Jeremaia 1:13 - Chuukese Bible

¹³ Mürin ewe Samol mi Lapalap a pwal aisiniei, “Met ka küna?” Nge üa pälüeni, “Üa küna eu nape mi pur, nge a päito seni efeng.”

Jeremaia 1:13 Iomraidhean Croise

Keneses 41:32

Nge wewen om tan fän ruu pwe Kot a fen amolätä ekewe mettoch, nge epwe pwal müttir afisätä.

Aisea 55:11

iei usun ai kapas esap liwinto rei fän pön, pwe epwe afisätä mine üa tipeni o apwönüetä mine üa akünöü ngeni.

Jeremaia 24:3

Iwe, ewe Samol mi Lapalap a aisiniei, “Jeremaia, met ka küna?” Nge üa üreni, “Üa küna föün fiik. Ekewe föün fiik mi mürina ra fokun mürina, nge ekewe föün fiik mi ngau ra fokun ngau pwe esap wor eman a tongeni ocheer.”

Isikiel 11:3

Iwe, ra apasa, ‘A arap ewe fansoun ach sipwe aüetä imw. Ei telinimw a wewe ngeni eu kama, nge kich ewe fituk mi nom lon.’

Isikiel 11:7

Iei mine ngang Kot ewe Samol mi Lapalap üa apasa: Ekewe somä oua niela lon ei telinimw ir ewe fituk, nge ei telinimw ewe kama. Iwe, nge ämi, ngang üpwe asükemiila seni ei telinimw.

Isikiel 12:28

Iei mine kopwe üreniir, ‘Iei alon Kot ewe Samol mi Lapalap: Esap wor eu lein ai kewe kapas epwe mang le pwönüetä, nge mine üa apasa epwe fokun fis.’ Ngang Kot ewe Samol mi Lapalap üa kapas.”

Amos 8:2

Iwe, ewe Samol mi Lapalap a aisiniei, “Amos, met ka küna?” Nge üa pälüeni, “Üa küna eu chükün föün irän leres.” Mürin, ewe Samol mi Lapalap a üreniei, “A tori sopolan fän iten nei aramasen Israel. Üsap chüen siwili ai ekiekin apwüngüür.

Sekaraia 4:2

Iwe, a aisiniei, “Met ka küna?” Nge üa pälüeni, “Üa küna eu lenien atittin seni kolt, nge mi wor eu sepi fän iten noppuk a nom won. Mi pwal wor fisu lamp won ewe lenien atittin, nge fisu paip ra feila ngeni ekewe lamp.