Jeremaia 10:18 - Chuukese Bible

¹⁸ Pun iei alon ewe Samol mi Lapalap, “Üpwe asüela chon ei fanü lon ei fansoun, üpwe pwal atoto riaföü wor pwe repwe oola.”

Jeremaia 10:18 Iomraidhean Croise

Aisea 22:17

Nengeni, ewe Samol mi Lapalap epwe turufuk fän pöchökül o moneekela, inamwo ika en eman mwän mi wor manom.

Jeremaia 16:13

Iei mine üpwe aturukemiiwu seni ei fanü o aturukemiilong lon eu fanü ämi me ämi kewe lewo ousap silei me mwan. Ikenan oupwe angang ngeni pwal ekoch kot lerän me lepwin, pun ngang üsap kirikiröch ngenikemi.’”

Jeremaia 22:26

Üpwe säsikemiila me inom mi nöünuk lon eu fanü ewe ia ousap uputiu me ie, iwe, oupwe mäla ikenan.

Jeremaia 23:20

Än ewe Samol mi Lapalap song esap kul tori epwe afisi o apwönüetä mine a ekiekin föri. Lon ekewe fansoun repwe feito oupwap weweöchiti.

Isikiel 6:10

Iwe, repwe silei pwe ngang ewe Samol mi Lapalap. Ewer, epwe fokun fis mine üa apasa usun ewe feiengau üpwe afeiengaueer ren.”

Sefanaia 1:17

Iei alon ewe Samol mi Lapalap, “Üpwe atoto riaföü won aramas pwe repwe fetal usun chon chun pokiten ar tipis ngeniei. Char epwe ninitiu usun chök koluk, nge fituker epwe toropas usun chök kiten mongö.”

Sekaraia 1:6

Ifa usun, ai kewe kapas me ai kewe allük üa allük ngeni nei kewe chon angang ekewe soufos resap küw ämi kewe lewo? Iei mine ra ekieksefäl o üra: Usun mine ewe Samol mi Unusen Manaman a ekiekietä pwe epwe föri ngenikem fän iten äm kewe lapalap me föför, iei usun a föri ngenikem.”

Tuteronomi 28:52

Iwe, repwe pwelifeili fän pisekin maun ämi kewe telinimw meinisin me lon unusen fanüemi ewe Samol mi Lapalap epwe ngenikemi, tori ämi kewe tit mi tekia o pöchökül oua eäniir apilükülük repwe turula.

1. Samuel 25:29

Are eman epwe tapweruk o ekiekin niikela, ewe Samol mi Lapalap om we Kot epwe tümwünuk usun eman aramas a tümwünü an pisek mi fokun aüchea ngeni. Nge epwe moneela manauen chon oputom, usun eman a monei eföü fau ren eu öülül.