Jeremaia 1:15 - Chuukese Bible

¹⁵ Pun üpwe körato chon ekewe mwün efeng meinisin pwe repwe feito. Ar kewe king repwe anomu ar lenien motun king lon ekewe asamalapen Jerusalem me pwelin ünükün tittin pwal ünükün ekewe telinimwen Juta meinisin.

Jeremaia 1:15 Iomraidhean Croise

Aisea 22:7

Ekewe lemol mi pwülüöch ra ur ren woken, nge chon wawa oris ra ütä ren ekewe asamalapen Jerusalem.

Jeremaia 10:22

Oupwe aüseling pwe eu pworaus a war. A wor eu akürangen maun mi watte a feito seni ewe mwü mi nom efeng. An kewe sounfiu repwe ataela ekewe telinimwen Juta, pwe repwe wiliti eu leni ia ekewe kolak mi mwacho repwe nom ie.

Jeremaia 10:25

Nge kopwe atoto om song won chon ekewe mwü resap sileek, pwal won ekewe aramas resap köri itom. Pun ra niela noum aramas, ra wesewesen nirela o ataela fanüer.

Jeremaia 13:20

Jerusalem, kopwe netä o küna chon oputom mi feito seni efeng. Ia ra nom ie ekewe aramas ka wisen tümwünüür, noum kewe aramas ka aingaing wor?

Jeremaia 25:28

Nge are resap mochen angei ewe kap seni lepoum pwe repwe ün, mürin kopwe üreniir, ‘Iei alon ewe Samol mi Unusen Manaman: Oupwe fokun ün.

Jeremaia 25:9

üpwe titila ren chon ekewe mwü meinisin mi nom efeng, pwal ren nei chon angang Nepukatnesar ewe kingen Papilon. Üpwe emwenireto pwe repwe maun ngeni ei fanü Juta me aramasan, pwal ngeni chon ekewe mwü meinisin mi nom pwelin ünükün. Üpwe fokun aroserela o föri pwe repwe och minen eniweniw, och minen turunufas me itengau tori feilfeilachök. Ngang ewe Samol mi Lapalap üa kapas.

Jeremaia 33:10

Iei alon ewe Samol mi Lapalap, “Ämi oua apasa usun ei leni pwe eu fanü mi pön, esap wor aramas ika man ra nom ie. Mi pwüng pwe ekei telinimwen Juta, pwal ekewe alen Jerualem ra pönüla, esap wor aramas ika man ra nom ie. Nge lon ekei leni oupwe rongorongsefäl

Jeremaia 34:1

Iwe, ewe Samol mi Lapalap a kapas ngeni Jeremaia, lupwen Nepukatnesar ewe kingen Papilon me nöün mwichen sounfiu meinisin, pwal chon ekewe mwü me ainang meinisin won fanüfan mi nom fän nemenian ra maun ngeni Jerusalem me ekewe telinimw ünükün.

Jeremaia 34:22

Üpwe allük ngeniir pwe repwe liwiniti ei telinimw, repwe maun ngeni, repwe liapeni o kenala. Üpwe föri pwe ekewe telinimwen Juta repwe pönüla, nge resap chüen so. Ngang ewe Samol mi Lapalap üa kapas.”

Jeremaia 39:3

Iwe, lupwen ra liapeni Jerusalem, nöün ewe kingen Papilon kewe meilapen nöüwis meinisin ra feito o mot lon ewe Asamalapen Lukalap. Ikkei iter: Nerkal-sareser, Samkar-nepo, Sarsekim, pwal eman Nerkal-sareser fiti ekoch nöüwis nöün ewe kingen Papilon.

Jeremaia 4:16

Repwe asile ngeni chon ekewe mwü o arongafeili ngeni chon Jerusalem pwe ekewe mwichen sounfiu ra feito seni eu fanü toau. Repwe akkapwas ngeni ekewe telinimwen Juta.

Jeremaia 4:6

Oupwe aüetä eu asisil won ewe al mi ale ngeni Sion, oupwe süla ngeni eu lenien kinamwe, nge ousap mang. Pun ewe Samol mi Lapalap epwe awarato feiengau me watten tatakis seni efeng.

Jeremaia 43:10

Mürin kopwe üreniir, ‘Iei alon ewe Samol mi Unusen Manaman, ewe Koten Israel: Üpwe titi nei chon angang Nepukatnesar ewe kingen Papilon. I epwe anomu an lenien motun king won ekei fau üa irela, epwe pwal aüetä imwan imwen king wor.

Jeremaia 44:6

Iei mine üa asasawu ai lingeringer me ai song won ekewe telinimwen Juta me ekewe alen Jerusalem o kenirela, pwe ra tatakis o pönüla usun a fis tori ikenai.”

Jeremaia 46:24

Ekewe chon Isip repwe säw, repwe oolong lepöün ekewe aramas seni efeng. Ngang ewe Samol mi Lapalap üa kapas.”

Jeremaia 5:15

Iei alon ewe Samol mi Lapalap, “Nengeni, üpwe awarato womi ämi chon Israel chon eu mwü mi feito seni toau. Ir chon eu mwü mi pöchökül o nom seni me lomlom, chon eu mwü ämi ousap weweiti ar kapas.

Jeremaia 6:22

Iei alon ewe Samol mi Lapalap, “Nengeni, eu mwichen aramas a feito seni ewe fanü mi nom efeng, chon eu mwü mi fokun watte seni lesopun fanüfan, ra amolätä ngeni maun.

Jeremaia 9:11

Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Kölün kechü 5:11

Ra achomanauei ekewe fefin lon Sion, pwal ekewe föpwül lon ekewe telinimwen Juta.

Isikiel 32:30

Iwe, ekewe samol meinisin seni efeng, pwal ekewe chon Siton meinisin ra nom. Ra feitiu fän ar säw ren chokewe mi ninnila, inamwo ika ar pwora a eniwokusu aramas me lom. Ir chokewe resap sirkomsais, ra kon ren chokewe mi mäla lon maun, ra pwal uwei ar itengau fiti chokewe mi feitiu lon ewe lenien sotup.

Sowel 2:20

Iwe, üpwe atowu me leimi ekewe pwiin lifichimas seni efeng o asürela toau lon fanüapö, pwe ekewe mi akom repwe mäla lon ewe Setin Mäla mi nom ötiu, nge ekewe mi kukumwir repwe mäla lon ewe matau watte mi nom lotou. Iwe, pwongauen inisir epwe pwonotä. Üpwe aroserela pokiten ar kewe föför ra föriir.”

Sekaraia 6:6

Ewe woken mi chol orisin a feila ngeni ewe fanü efeng, ewe mi pwech orisin a feila ngeni ewe fanü lotou, nge ewe mi tiketik orisin a feila ngeni ewe fanü ör.”