Jeremaia 1:2 - Chuukese Bible

² Iwe, ewe Samol mi Lapalap a kapas ngeni Jeremaia lon engol me ülüngatin ierin mwün Josia ewe kingen Juta nöün Amon we mwän.

Jeremaia 1:2 Iomraidhean Croise

1. King 13:2

Ewe soufos a kökkö ngeni ewe rongen asor fän alon ewe Samol mi Lapalap o apasa, “Rongen asor, rongen asor, iei alon ewe Samol mi Lapalap: Eman ät epwe uputiu me lon ewe familien Tafit itan Josia. Ätewe epwe eäni asor womw ekewe souasor seni ekewe lenien fel won ekewe leni mi tekia, ir ätekewe ra föri ar asor womw. Nge chün aramas repwe kek womw.”

1. King 13:20

Iwe, lupwen ra mot ngeni chepel, alon ewe Samol mi Lapalap a tori ewe soufos chinlap mi aliwinisefäli ewe soufos seni Juta.

2. King 21:18

Iwe, Manasa a mäla, nge ra peiaseni lon ewe tanipi lükün imwan, ewe tanipin Usa. Iwe, Amon nöün we mwän a siwili lon wisan wisen king.

2. King 21:24

Nge ekewe aramasen Juta ra niela chokewe meinisin mi rawangauei ewe king Amon o seikätä Josia nöün we mwän, pwe epwe siwili lon wisan wisen king.

2. King 22:3

Lon engol me waluen ierin mwün ewe king Josia, Josia a tinala ewe seketeri Safan ren imwen ewe Samol mi Lapalap. Iwe, Safan nöün Asalia we mwän, nge Asalia nöün Mesulam mwän. Ewe king a üreni,

Jeremaia 1:11

Iwe, ewe Samol mi Lapalap a aisiniei, “Jeremaia, met ka küna?” Nge üa pälüeni, “Üa küna efoch palen ewe irä almont.”

Jeremaia 1:4

Iwe, ewe Samol mi Lapalap a kapas ngeniei,

Jeremaia 25:3

“Lon ükükün rüe me ülüngat ier, seni ewe engol me ülüngatin ierin mwün Josia ewe kingen Juta nöün Amon we mwän tori ikenai ewe Samol mi Lapalap a kapas ngeniei. Iwe, üa asile ngenikemi ekei kapas iteiten fansoun, nge ämi ousap aüseling.

Jeremaia 28:12

Iwe, ekoch fansoun mürin än ewe soufos Hanania angei ewe waas seni won üei o kupi, ewe Samol mi Lapalap a üreniei,

Jeremaia 3:6

Iwe, lon mwün ewe king Josia ewe Samol mi Lapalap a üreniei, “Ka küna mine chon Israel mi kirikiringau ra föri? Ra kul seniei o feitä won ekewe chuk meinisin pwal fän ekewe irä meinisin mi mwuresires o fel ngeni ekewe koten ekis. Ren ei ra kirikiringau ngeniei.

Jeremaia 36:2

“Kopwe angei echö toropwe o makei won ekewe kapas meinisin üa fen kapas ngonuk won fänäsengesin Israel, Juta me ekewe mwü meinisin. Kopwe makei meinisin mine üa kapas ngonuk won seni ewe fansoun Josia a king tori ikenai.

Osea 1:1

Iei ewe pworaus ewe Samol mi Lapalap a asile ngeni Osea nöün Peri we mwän lon mwün ekewe kingen Juta iter Usia, Jotam, Ahas me Hiskia, pwal lon mwün Jeropoam nöün Joas we mwän ewe kingen Israel.

Sowel 1:1

Iei alon ewe Samol mi Lapalap ngeni Sowel nöün Petuel we mwän:

Sona 1:1

Iwe, lon eu rän ewe Samol mi Lapalap a kapas ngeni Sona nöün Amittai we mwän o üreni,

Mika 1:1

Iwe, lon mwün Jotam, Ahas me Hiskia ekewe kingen Juta, ewe Samol mi Lapalap a kapas ngeni Mik ewe re Moreset. Iei usun mine a pwäri ngeni Mik fänäsengesin Samaria me Jerusalem:

Sefanaia 1:1

Iei alon ewe Samol mi Lapalap ngeni Sefanaia nöün Kusi we mwän. Kusi nöün Ketalia, Ketalia nöün Amaria, nge Amaria nöün Hiskia. Ei a fis lon mwün Josia ewe kingen Juta nöün Amon we mwän.