Jeremaia 10:4 - Chuukese Bible

⁴ Iwe, aramas ra afouta ngeni silifer me kolt, ra pwal chüfölü ngeni chüföl, pwe esap tongeni turula.

Jeremaia 10:4 Iomraidhean Croise

Kölfel 115:4

Nge ar kewe uluulun anümwäl seni silifer me kolt aramas chök ra föri.

Kölfel 135:15

Än chon ekewe mwü uluulun anümwäl seni silifer me kolt aramas chök ra föri.

Aisea 44:12

Iwe, eman chon wüsi mächä a apwichi ewe mächä won ekkei o amaani. A angang won ren pöchökülen pöün pwe epwe fis eu uluulun anümwäl mi lapalapöch. Ren an achocho a echik o apwangapwangala, a pwal malülü ren an esap ün koluk.

Aisea 46:6

Chokewe mi atowu kolt seni ar lenien iseis o kiloni silifer won eu kilo, ra möni eman chon angang ngeni kolt, pwe epwe föri uluulun eman kot ren. Mürin ra chapetiu mwan o fel ngeni.

Aisea 46:7

Ra mwärei, ra uweela o anomu won lenian. Ikenan a ütä, nge esap tongeni mwökütüküt seni lenian. Iwe, are eman a siö ngeni, esap tongeni pälüeni, esap pwal tongeni amanaua seni an riaföü.

Osea 13:2

Iwe, iei ra chök alapala ar tipis o föri fän iter uluulun anümwäl seni mächä, uluulun anümwäl seni ar silifer, meinisin förien ekewe souangang mi sipeöch. Mürin ra apasa, “Oupwe asor ngeni ekei uluulun anümwäl.” Pwota aramas ra tongeni mitiri ekewe uluulun nienifön kow?

Apakuk 2:19

Feiengauom, en mi apasa ngeni efoch mwüch: Kopwe nennela! ika ngeni eföü fau esap tongeni mwökütüküt: Kopwe pwätä! Ifa usun, eu uluulun anümwäl a tongeni pwäri ngonuk och? A tongeni pwölüpwöl ngeni kolt me silifer, nge esap fokun wor ngasangasen manau lon.