Jeremaia 10:12 - Chuukese Bible

¹² Nge Kot a föri fanüfan ren an manaman, a anüküchara ren an tipachem. A ameresala ekewe läng ren an weweöch.

Jeremaia 10:12 Iomraidhean Croise

Keneses 1:1

Lepopun Kot a föri läng me fanüfan.

Keneses 2:5

esamwo wor iräkis me fetil mi mär seni lon ewe pwül, pun Kot ewe Samol mi Lapalap esamwo apüngätiu üt, esamwo pwal wor eman aramas mi föri angangen tanipi.

1. Kronika 16:26

Pun än chon ekewe mwü kewe kot ra chök uluulun anümwäl. Nge ewe Samol mi Lapalap a föri ekewe läng.

Hiop 26:7

Kot a ameresala ewe längin efeng ia esap wor och ie, o emeitiuätä fanüfan won eu leni mi pön.

Hiop 37:18

Ifa usun, ka tongeni ameresala läng usun i o föri pwe a pöchökül usun mächä mi misimis?

Hiop 9:8

I chök a förätä ekewe läng o fetal won nonoon lematau.

Kölfel 104:2

o pwölü ngonuk saram usun echö üf. Ka ameresala ekewe läng usun eu imw mangaku

Kölfel 104:24

Ai Samol mi Lapalap, ra fokun chomong ekewe mettoch ka föri. Ka föriir meinisin lon om tipachem. Fanüfan a ur ren föriom mönümanau meinisin.

Kölfel 119:90

Om allükülük a nonom tori ekewe täppin aramas meinisin. En ka anomu fanüfan lon lenian, nge a nonomopos.

Kölfel 24:2

Pun i a anomu fanüfan won ekewe matau o anükücharätiu won ekewe koluk.

Kölfel 33:6

Ewe Samol mi Lapalap a afisi ekewe läng ren an kapas, nge akkar, maram me fü kana ra fisitä ren mine a apasa.

Kölfel 65:7

Ka aükätiu ötötün ekewe matau, pwal püngüpüngün ekewe no me akürangen chon ekewe mwü,

Kölfel 78:69

Ikenan a aüetä imwan mi pin o tekia usun tekian ekewe läng, a pwal anüküchara usun fanüfan pwe epwe nom tori feilfeilachök.

Kölfel 93:1

Ewe Samol mi Lapalap a nemenem, a üföüf ngeni ling me manaman. Ewer, fanüfan a nükünük, esap fokun tongeni mwöküt seni lenian.

Än Salomon Fos 3:19

Ewe Samol mi Lapalap a föri fanüfan ren an tipachem, a anomu ekewe läng lon lenier ren an silelap.

Än Salomon Fos 30:4

Iö a feitä läng o liwinsefälitiu? Iö a tongeni kumwuchufengeni asepwäl? Iö a tongeni üfätä ekewe koluk lon echö üf? Iö a förätä kiännin fanüfan meinisin? Ifa itan? Nge ifa iten nöün we mwän? Kopwe üreniei are ka silei!

Aisea 37:16

“Ai Samol mi Unusen Manaman, en ewe Koten Israel, ka mot won eu lenien motun king asen ekewe Kerop. En chök Koten ekewe mwü meinisin won fanüfan, ka pwal föri läng me fanüfan.

Aisea 40:22

Kot ewe mi mot won an lenien motun king asen fanüfan a föri, nge chon fanüfan ra fokun kükün, usun chök lifichimas. I ewe a emeresala läng usun echö chenikam, a pwal oletala usun eu imw mangaku pwe lenien nonom.

Aisea 42:5

Iwe, Kot a föri läng o ameresala, a alapala fanüfan me meinisin mine a mär won, a pwal ngeni chon fanüfan ar ngasangas me manau. Iwe, Kot ewe Samol mi Lapalap a üreni nöün chon angang,

Aisea 44:24

Iei alon ewe Samol mi Lapalap om Chon Amanau a föruk, “Ngang ewe Samol mi Lapalap, üa föri mettoch meinisin. Ngang chök üa ameresala läng, üa pwal oletala fanüfan, nge esap wor eman a alisiei.

Aisea 45:12

Ngang üa föri fanüfan, üa pwal föri aramasen won. Iwe, ren ai manaman üa ameresala läng, üa pwal nemeni akkar, maram me fü kana.

Aisea 45:18

Iwe, ewe Samol mi Lapalap a föri läng, i ewe Kot a pwal föri fanüfan o anüküchara. Esap föri pwe epwe kotongau, nge a föri pwe lenien aramas. Iwe, a apasa, “Ngang ewe Samol mi Lapalap, esap wor eman Kot lüki.

Aisea 48:13

Iwe, pei a förätä longolongun fanüfan, nge pöüifichi a ameresala läng. Lupwen üa köriir, ra feito o nom mwei.

Aisea 49:8

Iei alon ewe Samol mi Lapalap ngeni nöün kewe aramas, “Lon fansoun öch üa aüselinga ämi siö, lon ränin küna manau üa pwal alisikemi. Üpwe tümwünükemi o föri remi eu pwon ngeni aramasen fanüfan meinisin. Ei üpwe föri pwe oupwe tongeni fanüenisefäli fanüemi mi tala iei.

Jeremaia 10:13

Lupwen a kapas, ekewe kolukun fän läng ra ngüngü. A pwal föri ekewe kuchu pwe repwe ässitä seni ekewe lesopun fanüfan. A föri inefi fiti üt o awarato asepwäl seni an lenien iseis.

Jeremaia 10:16

Nge än Jakop we Kot esap usun ekei anümwäl, pun i ewe chon föri mettoch meinisin. A pwal filätä chon Israel pwe repwe wesewesen nöün aramas, itan ewe Samol mi Unusen Manaman.

Jeremaia 14:22

Ifa usun, a wor eman me lein än chon ekewe mwü kewe anümwäl a tongeni apüngätiu üt? Ifa usun, ekewe läng ra tongeni püsin apüngätiu üt? Äm Kot Samol mi Lapalap, äm aia anomu äm apilükülük womw, pun en ewe mi föri ekei mettoch meinisin.

Jeremaia 27:5

Ngang ewe mi föri fanüfan pwal aramas me man mi nom won ren ai manaman me ai pöchökül. Iwe, ngang üa filätä iö kana üpwe ngeni ekei mettoch.

Jeremaia 32:17

‘Ai Kot Samol mi Lapalap! En ewe mi föri läng me fanüfan ren om manaman mi watte pwal ren poum mi pöchökül. Esap wor och mine a weires ngonuk.

Sekaraia 12:1

Iei ewe pworaus ewe Samol mi Lapalap a apasa fän äsengesin Israel. Iei alon ewe Samol mi Lapalap mi ameresala ekewe läng, ewe mi föri fanüfan o atolonga ewe ngasangasen manau lon aramas,

Johannes 1:3

Kot a föri mettoch meinisin ren ewe Kapas, esap wor och lein förian kewe a för lükün i.

Kolose 1:16

Pun ren Kraist Kot a föri mettoch meinisin lon läng me won fanüfan, ekewe mettoch sia tongeni küna me ekewe mettoch sisap tongeni küna, pwal ekewe ngün mi wor ar pöchökül me nemenem, ir samol mi fokun manaman. Kot a föri mettoch meinisin ren i o pwal fän itan.