Jeremaia 1:5 - Chuukese Bible

⁵ “Üa sileek me mwen kosamwo fis me lon letipen inom, nge me mwen om kosamwo uputiu üa filuk. Üa awisok pwe kopwe eman soufos ngeni chon ekewe mwü.”

Jeremaia 1:5 Iomraidhean Croise

Kölfel 139:15

Chün inisi resap mon senuk, lupwen üa för lemonomon o kachufengen lon ekewe leni mi alolol lon fanüfan.

Kölfel 139:16

En ka fen künaei, lupwen esamwo wor uluuli. Iteiten ränin manauei meinisin, ka awora fän itei, ra fen mak lon noum puk mwen ar resamwo fis.

Ekistos 33:12

Iwe, Moses a üreni ewe Samol mi Lapalap, “Nengeni, ka kapas ngeniei pwe üpwe emwenala ekei aramas ngeni ewe fanü, nge kosap asile ngeniei iö kopwe tini pwe epwe etiei. Nge ka fen üreniei, ‘Üa sileek, ka pwal küna ümöümöch me rei.’

Ekistos 33:17

Iwe, ewe Samol mi Lapalap a üreni Moses, “Üpwe fokun föri meinisin mine ka tüngor, pun üa sileek, ka pwal küna ümöümöch me rei.”

Aisea 44:2

Ngang ewe Samol mi Lapalap üa föruk o afisuk me lon letipen inom, üa pwal alisuk. Kosap niuokus, Israel nei chon angang, Jesurun nei we üa filätä.

Aisea 49:1

Oupwe aüselingaei, ämi kewe fanüen lematau, oupwe rongorong, ämi chon ekewe mwü mi nom toau. Ewe Samol mi Lapalap a filiei seni lon letipen inei o ngeniei itei, lupwen üa uputiu.

Aisea 49:5

Iei alon ewe Samol mi Lapalap, a afisiei lon letipen inei pwe üpwe nöün chon angang, a awisaei pwe üpwe aliwinato nöün aramasen Israel o achufengeniir ren, pun üa iteüöch fän mesen ewe Samol mi Lapalap, nge ai Kot i popun ai pöchökül.

Jeremaia 1:10

Lon ei rän üa awisok pwe kopwe nemenem won ekewe fanü me mwü, pwe kopwe üttiretä o kupiretiu, kopwe atarela o atururetiu, kopwe pwal aüretä o fotukiir.”

Jeremaia 1:4

Iwe, ewe Samol mi Lapalap a kapas ngeniei,

Jeremaia 20:15

Epwe anümamau ewe aramas mi apwapwai semei, lupwen a uwei ewe pworaus ngeni o apasa, “Eman noum ät a upu ngonuk.”

Jeremaia 25:13

Üpwe atoto won Papilon ekewe feiengau meinisin üa fen apasa fän itan, meinisin mine a mak lon ei puk, ekewe kapasen feiengau Jeremaia a osuni fän iten ekewe mwü meinisin.

Jeremaia 36:2

“Kopwe angei echö toropwe o makei won ekewe kapas meinisin üa fen kapas ngonuk won fänäsengesin Israel, Juta me ekewe mwü meinisin. Kopwe makei meinisin mine üa kapas ngonuk won seni ewe fansoun Josia a king tori ikenai.

Jeremaia 50:34

Nge ar Chon Amanau a pöchökül, itan ewe Samol mi Unusen Manaman. Epwe fokun peniir, pwe epwe awora kinamwe ngeni fanüfan, nge ngeni ekewe chon Papilon epwe awora osukosuk.”

Lukas 1:15

Epwe eman mwän mi lap mwen mesen ewe Samol. Esap tongeni ün wain are sakau, nge epwe ur ren Ngünmifel seni fansoun an uputiu.

Lukas 1:41

Nge lupwen Elisapet a rong ewe kapong seni Maria, ewe mönükol a mwökütüküt me lon lukan. Iwe, Elisapet a ur ren Ngünmifel

Lukas 1:76

Nge en, nei, kopwe iteni nöün Kot ewe mi Unusen Tekia soufos. Kopwe akom mwen ewe Samol, pwe kopwe amolätä alan,

Johannes 10:36

Nge me rei, Semei a apiniei o tinieito won fanüfan. Epwe ifa usun ämi oupwe tongeni apasa pwe üa eäni kapasen turunufas, pokiten üa apasa pwe ngang Nöün Kot?

Nöün Paulus Toropwe ngeni ekewe Souläng lon Rom 1:1

Ngang Paulus, eman chon angangen Kraist Jesus, üa kö pwe üpwe eman soukünö mi imwüla fän iten ai üpwe arongafeili än Kot we Pworausen Manau.

Nöün Paulus Toropwe ngeni ekewe Souläng lon Rom 8:29

Iwe, chokewe Kot a fen filiiretä me lom a pwal aimwürela pwe repwe wewe ngeni Nöün we lon lapalapan, pwe i ewe epwe mwänichi lein pwiin kewe mi chomong.

1. Korint 8:3

Nge ewe aramas mi echeni Kot a sil me ren Kot.

Efisos 1:22

Kot a anomu mettoch meinisin fän nemenien Kraist. A awisa i pwe epwe möküren mwichefel o nemeni mettoch meinisin.