Jeremaia 10:19 - Chuukese Bible

¹⁹ Nge ekewe aramasen Jerusalem repwe siö, “Feiengauach, pun sa fokun kinas. Nge kinasach esap mola. Sa ekieki pwe iei och mettoch sipwe tongeni öttures fan.

Jeremaia 10:19 Iomraidhean Croise

Kölfel 39:9

Üa fanafanala, üsap tongeni kapas, pun en ewe mi atolongaei lon ei riaföü.

Kölfel 77:10

Mürin üa üra, “Iei ai weires, pwe manamanen Ewe mi Unusen Tekia esap chüen usun me lom.”

Aisea 8:17

Ewe Samol mi Lapalap a amonala mesan seni ekewe mwirimwirin Jakop, nge ngang üpwe chök lükü i o apilükülükü.

Jeremaia 14:17

Nge en, Jeremaia, kopwe üreni ekei aramas usun om lolilen o apasa, ‘Amwo chönün mesei epwe suputiu lepwin me lerän, nge esap ükütiu, pun nei aramas ra feiengau ren eu kinas mi alolol, ren eu kawet mi fokun watte.

Jeremaia 14:7

Nei aramas ra siö ngeniei o apasa, ‘Äm Samol mi Lapalap, kopwe alisikem usun ka pwon ngenikem, inamwo ika äm föföringau ra atipisikem. Ellet, äm aia tokola fän chomong o tipis ngonuk.

Jeremaia 17:13

Ai Samol mi Lapalap, en än chon Israel apilükülük. Meinisin mi likitukela repwe säw, nge chokewe mi kul senuk epwe mak iter lepwül, pokiten ra likitala ewe Samol mi Lapalap ewe puächen kolukun manau.

Jeremaia 4:19

Üa fokun riaföü, üa fokun riaföü. Üa wilikilikiei fän ai cheuch. Riaföün letipei! Lelukei a fokun mwökütüküt. Üsap tongeni fanafanala. Üa rongorong tikin ewe rappwa mi tik fän iten maun.

Jeremaia 4:31

Üa rongorong eu puchör usun puchörun eman fefin mi tori an cheuchen fam, eu puchör fän riaföü usun puchörün eman fefin mi nöünätiu aemanün nöün. Üa rongorong puchörün Sion mi ngasalap, a aitiewu pöün o apasa, “Feiengauei, üa masaroch, nge chon niela aramas repwe angeala manauei.”

Jeremaia 8:21

Lelukei a tatakis, pun nei aramas ra tatakis, üa ngüngüres o fokun rükö.

Jeremaia 9:1

Amwo mökürei epwe eu lenien koluk, nge mesei epwe eu puächen chönün mas, pwe lerän me lepwin üpwe tongeni kechüeiti chokewe mi ninnila me lein nei aramas.

Kölün kechü 1:2

A selingüngü lepwin, chönün mesan ra suputiu won sapan. Esap wor eman me lein chokewe mi tongei me lom a achipa. Chiechian kewe meinisin ra kirikiringau ngeni, ra wiliti chon oputan.

Kölün kechü 3:48

Chönün mesei a pupu usun pupun eu chanpupu pokiten feiengauen nei aramas.

Mika 7:9

Pokiten üa tipis ngeni ewe Samol mi Lapalap, üpwe mwärelong fän an song tori epwe peniei o pwärawu ai pwüng. Epwe emwenieiwu ngeni saram pwe üpwe küna an angasaei.