Jeremaia 1:3 - Chuukese Bible

³ Ewe Samol mi Lapalap a pwal kapas ngeni Jeremaia lon mwün Joiakim ewe kingen Juta nöün Josia we mwän. Mürin a pwal kapas ngeni fän chomong tori sopolan ewe engol me euin ierin mwün Setekia ewe kingen Juta nöün Josia we mwän. Iwe, lon alimuen maramen ei ier ekewe chon Jerusalem ra oola.

Jeremaia 1:3 Iomraidhean Croise

2. King 23:34

Farao Neko a seikätä Eliakim nöün Josia we mwän, pwe epwe siwili saman we lon wisan wisen king. Iwe, a siwili itan ngeni Jehoiakim. Nge Farao Neko a uwala Joahas Isip. Iwe Joahas a mäla ikenan.

2. King 24:17

Iwe, Nepukatnesar a seikätä Matania pwin semen Jehoiachin, pwe epwe siwili Jehoiachin lon wisan wisen king, nge a siwili itan ngeni Setekia.

1. Kronika 3:15

Iwe, a wor föman nöün Josia kewe mwän: Johanan ewe mwänichi, Jehoiakim, Setekia me Salum.

Jeremaia 1:4

Iwe, ewe Samol mi Lapalap a kapas ngeniei,

Jeremaia 34:1

Iwe, ewe Samol mi Lapalap a kapas ngeni Jeremaia, lupwen Nepukatnesar ewe kingen Papilon me nöün mwichen sounfiu meinisin, pwal chon ekewe mwü me ainang meinisin won fanüfan mi nom fän nemenian ra maun ngeni Jerusalem me ekewe telinimw ünükün.

Jeremaia 35:1

Iwe, lon mwün Jehoiakim ewe kingen Juta nöün Josia we mwän, ewe Samol mi Lapalap a kapas ngeni Jeremaia,

Jeremaia 36:2

“Kopwe angei echö toropwe o makei won ekewe kapas meinisin üa fen kapas ngonuk won fänäsengesin Israel, Juta me ekewe mwü meinisin. Kopwe makei meinisin mine üa kapas ngonuk won seni ewe fansoun Josia a king tori ikenai.

Jeremaia 39:2

Nge lon engol me aeuin ierin mwün Setekia, lon atiuen ränin ewe arüanün maram a pwang tittin ewe telinimw.

Sekaraia 7:5

“Kopwe üreni aramasen ewe fanü meinisin, pwal ekewe souasor: Lupwen oua echikefel me ngüngüres lon alimuen me afisuen maram lon ekei fik ier, ifa usun, oua wesewesen echikefel fän itei?

Sekaraia 8:19

“Ekewe ränin echikefel oua eäni lon arüanün maram, alimuen maram, afisuen maram me aengolun maram repwe wiliti fansoun pwapwa me mwänek me ränin kametip mi apwapwa ngeni chon Juta. Iei mine oupwe sani let me kinamwe.”