Jeremaia 10:16 - Chuukese Bible

¹⁶ Nge än Jakop we Kot esap usun ekei anümwäl, pun i ewe chon föri mettoch meinisin. A pwal filätä chon Israel pwe repwe wesewesen nöün aramas, itan ewe Samol mi Unusen Manaman.

Jeremaia 10:16 Iomraidhean Croise

Kölfel 119:57

Ai Samol mi Lapalap, en chök ineti. Üpwe pwon pwe üpwe aleasochisi om kewe kapas.

Kölfel 135:4

Ewe Samol mi Lapalap a filätä Jakop fän püsin itan, a filätä ekewe chon Israel pwe epwe nöüniir.

Kölfel 142:5

Ai Samol mi Lapalap, üa siö ngonuk. Üa üra: En ai lenien op me ineti me lon fanüen chon manau.

Kölfel 33:6

Ewe Samol mi Lapalap a afisi ekewe läng ren an kapas, nge akkar, maram me fü kana ra fisitä ren mine a apasa.

Kölfel 73:26

Inisi me lelukei ra tongeni apwangapwangala, nge Kot ai pöchökül pwal wisei tori feilfeilachök.

Kölfel 74:2

Kopwe chechemeni noum we mwichen aramas, ka filiir me lomlom, chokewe ka angaseer pwe repwe chon om ainang. Kopwe pwal chechemeni ewe chuk Sion, ia ka nonom ie me lom.

Ekistos 19:5

Iei mine ika oupwe aleasochisi aloi o apwönüetä ai we pwon, mürin oupwe wesewesen nei aramas. Inamwo ika unusen fanüfan ai, nge üa filikemiitä me lein aramas meinisin,

Ekistos 34:9

A apasa, “Ai Samol, are üa wesewesen küna ümöümöch me reöm, üa tüngor ngonuk pwe kopwe etikem. Mi pwüng pwe ir aramas mi ülöförea me tipepöchökül, nge kopwe amusala äm föföringau me äm tipis o atolongakem lon tettelin noum.”

Än Salomon Fos 16:4

Mettoch meinisin ewe Samol mi Lapalap a föri a wor sopolan, nge sopolan ekewe aramasangau repwe feiengau.

Aisea 19:25

Iwe, ewe Samol mi Unusen Manaman epwe afeiöchüür o apasa, “Üpwe afeiöchuk Isip, en nei aramas, pwal en Asiria förien pei. Üpwe pwal afeiöchuk Israel, en ewe mwichen aramas üa nöüni.”

Aisea 45:7

Ngang üa förätä saram, üa pwal förätä rochopwak. Ngang üa awarato feiöch me feiengau. Ngang ewe Samol mi Lapalap, üa föri ekei mettoch meinisin.”

Aisea 47:4

Iwe, ach Chon Amanau itan Samol mi Unusen Manaman, i Ewe mi Pin lon Israel.

Aisea 47:6

Iwe, üa songeiti nei aramas o atolongeer lon itengau, üa pwal asechirelong lepoum, nge en kosap tongeer. Ka fen uwätä efoch waas mi fokun chou won afaren ekewe chinlap.

Aisea 51:15

Pun ngang ewe Samol mi Lapalap om Kot, itei Samol mi Unusen Manaman. Üa amwökütü nonoon lematau pwe repwe ngüngü.

Aisea 54:5

Pun Ewe mi Föruk epwe usun chök pwülüom reöm, itan Samol mi Unusen Manaman. Ewe mi Pin lon Israel om Chon Amanau, i ewe Kot mi nemeni unusen fanüfan.

Jeremaia 10:12

Nge Kot a föri fanüfan ren an manaman, a anüküchara ren an tipachem. A ameresala ekewe läng ren an weweöch.

Jeremaia 10:6

Esap wor eman a wewe ngonuk, en Samol mi Lapalap, ka tekia, nge itom a lapalap o manaman.

Jeremaia 31:35

Iei alon ewe Samol mi Lapalap, ewe mi awisa akkar pwe epwe tin lerän o allük ngeni maram me fü kana pwe repwe tin lepwin, mi amwökütükütü ewe matau, pwe nonoon ra ngüngü, itan ewe Samol mi Unusen Manaman,

Jeremaia 32:18

Ka eäni om tong ellet ngeni ngeröü, nge ka liwini än samasam tipis won nöür kana me mwirir. En ewe Kot mi tekia o manaman, itom ewe Samol mi Unusen Manaman.

Jeremaia 33:2

Iei alon ewe Samol mi Lapalap mi föri fanüfan, mi alapalapa o anüküchara lon lenian, itan ewe Samol mi Lapalap,

Jeremaia 46:18

Ngang ewe King itei ewe Samol mi Unusen Manaman üa apasa, ‘Mwo manauei, eman epwe fokun feito, epwe tekia usun ewe chuk Tapor me lein ekewe chuk, pwal usun ewe chuk Karmel mi nom aroset.

Jeremaia 50:34

Nge ar Chon Amanau a pöchökül, itan ewe Samol mi Unusen Manaman. Epwe fokun peniir, pwe epwe awora kinamwe ngeni fanüfan, nge ngeni ekewe chon Papilon epwe awora osukosuk.”

Jeremaia 51:19

Nge än Jakop we Kot esap usun ekei uluulun anümwäl, pun i ewe chon föri mettoch meinisin. A pwal filätä chon Israel pwe repwe wesewesen nöün aramas, itan ewe Samol mi Unusen Manaman.

Kölün kechü 3:24

Üa apasa, “Ewe Samol mi Lapalap i wisei, iei mine üpwe eäni apilükülük.”

Amos 4:13

Kot ewe mi alapalapa ekewe chuk o föri asepwäl. A pwäri an ekiek ngeni aramas. A föri mallen rän me rochopwak o nemeni unusen fanüfan, itan Kot ewe Samol mi Unusen Manaman.

Sekaraia 2:12

Iwe, ewe Samol mi Lapalap epwe fanüeni Juta pwe lenian lon ewe fanü mi pin, epwe pwal filisefäli Jerusalem.

Tuteronomi 32:9

Nge a filätä ekewe mwirimwirin Jakop pwe ir repwe püsin nöün aramas.