Jeremaia 10:15 - Chuukese Bible

¹⁵ Ra lomotongau o uretakir. Repwe tala, lupwen Kot epwe apwüngüür.

Jeremaia 10:15 Iomraidhean Croise

Kölfel 115:9

Ämi chon Israel, oupwe apilükülükü ewe Samol mi Lapalap. I epwe alisikemi o epeti senikemi feiengau.

Aisea 41:24

Nge esap fokun wor aücheami, oua wesewesen lipwäkingau lon ämi angang. Chokewe meinisin mi fel ngenikemi ra anioput.

Aisea 41:29

Nengeni, ir meinisin anümwäl chök, esap wor och mine ra tongeni föri. Ekei uluulun anümwäl ra asepwäl chök.”

Aisea 57:12

Ämi oua ekieki pwe mine oua föri a pwüng, nge ngang üpwe pwärawu ämi föför, nge ämi uluulun anümwäl resap tongeni alisikemi.

Jeremaia 10:11

Iei usun mine ämi aramas oupwe üreniir, “Ekewe kot resap föri läng me fanüfan repwe tala. Resap chüen nom won fanüfan.”

Jeremaia 10:8

Ir meinisin ra tiparoch o umwes. Pun ifa usun, repwe tongeni angei öüröürer seni uluulun anümwäl mi för seni mwüch?

Jeremaia 14:22

Ifa usun, a wor eman me lein än chon ekewe mwü kewe anümwäl a tongeni apüngätiu üt? Ifa usun, ekewe läng ra tongeni püsin apüngätiu üt? Äm Kot Samol mi Lapalap, äm aia anomu äm apilükülük womw, pun en ewe mi föri ekei mettoch meinisin.

Jeremaia 18:15

Nge nei aramas ra fen manlükieila. Ra keni apach mi pwokus ngeni ekewe uluulun anümwäl. Ra chepetek lon ar kewe al, pun resap chüen fetal won ekewe alen lom, nge ra rikila ngeni pwal ekoch al lükün ewe alelap.

Jeremaia 43:12

Iwe, epwe keni än ekewe koten Isip kewe imwenfel o uweela ar kewe uluulun anümwäl. Epwe limeti ewe fanü Isip usun eman chon masen sip a ettala mösün üfan. Iwe, epwe feila seni Isip fän wesöchün an angang.

Jeremaia 50:2

“Oupwe asilefeili ekei kapas me lein chon ekewe mwü o arongafeiliir, oupwe aürätä eu asisil o arongafeili ei pworaus. Ousap tükümala, nge oupwe apasa, ‘Papilon a oo. Ewe anü Pel a itengau, ewe anü Merotak a rükö. An kewe uluulun anümwäl ra itengau, an kewe uluulun anümwäl mi anioput ra tatakis.’

Jeremaia 51:18

Ra lomotongau o uretakir, repwe tala, lupwen Kot epwe apwüngüür.

Jeremaia 8:12

Ifa usun, oua säw lupwen oua föri ekei föför mi anioput? Apwi, ousap fokun säw, esap pwal wilila wowomi. Iei mine oupwe pöütütiu lein chokewe mi pöütütiu, oupwe feiengau lupwen üpwe apwüngükemi. Ngang ewe Samol mi Lapalap üa kapas.

Jeremaia 8:19

Oupwe rongorong siön nei aramas mi nonom lon eu fanü toau. Ra apasa, “Ifa usun, ewe Samol mi Lapalap esap nom lon Sion? Ifa usun, ewe kingen Sion esap chüen nom lon?” Iwe, ewe Samol mi Lapalap a pälüeni, “Pwota chök oua asongaei ren ämi fel ngeni ämi kewe uluulun anümwäl me ämi kewe koten ekis?”

Osea 9:7

Ekewe ränin apwüng ra war, ekewe ränin angei liwinin föför ra war. Lupwen epwe fis ei, chon Israel repwe silei. Pokiten watten ämi tipis me watten ämi oput oua ekieki pwe ewe soufos a tiparoch, nge ewe mi mwökütüküt ren Ngünün Kot a fokun umwesila.

Sona 2:8

Iwe, chokewe mi fel ngeni uluulun anümwäl mi lomotongau ra likitukela, en echök mi tongeni ümöümöch ngeniir.

Sekaraia 13:2

Iei alon ewe Samol mi Unusen Manaman, “Lon ena fansoun üpwe ärala iten ekewe uluulun anümwäl seni ewe fanü, pwe esap chüen wor eman epwe chechemeniir. Üpwe pwal asüela ekewe soufos me ekewe ngün mi limengau seni ewe fanü.

Föför 14:15

“Pwota oua föri ei sokun lapalap? Äm aramas chök usun chök ämi! Äm aia nom ikei, pwe aipwe aronga ngenikemi ewe Pworausen Manau, pwe oupwe kul seni ämi fel ngeni ekei kot mi lomotongau o fel ngeni ewe Kot mi manau, ewe mi föri läng me fanüfan me matau me meinisin mine a nom lor.

Tuteronomi 32:21

Ra kupeti lelukei ren eman kot sap i kot, ra pwal asongaei ren ar uluulun anümwäl. Iei mine üpwe kupeti leluker ren chokewe sap ir eu mwü, üpwe asongeer ren eu mwü mi umwes.

1. Samuel 12:21

Ousap angang ngeni ekewe anümwäl mi lomotongau, resap tongeni afeiöchükemi ika amanauakemi, pun ra lomotongau.

1. Samuel 5:4

Nge lupwen ra pwal pwätä lesosorusichin sorotän ewe rän, ra küna pwe ar we uluulun anü Takon a chapala lepwül mwen än ewe Samol mi Lapalap we pworofel. Iwe, möküran me pöün me ruofoch ra pöküla o nom won amwüchün fän ewe asamalap, inisin chök a nom.