Jeremaia 1:9 - Chuukese Bible

⁹ Mürin, ewe Samol mi Lapalap a aitiewu pöün, a atapa awei o üreniei, “Nengeni, üa anöünöüuk fos.

Jeremaia 1:9 Iomraidhean Croise

Aisea 49:2

Iwe, Kot a akeni kapasen awei pwe ra ken usun efoch ketilas o aopaei fän nürün pöün. A amisiei usun efoch föün likapich, a iseniei o aopaei lon an lenien föün likapich.

Aisea 50:4

Iwe, Kot ewe Samol mi Lapalap a atufichiei le kapas pwe üpwe silei met sokun kapas üpwe achipa ngeni chon riaföü. Iteiten lesosor a föngüniei, a suki selingei pwe üpwe tufichin aüseling usun eman chon kaiö a aüseling.

Aisea 51:16

Ngang ewe üa ameresala läng o föri longolongun fanüfan, üa üreni ekewe aramasen Jerusalem, ‘Ämi nei aramas kana. Üa ngenikemi ai kapas o aopakemi fän nürün pei.’”

Aisea 59:21

Iwe, iei alon ewe Samol mi Lapalap, “Iei ai pwon ngenikemi: Ngüni a nonom womi, üa pwal ngenikemi ai kapas pwe epwe nonom remi, epwe pwal nom ren nöümi me mwirimwirir kana seni ikenai tori feilfeilachök.”

Jeremaia 15:19

Iei mine ewe Samol mi Lapalap a apasa, “Are kopwe liwinsefälitiei, üpwe awisasefäliik pwe kopwe angang ngeniei. Are kopwe apasa mine a aüchea, nge sap mine a lomotongau, kopwe aweniei. Ekewe aramas repwe kul ngonuk, nge en kosap kul ngeniir.

Jeremaia 34:6

Mürin, ewe soufos Jeremaia a apworausa ekei kapas meinisin ngeni Setekia ewe kingen Juta me lon Jerusalem,

Jeremaia 36:2

“Kopwe angei echö toropwe o makei won ekewe kapas meinisin üa fen kapas ngonuk won fänäsengesin Israel, Juta me ekewe mwü meinisin. Kopwe makei meinisin mine üa kapas ngonuk won seni ewe fansoun Josia a king tori ikenai.

Jeremaia 5:14

Iei popun ewe Samol mi Lapalap ewe Kot mi Unusen Manaman a apasa, “Pokiten ekewe aramas ra apasa ekei kapas, ngang üpwe föri pwe ai kewe kapas repwe usun chök ekkei me lon awom, nge ir repwe usun chök mwüch. Iwe, ewe ekkei epwe kenirela.”

Isikiel 3:10

Iwe, a pwal apasa ngeniei, “Nöün aramas, kopwe fokun aüselinga ai kewe kapas meinisin üpwe ürenuk pwe kopwe iseis lon letipom.

Taniel 10:10

Mürin, pöün eman a atapaei o alisiei pwe üa tongeni aitenges o aüpwäsuk, nge üa fokun chechech.

Taniel 10:16

Mürin, ewe chon läng mi lapalapeni lapalapen eman aramas a atapa tinawei pwe üa tufichin fos. Iwe, üa üreni ätewe mi ütä mwei, “Ai samol, künaei we a fokun ariaföüüei, üa pwal fokun apwangapwang ren.

Numperis 23:5

Iwe, ewe Samol mi Lapalap a aiti ngeni Palam mine epwe apasa. Mürin a üreni, “Kopwe liwinla ren Palak, nge epwe ina chök alom ngeni.”

Mateus 10:19

Iwe, lupwen repwe emwenikemiila ngeni kapwüng, ousap öüreki ämi kapas are mine oupwe apasa, pun ekewe kapas oupwe apasa repwe torikemi lupwen a tori ena otun.

Markus 7:33

Iei mine Jesus a emwenala ewe mwän seni ewe mwichen aramas, pwe epwe emanüla. A tikilong lon selingen ewe mwän, a atuf o atapa chönawan.

Lukas 12:12

Pun Ngünmifel epwe aiti ngenikemi lon ewe chök otun mine oupwe apasa.”

Lukas 21:15

pun üpwe fang ngenikemi ekewe kapas me tipachem, pwe esap wor eman chon oputakemi epwe tongeni ü ngenikemi ika öpölüakemi.

Tuteronomi 18:16

Pun oua tüngor ngeni ewe Samol mi Lapalap ämi we Kot lon ewe ränin oua mwichfengen me fäsonun ewe chuk Horep, lupwen oua apasa, ‘Aisap mochen rongsefäl mwelien ewe Samol mi Lapalap äm we Kot, aisap pwal mochen künasefäli ewe ekkei mi lapalap pwe aisap mäla.’

Tuteronomi 18:17

Nge ewe Samol mi Lapalap a üreniei, ‘Meinisin mine ra apasa a pwüng.

Tuteronomi 18:18

Ngang üpwe awora eman soufos me lein pwir usun en. Üpwe emwelielia pwe epwe kapas ngeniir meinisin mine üa allük ngeni.