Jeremaia 1:8 - Chuukese Bible

⁸ Kosap niuokusitiir, pun ngang üpwe etuk o tümwünuk. Ngang ewe Samol mi Lapalap üa kapas.”

Jeremaia 1:8 Iomraidhean Croise

Ekistos 3:12

Iwe, Kot a pälüeni, “Ngang üpwe etuk. Ei epwe eu asisil ngonuk pwe ngang üa tinuk: Are ka emwenawu ekewe aramas seni lon Isip, epwe fis pwe oupwe fel ngeniei won ei chuk.”

Aisea 43:2

Are kopwe fetal lon koluk, üpwe etuk. Are kopwe fetal lon chanpupu, öütan esap amolumuk. Nge are kopwe fetal lon ekkei, kosap kar, nge pulopulan esap kuruk.

Aisea 51:12

Iwe, ewe Samol mi Lapalap a apasa, “Ngang ewe üa achipok. Pwota ka niueiti aramas mi mäkai, ir upun won aramas mi wewe ngeni fetil?

Aisea 51:7

Oupwe aüselingaei, ämi mi silei mine a pwüng, ämi aramas mi amwöchü ai allük lon lelukemi. Ousap niueiti kapasen esit me ren aramas, ousap pwal apilükingau ren ar aitengauakemi.

Jeremaia 1:17

Nge en Jeremaia kopwe amolokotä. Kopwe feila o üreniir meinisin mine üa akünö ngonuk. Kosap rükö rer, pwe üsap arüköök me fän meser.

Jeremaia 1:19

Ir repwe maun ngonuk, nge resap tongeni akufuk, pun ngang üa etuk pwe üpwe tümwünuk. Ngang ewe Samol mi Lapalap üa kapas.”

Jeremaia 20:11

Nge en, ai Samol mi Lapalap, ka nom rei usun chök eman sounfiu mi pöchökül. Iei mine ekewe chon ariaföüüei repwe chepetek, resap tongeni akufuei. Repwe fokun säw, pun esap pwönüetä ar mochen. Ar itengau esap tongeni manlüküla tori feilfeilachök.

Jeremaia 30:11

Iwe, ngang üpwe etikemi o amanauakemi. Üpwe fokun arosala chon ekewe mwü ia üa atoropasakemi ie, nge ämi üsap fokun arosakemiila. Üsap likiti ai üpwe apwüngükemi, nge lupwen üpwe apwüngükemi, üpwe apwüngükemi fän aüküköch. Ngang ewe Samol mi Lapalap üa kapas.”

Jeremaia 39:11

Iwe, Nepukatnesar ewe kingen Papilon a allük ngeni Nepusaratan ewe meilapen chon tümwünü ewe king fän äsengesin Jeremaia o apasa,

Jeremaia 42:11

Oupwe ükütiu le niuokusiti ewe kingen Papilon. Ousap niuokusiti, pun ngang üa etikemi pwe üpwe amanauakemi o angasakemi seni fän nemenian.

Taniel 3:17

Nge are epwe fis ngenikem pwe aipwe koturulong lon ewe lenien ekkei mi fokun sarara, äm we Kot aia angang ngeni epwe tongeni amanauakem seni. Ewer, i epwe angasakem seni lepoum en äm king.

Taniel 3:25

Iwe, ewe king a apasa, “Nge pwota üa küna föman mwän resap fööfö, ra fetal lukalapen ewe ekkei, nge resap feiengau. Iwe, lapalapen ewe afömanün a usun chök eman nöün ekewe kot?”

Mateus 10:26

“Iwe, ousap niuokusiti aramas! Pun mettoch meinisin mi pwölüla epwe pwäla, nge mettoch meinisin mi monomonola aramas repwe silei.

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Föför 18:10

pun ngang üpwe etuk. Esap wor eman epwe tongeni afeiengauok, pun a wor chomong nei aramas lon ei telinimw.”

Föför 26:17

Üpwe amanauok seni ekewe aramasen Israel, pwal seni ekewe chon lükün Israel, chokewe ngang üpwe tinukela rer.

Föför 4:13

Iwe, chon ewe mwichen soupwüng ra mairü lupwen ra küna än Petrus me Johannes pworacho, ra pwal silei pwe ir aramas resap fiti sukul. Iwe, ra mefi pwe ir fen chiechien Jesus.

Föför 4:29

Äm Samol, iei kopwe ekieki ar kapasen eniweniw o atufichi noumw kei chon angang pwe repwe afalafala om kapas fän pwora.

Efisos 6:20

Pun ngang eman chon künö fän iten ei Pworausen Manau, inamwo ika ngang üa nom lon imwen fötek iei. Oupwe iotek pwe üpwe pwora le apasatä ewe Pworausen Manau, pun iei wisei.

Tuteronomi 31:6

Oupwe apöchökülakemi o tipepwora, nge ousap niuokus are niueitiir, pun ewe Samol mi Lapalap ämi we Kot epwe etikemi. Esap tümwününgau ngenikemi, esap pwal likitikemi.”

Tuteronomi 31:8

Iwe, ewe Samol mi Lapalap i epwe akom mwom, epwe etuk, nge esap tümwününgau ngonuk, esap pwal likituk. Kosap niuokus ika rükö.”

Josua 1:5

Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk.

Josua 1:9

Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”