Jeremaia 10:14 - Chuukese Bible

¹⁴ Lupwen aramas ra küna ei, ra mefi pwe ra umwes, esap pwal wor ar mirit. Ekewe chon föri uluulun anümwäl seni kolt ra säw, pun ar kewe uluulun anümwäl ra minen atuputup, esap pwal wor ngasangas lor.

Jeremaia 10:14 Iomraidhean Croise

Kölfel 14:2

Ewe Samol mi Lapalap a nenetiu seni läng won aramas meinisin, pwe epwe küna ika a wor eman mi mirit, ika eman mi kütta Kot.

Kölfel 92:6

Aramas mi tipate resap tongeni silei, nge ir mi tiparoch resap tongeni wewe ren:

Kölfel 94:8

Ämi mi fokun tipate me lein ekewe aramas, oupwe weweöch. Ämi mi tiparoch, inet oupwe tipachemela?

Kölfel 97:7

Aramas meinisin mi fel ngeni ekewe uluulun anümwäl repwe küna säw, pwal chokewe mi aingaing won ekewe anümwäl esap wor aüchear. Ekewe kot meinisin ra chapetiu me mwen ewe Samol mi Lapalap.

Än Salomon Fos 30:2

Ellet, ngang eman mi fokun tiparoch lap seni aramas meinisin, esap wor rei än eman aramas mirit.

Aisea 42:17

Nge chokewe mi lükü uluulun anümwäl mi fal, pwal chokewe mi apasa usun ekewe uluulun anümwäl seni mächä pwe ir ar kot repwe itengau o fokun säw.”

Aisea 44:11

Iwe, i me chiechian kewe meinisin repwe lichipüng o säw. Ekewe soufalafal ra aramas chök. Repwe mwichefengen meinisin o ütä lon kapwüng. Nge repwe fokun niuokus, repwe pwal lichipüng o säw.

Aisea 45:16

Ir meinisin mi ü ngonuk repwe küna säw o itengau, nge chokewe mi falei uluulun anümwäl repwe lichipüng.

Aisea 57:12

Ämi oua ekieki pwe mine oua föri a pwüng, nge ngang üpwe pwärawu ämi föför, nge ämi uluulun anümwäl resap tongeni alisikemi.

Jeremaia 10:5

Ar kewe uluulun anümwäl ra usun chök ekewe anewenewen machang lon eu tanipin kiuri. Resap tongeni kapas. Aramas ra wisen uweer, pun resap tongeni fetal. Ousap niuokusitiir, pun resap tongeni afeiengauakemi, resap pwal tongeni afeiöchükemi.”

Jeremaia 10:8

Ir meinisin ra tiparoch o umwes. Pun ifa usun, repwe tongeni angei öüröürer seni uluulun anümwäl mi för seni mwüch?

Nöün Paulus Toropwe ngeni ekewe Souläng lon Rom 1:25

Ra akasiwili mine a let usun Kot ngeni mine a chofona. Ra fel ngeni mine Kot a föri o angang ngeni, nge resap fel ngeni Kot ewe Chon Föri mettoch meinisin, i ewe sipwe mwareiti tori feilfeilachök! Amen.

1. Samuel 5:4

Nge lupwen ra pwal pwätä lesosorusichin sorotän ewe rän, ra küna pwe ar we uluulun anü Takon a chapala lepwül mwen än ewe Samol mi Lapalap we pworofel. Iwe, möküran me pöün me ruofoch ra pöküla o nom won amwüchün fän ewe asamalap, inisin chök a nom.