Jeremaia 1:14 - Chuukese Bible

¹⁴ Mürin, ewe Samol mi Lapalap a üreniei, “Feiengau epwe towu seni efeng o feito won chon ei fanü meinisin.

Jeremaia 1:14 Iomraidhean Croise

Aisea 14:31

Ämi chon Filistia meinisin, oupwe kechü lon asamalapen tittin ämi telinimw, oupwe pupuchör lon telinimwemi fän niuokus. Pun eu mwichen sounfiu a feito seni efeng, nge esap wor eman me leir epwe nisin.”

Aisea 41:25

Üa amwökütü eman seni efeng, iwe, a feito. Üa kökköri seni ötiu, iwe, epwe köri itei. Epwe puri fän pechen ekewe samol usun eman a puri pwül, ika usun eman chon föri sepi a puri ewe pwül epwe föri sepi seni.

Jeremaia 10:22

Oupwe aüseling pwe eu pworaus a war. A wor eu akürangen maun mi watte a feito seni ewe mwü mi nom efeng. An kewe sounfiu repwe ataela ekewe telinimwen Juta, pwe repwe wiliti eu leni ia ekewe kolak mi mwacho repwe nom ie.

Jeremaia 11:17

Ngang ewe Samol mi Unusen Manaman, üa fotuki Israel me Juta. Nge iei üpwe awarato feiengau wor pokiten ekewe föför mi ngau ra föri. Ra asongaei ren ar asor ngeni ewe anü Paal.”

Jeremaia 25:9

üpwe titila ren chon ekewe mwü meinisin mi nom efeng, pwal ren nei chon angang Nepukatnesar ewe kingen Papilon. Üpwe emwenireto pwe repwe maun ngeni ei fanü Juta me aramasan, pwal ngeni chon ekewe mwü meinisin mi nom pwelin ünükün. Üpwe fokun aroserela o föri pwe repwe och minen eniweniw, och minen turunufas me itengau tori feilfeilachök. Ngang ewe Samol mi Lapalap üa kapas.

Jeremaia 31:8

Nengeni, üpwe emwenireto seni ewe fanü efeng o achufengeniir seni lesopun fanüfan. Chon chun me chon pechemä repwe etiir, pwal fefin mi pwopwo me chokewe mi toriir ar cheuchen fam. Repwe liwiniti ei fanü fän eu mwich mi watte.

Jeremaia 4:6

Oupwe aüetä eu asisil won ewe al mi ale ngeni Sion, oupwe süla ngeni eu lenien kinamwe, nge ousap mang. Pun ewe Samol mi Lapalap epwe awarato feiengau me watten tatakis seni efeng.

Jeremaia 46:20

Isip a wewe ngeni eman kow mi fokun mürina, nge eman sokun kilisoon kow mi kükkük a feito won seni efeng.

Jeremaia 47:2

Iei alon ewe Samol mi Lapalap, “Nengeni, ekewe koluk ra fokun pumong seni efeng, repwe wiliti eu öüt mi fokun pufetal. Repwe pwölüela ewe fanü me meinisin mine a nom lon, pwal ekewe telinimw me chokewe mi imweimw lor. Ekewe aramas repwe puchör, nge chokewe mi nonom lon ewe fanü repwe ngüngüres.

Jeremaia 50:41

Nengeni, eu mwichen sounfiu a feito seni efeng. Chon eu mwü mi watte me chomong king ra mwöküt seni lesopun fanüfan.

Jeremaia 50:9

Pun nengeni, üpwe äpwächa o awarato eu mwichen aramas seni ekewe mwü watte mi nom efeng, pwe repwe maun ngeni Papilon. Repwe atetteliir pwe repwe maun ngeni ewe fanü o liapeni. Nöür kewe sounfiu mi sipeöch le esefich ra fokun föüen.

Jeremaia 6:1

Ämi chon ewe ainangen Peniamin, oupwe sü seni Jerusalem o sü ngeni anaie oupwe kinamwe me ie. Oupwe ettiki ewe rappwa me lon Tekoa, oupwe aüetä eu asisil won Pet-akerem, pun feiengau me tatakis mi watte epwe feito seni efeng.

Jeremaia 6:22

Iei alon ewe Samol mi Lapalap, “Nengeni, eu mwichen aramas a feito seni ewe fanü mi nom efeng, chon eu mwü mi fokun watte seni lesopun fanüfan, ra amolätä ngeni maun.

Isikiel 1:4

Iwe, lupwen üa nenela, üa küna eu mölümöl a feito me efeng, pwal eu kuchu mi watte o fokun saramaram ünükün. Iwe, ekkei a fifiwu fochofoch seni, nge lukalapen ewe ekkei a usun chök piras mi molupolup.

Isikiel 24:3

Iwe, kopwe asile ngeni ekewe chon lükümach o ü ngeniei eu kapas awewe. Kopwe üreniir, ‘Iei alon Kot ewe Samol mi Lapalap: Kopwe isetä ewe kama won ekkei, kopwe fokun isetä o alölöü ngeni koluk.

Sowel 2:20

Iwe, üpwe atowu me leimi ekewe pwiin lifichimas seni efeng o asürela toau lon fanüapö, pwe ekewe mi akom repwe mäla lon ewe Setin Mäla mi nom ötiu, nge ekewe mi kukumwir repwe mäla lon ewe matau watte mi nom lotou. Iwe, pwongauen inisir epwe pwonotä. Üpwe aroserela pokiten ar kewe föför ra föriir.”

Sekaraia 6:6

Ewe woken mi chol orisin a feila ngeni ewe fanü efeng, ewe mi pwech orisin a feila ngeni ewe fanü lotou, nge ewe mi tiketik orisin a feila ngeni ewe fanü ör.”