewe ngeniei.

Jeremaia 10:16

Nge än Jakop we Kot esap usun ekei anümwäl, pun i ewe chon föri mettoch meinisin. A pwal filätä chon Israel pwe repwe wesewesen nöün aramas, itan ewe Samol mi Unusen Manaman.

Jeremaia 32:18

Ka eäni om tong ellet ngeni ngeröü, nge ka liwini än samasam tipis won nöür kana me mwirir. En ewe Kot mi tekia o manaman, itom ewe Samol mi Unusen Manaman.

Taniel 4:3

Ekewe asisil Kot a föri ra fokun amwarar, an kewe manaman ra fokun ling. Mwün epwe nom tori feilfeilachök, nge an nemenem epwe fis seni eu täppin aramas tori pwal eu täppin.

Taniel 4:34

Iwe, ewe king a üra, “Wesin ekewe fisu ier, ngang Nepukatnesar üa netä läng o miritsefäl. Iwe, üa mwareiti Ewe mi Fokun Tekia o manau tori feilfeilachök, üa pwal alinga o asamolu i. Pun an nemenem esap müchüla, nge mwün a nonom seni eu täppin aramas tori pwal eu täppin.

Malakai 1:11

Pun seni ewe ia akkar a töta me ie tori ewe ia a tuputiu me ie chon ekewe mwü ra asamolu itei. Ekis meinisin ra eäni asor apach mi pwokus ngeniei, eu asor mi limöch. Pun chon ekewe mwü ra asamoluei.

1. Korint 8:6

nge fän itach mi wor eman chök Kot, i ewe Sam mi föri mettoch meinisin, nge kich sia manau fänäsengesin. Sia pwal eäni eman chök Samol, Jesus Kraist, mettoch meinisin ra för ren o kich sia manau ren.

Tuteronomi 32:31

Pun ekewe chon oputeer ra püsin silei pwe ar kewe kot resap usun än chon Israel Kot.

Tuteronomi 33:26

Esap wor eman usun än Jesurun we Kot, a sai lemenen läng pwe epwe feito o alisuk, a pwal sai lein ekewe kuchu lon an ling.