Jeremaia 10:21 - Chuukese Bible

²¹ Ekewe souemwen ra umwes. Resap angei öüröürer me ren ewe Samol mi Lapalap. Iei mine esap fisiöch ar angang, nge nöür aramas ra toropasfeil.

Jeremaia 10:21 Iomraidhean Croise

Jeremaia 10:14

Lupwen aramas ra küna ei, ra mefi pwe ra umwes, esap pwal wor ar mirit. Ekewe chon föri uluulun anümwäl seni kolt ra säw, pun ar kewe uluulun anümwäl ra minen atuputup, esap pwal wor ngasangas lor.

Jeremaia 10:8

Ir meinisin ra tiparoch o umwes. Pun ifa usun, repwe tongeni angei öüröürer seni uluulun anümwäl mi för seni mwüch?

Jeremaia 12:10

Chomong chon mas ra atai ai tanipin wain, ra purätiu fanüei. Ra föri pwe fanüei mi mürina a wiliti eu fanüapö.

Jeremaia 2:8

Ekewe souasor resap ais, ‘Ifa i ewe Samol mi Lapalap?’ Chokewe mi silelap allük resap sileei, ekewe souemwen ra ü ngeniei, nge ekewe soufos ra osuni fän iten ewe anü Paal o fel ngeni ekewe uluulun anümwäl mi lomotongau.

Jeremaia 22:30

“Oupwe makeetiu pwe ei mwän esap wor nöün, i eman mwän esap fefeitä lon ränin manauan. Pun esap wor eman mwirimwirin epwe king o siwili Tafit le nemenem lon Juta. Ngang ewe Samol mi Lapalap üa kapas.”

Jeremaia 49:32

Oupwe liapeni nöür kamel, nöür pwiin sip epwe choon wokumi. Üpwe atoropasafeili chokewe mi fichi mökürer, üpwe awarato feiengau wor seni ekis meinisin.

Jeremaia 5:31

Än ekewe soufos osuni a chofana, nge ekewe souasor ra nemenem fän püsin ar mochen. Nei aramas ra sani an epwe iei usun. Nge met repwe föri lon ewe fansoun sopolan?”

Jeremaia 50:17

Iei alon ewe Samol mi Lapalap, “Chon Israel ra usun chök sip mi toropas, ekewe laion ra cherela. Ewe kingen Asiria a akomwen ocheer, mürin Nepukatnesar ewe kingen Papilon a ineei chüür.

Jeremaia 8:9

Ekewe aramas mi tipachem repwe säw, repwe rükö o oo. Are ra pöütala ai kewe kapas, met sokun tipachem ra eäni?

Isikiel 34:12

Usun eman chon mas a kütta nöün pwiin sip mi toropasfeil o achufengeniir, ina usun üpwe achufengeni nei sip kana o tümwünüür. Iwe, üpwe amanaueer seni ekis meinisin ia ra toropasfeil ie lon fansoun räningau me rochokich.

Sekaraia 10:3

Ewe Samol mi Lapalap a apasa, “Üa fokun song ngeni ekewe chon mas, üpwe apwüngü ekewe souemwen. Pun ngang ewe Samol mi Unusen Manaman, üpwe tümwünü nei sip ekewe chon Juta o föri pwe repwe wewe ngeni nei orisin maun mi pöchökül.

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.