Jeremaia 10:23 - Chuukese Bible

²³ Ai Samol mi Lapalap, üa silei pwe aramas resap püsin nemeni manauer, resap pwal tongeni akota mine repwe föri.

Jeremaia 10:23 Iomraidhean Croise

Kölfel 17:5

Üa chök fetal lon om kewe al, nge üsap rik seni.

Kölfel 37:23

Ewe Samol mi Lapalap a emweni eman aramas won ewe al epwe fetal won, a pwal anüküchara i, pun a pwapwa ren.

Än Salomon Fos 16:1

Eman aramas a tongeni ekiekietä mettoch lon lelukan, nge mine epwe apasa a feito seni ewe Samol mi Lapalap.

Än Salomon Fos 16:9

Eman aramas a ekiekietä lon letipan mine epwe föri, nge ewe Samol mi Lapalap a emweni lon an föför.

Än Salomon Fos 20:24

Ewe Samol mi Lapalap a akota än eman aramas fetal. Ifa usun än eman aramas epwe tongeni weweiti ewe al a fetal won?

Än Salomon Fos 3:6

Kopwe chechemeni i won meinisin mine ka föri, nge i epwe aiti ngonuk ewe al mi pwüng.

Aisea 26:7

Äm Samol mi Lapalap, ka asonosonöchü ewe al ekewe chon pwüng repwe fetal won, ka pwal awenöchü ar kewe al.

Taniel 5:23

Ka ü ngeni ewe Samolun läng ren om apasa pwe repwe uwato reöm ekewe kapen lon an Imwenfel. Iwe, en me noum kewe samol, pwülüom me ülüpwülüom kana oua pwal aea le ün wain. Iwe, ka mwareiti ekewe uluulun kot mi för seni silifer me kolt, pwal seni piras, mächä, irä me fau, ekewe uluulun kot resap tongeni küna och ika rongorong ika memef. Nge kosap asamolu ewe Kot mi amwöchü manauom o silei om föför meinisin.