Jeremaia 1:16 - Chuukese Bible

¹⁶ Üpwe apwüngü nei aramas pokiten ar föföringau meinisin. Ra likitieila, ra asor ngeni pwal ekoch kot o fel ngeni mine ra püsin föri ren pöür.

Jeremaia 1:16 Iomraidhean Croise

2. King 22:17

Pokiten ra likitieila o kenala apach mi pwokus ngeni pwal ekoch kot, pwe repwe asongaei ren ar kewe uluulun anümwäl ra püsin föri. Iei mine ai song epwe watte ngeni ei leni, nge esap wesila.’

2. Kronika 15:2

A towu seni ewe telinimw pwe epwe churi Asa. Iwe, a üreni, “Oupwe aüselingaei, Asa me chon Juta me Peniamin meinisin. Ewe Samol mi Lapalap a etikemi, lupwen oua eti i. Are oua kütta i, oupwe küna, nge are oua pöütala i, epwe pöütikemiila.

2. Kronika 28:2

A apirü än ekewe kingen Israel föför, a pwal föri uluulun ewe anü Paal seni mächä.

2. Kronika 34:25

Pokiten ra likitieila o kenala apach mi pwokus ngeni pwal ekoch kot, ra pwal asongaei ren ar kewe uluulun anümwäl ra püsin föri. Iei mine ai song epwe watte ngeni ei leni, nge esap wesila.’

2. Kronika 7:19

Nge are oupwe kul seniei o aleasolap ngeni ai kewe allük me pwüüng üa ngenikemi, are oupwe angang ngeni pwal ekoch kot o fel ngeniir,

Aisea 2:8

Fanüer a pwal masou ren uluulun anümwäl kana, nge chon ewe fanü ra asamolu mine ra püsin föri ren pöür.

Aisea 37:19

ra pwal aturalong nöür kewe kot lon ekkei. Pun nöür kewe kot mi för seni müch me fau, sap ir wesewesen Kot, nge förien aramas chök. Iei mine ra tala.

Aisea 44:15

Mürin, eman aramas a eäni och amwüch seni ewe irä. Iwe, a angei och pwe epwe aküw o arara ngeni, a pwal eäni amwüch pwe epwe umuni pilawa. Nge och a angei pwe epwe falei eu uluulun anümwäl seni o fel ngeni.

Aisea 65:3

Ir eu mwichen aramas ra afifi lemesei iteiten fansoun, ra föri ar asor ngeni ekewe anümwäl lon ekewe tanipi o keni apach mi pwokus won ekewe rongen asor seni fau mi fal.

Jeremaia 10:15

Ra lomotongau o uretakir. Repwe tala, lupwen Kot epwe apwüngüür.

Jeremaia 10:3

Än chon ekewe mwü lamalam ra mwäl. Ra pökü efoch irä seni lein wöllap, nge eman soufalafal a angang ngeni ren efoch falafal.

Jeremaia 11:12

Mürin, ekewe chon Juta me chon Jerusalem repwe feila ren ekewe kot ra keni apach mi pwokus ngeniir o siö ngeniir. Nge ekewe kot resap tongeni amanaueer lon fansoun ar tolong lon feiengau.

Jeremaia 11:17

Ngang ewe Samol mi Unusen Manaman, üa fotuki Israel me Juta. Nge iei üpwe awarato feiengau wor pokiten ekewe föför mi ngau ra föri. Ra asongaei ren ar asor ngeni ewe anü Paal.”

Jeremaia 15:6

Ämi oua likitieila, oua chök sopwela le tokola seniei. Iei mine üa aitiewu pei o afeiengauakemi. Üa chipwangela le pwetete ngenikemi.

Jeremaia 16:11

mürin kopwe üreniir, ‘Iei alon ewe Samol mi Lapalap: Ei a fis pokiten ämi kewe lewo ra likitieila, pwe repwe angang ngeni pwal ekoch kot o fel ngeniir. Ra likitieila, nge resap aleasochisi ai kewe allük.

Jeremaia 17:13

Ai Samol mi Lapalap, en än chon Israel apilükülük. Meinisin mi likitukela repwe säw, nge chokewe mi kul senuk epwe mak iter lepwül, pokiten ra likitala ewe Samol mi Lapalap ewe puächen kolukun manau.

Jeremaia 18:15

Nge nei aramas ra fen manlükieila. Ra keni apach mi pwokus ngeni ekewe uluulun anümwäl. Ra chepetek lon ar kewe al, pun resap chüen fetal won ekewe alen lom, nge ra rikila ngeni pwal ekoch al lükün ewe alelap.

Jeremaia 19:4

Üpwe föri ei, pun ekewe aramas ra likitieila. Ra apiningaua pinin ei leni ren ar keni apach mi pwokus ngeni pwal ekoch kot, sokun kot ir me ar kewe lewo pwal ekewe kingen Juta resap sileer. Ra aura ei leni ren chan chokewe esap wor ar tipis.

Jeremaia 2:13

Pun nei aramas ra föri ruu tipis: Ra likitieila, ngang ewe puächen kolukun manau, nge ra tuw chönüttu fän iter, sokun chönüttu mi sangang, esap tongeni mwöch koluk lor.

Jeremaia 2:17

Ifa usun, sap püsin en Israel ka awarato womw ei feiengau ren om likitieila ngang ewe Samol mi Lapalap, lupwen üa emwenukela won ewe al?

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 2:28

Nge ikafa ir ämi kewe kot oua püsin föri fän itemi? Ir repwe feito o manauakemi lon fansoun ämi osukosuk are ra tongeni. Pun ükükün chomongun ämi kewe telinimw, iei ükükün chomongun ämi kewe kot, ämi chon Juta.”

Jeremaia 4:12

nge epwe eu asepwäl mi fokun pöchökül, epwe enito fän än ewe Samol mi Lapalap allük. Püsin i epwe atowu pwüngün an kapwüng ngeniir.”

Jeremaia 4:28

Ren ei fanüfan epwe letipeta, nge läng epwe cholola. Pun ngang üa kapas, nge üsap siwili ai ekiek, üa apwüngala mine üpwe föri, nge üsap akasiwili.”

Jeremaia 44:17

Nge äm aipwe fokun föri meinisin mine aia fen pwon pwe aipwe föri. Äm aipwe keni apach mi pwokus ngeni ewe kiwinen läng o ninätiu ngeni asoren ün usun äm me äm kewe lewo, äm kewe king me nöüm kewe nöüwis aia fen föri me lon ekewe telinimwen Juta, pwal lon ekewe alen Jerusalem. Pun lon ena fansoun a wor chomong enem mongö, aia fefeitä, nge aisap feiengau.

Jeremaia 5:29

Ifa usun, ngang ewe Samol mi Lapalap üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför.

Jeremaia 5:9

Ifa usun, üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför?

Jeremaia 51:17

Aramas meinisin ra umwes, esap wor ar mirit. Ekewe chon angang ngeni kolt ra säw ren förier uluulun anümwäl, pun mine ra föri a mwäl, esap wor ngasangas lor.

Jeremaia 7:17

Ifa usun, kosap küna mine ra föri me lon ekewe telinimwen Juta pwal lon ekewe alen Jerusalem?

Jeremaia 7:18

Ekewe semirit ra os mwüch, ekewe sam ra soni ewe ekkei, nge ekewe fefin ra öüwa pilawa pwe repwe föri nokop fän iten ewe anü fefin ra aita ngeni kiwinen läng. Ra pwal ninätiu asorun ün ngeni pwal ekoch kot, pwe repwe ariaföüüei.

Jeremaia 7:9

Oua solä, niela aramas, föri föförün lisowu, akapelmwäl, keni apach mi pwokus ngeni ewe anü Paal o fel ngeni pwal ekoch kot ousap sileer me mwan.

Isikiel 16:18

Iwe, ka angei üfom mi chü o pwölü ngeni ekewe uluulun mwän, ka pwal eäni asor ngeniir ai apüra me ai apach mi pwokus.

Isikiel 24:14

Ngang ewe Samol mi Lapalap üa kapas. A war ewe fansoun fän itei pwe üpwe apwönüetä mine üa apasa. Üsap piit, üsap pwal eäni tong ika lamalamala. Üpwe apwünguk won om kewe föför meinisin,” Iei alon Kot ewe Samol mi Lapalap.

Osea 11:2

Nge lupwen üa alapala ai kökköriir, ir ra chök alapala ar feila seniei. Nei aramas ra asor ngeni ekewe anü Paal o keni apach mi pwokus ngeni ekewe uluulun anümwäl.

Osea 8:6

Ewe uluulun anümwäl, eman souangang re Israel a föri, esap fokun i Kot. Ewe uluulun nienifön kow lon Samaria epwe tatakis.

Sowel 2:11

Iwe, ewe Samol mi Lapalap a kökkö fän leüömong me mwen an mwichen sounfiu. Ewer, an mwich a fokun watte, nge iteiter mi aleasochisi an kapas ra pwora. Iwe, ränin ewe Samol mi Lapalap a fokun eniwokus. Iö a tongeni pwäk le nonom lon?

Föför 7:41

Iwe, lon ena fansoun ra föri eu uluulun anümwäl lon lapalapen eman ätemwänin kow, ra uwato ar asor ngeni, ra föri eu kametip o asamolu mine ra föri ren pöür.

Tuteronomi 28:20

Iwe, ewe Samol mi Lapalap epwe tinato womi anümamau, fitikoko me apwüng lon meinisin mine oua föri tori oupwe mäla o müttir rosola pokiten ämi föför mi ngau me ämi likitala Kot.

Tuteronomi 31:16

Iwe, ewe Samol mi Lapalap a üreni Moses, “A arapakan om kopwe le mäla o nom ren om kewe lewo. Mürin, ekei aramas repwe föri usun chök angangen lisowu ren ar fel ngeni pwal ekoch koten ewe fanü ia repwe feila ie. Iwe, repwe likitieila o ataela ai we pwon üa föri ngeniir.

Josua 24:20

Are oua likitala ewe Samol mi Lapalap o angang ngeni pwal ekoch koten ekis, i epwe kul o afeiengauakemi. Epwe arosakemiila mürin an afeiöchükemi.”

Pwärätä 9:20

Iwe, ekewe lusun aramas resap mäla ren ekei feiengau resap aier seni mine ra föri ren pöür. Resap ükütiu le fel ngeni ekewe anün rochopwak me ekewe uluulun anümwäl mi för seni kolt, silifer, piras, fau me mwüch, ir ekewe uluulun anümwäl resap tongeni küna ika rongorong ika fetal.