Jeremaia 10:2 - Chuukese Bible

² Iei alon ewe Samol mi Lapalap, “Ousap föri föförün chon ekewe mwü, ousap pwal rükö ren ekewe asisilen fän läng, inamwo are chon ekewe mwü ra rükö rer.

Jeremaia 10:2 Iomraidhean Croise

Keneses 1:14

Mürin, Kot a apasa, “Ekewe saram repwe pwäla fän läng pwe repwe aimwüfeseni rän me pwin o asisila kinikinin fansoun me rän me ier kana.

Jeremaia 10:1

Oupwe rongorong mine ewe Samol mi Lapalap a ürenikemi ämi chon Israel.

Isikiel 20:32

Iwe, ämi oua ekieki lon letipemi, pwe oupwe apirü ekewe mwün lükün o wewe ngeni aramasen ekewe ekoch fanü ren ämi fel ngeni irä me fau. Nge ei sokun ekiek esap fokun fis.

Lifitikos 18:3

Ousap föri sokun föför ekewe chon Isip ra föri lon ewe leni ia oua piin nonom ie me mwan. Ousap pwal föri sokun föför ekewe aramas ra föri lon ewe fanü Kanaan ewe ia üpwe emwenikemiila ie. Ousap apirü ar föför.

Lifitikos 20:23

Ousap angei örünien chon ekewe mwü üpwe asürela me mwemi. Pun ir ra föri ekei mettoch meinisin, iei mine ngang üa fokun oputeer.

Tuteronomi 18:9

“Iwe, lupwen oupwe tolong lon ewe fanü ewe Samol mi Lapalap ämi we Kot epwe ngenikemi, ousap apirü ekewe föför mi anioput chon ekewe mwü ra föri.

Soukapwüng 6:10

Iwe, üa ürenikemi, ‘Ngang ewe Samol mi Lapalap ämi we Kot. Ousap fel ngeni än chon Amor kewe kot, ir chokewe oua fen nonom lon fanüer.’ Nge ämi ousap aüselinga aloi.”