Jeremaia 1:12 - Chuukese Bible

¹² Mürin ewe Samol mi Lapalap a üreniei, “A pwüng mine ka küna, pun üa tümwünü ai kapas pwe üpwe apwönüetä.”

Jeremaia 1:12 Iomraidhean Croise

Aisea 55:11

iei usun ai kapas esap liwinto rei fän pön, pwe epwe afisätä mine üa tipeni o apwönüetä mine üa akünöü ngeni.

Jeremaia 1:13

Mürin ewe Samol mi Lapalap a pwal aisiniei, “Met ka küna?” Nge üa pälüeni, “Üa küna eu nape mi pur, nge a päito seni efeng.”

Jeremaia 24:3

Iwe, ewe Samol mi Lapalap a aisiniei, “Jeremaia, met ka küna?” Nge üa üreni, “Üa küna föün fiik. Ekewe föün fiik mi mürina ra fokun mürina, nge ekewe föün fiik mi ngau ra fokun ngau pwe esap wor eman a tongeni ocheer.”

Jeremaia 31:28

Iwe, usun üa mamasa ai üpwe üttiretä o kupiretiu, pwe üpwe atururetiu, ataretiu o afeiengaueer, iei usun üpwe pwal mamasa ai üpwe aüretä o fotukiir.

Isikiel 12:25

Pwe ngang ewe Samol mi Lapalap üpwe kapas, nge epwe fokun pwönüetä, pun esap chüen mang. Ewer, lupwen fansoun manauemi, ämi chon lükümach o ü ngeniei, üpwe apwönüetä ai kewe kapas meinisin.” Iei alon Kot ewe Samol mi Lapalap.

Isikiel 12:28

Iei mine kopwe üreniir, ‘Iei alon Kot ewe Samol mi Lapalap: Esap wor eu lein ai kewe kapas epwe mang le pwönüetä, nge mine üa apasa epwe fokun fis.’ Ngang Kot ewe Samol mi Lapalap üa kapas.”

Amos 8:2

Iwe, ewe Samol mi Lapalap a aisiniei, “Amos, met ka küna?” Nge üa pälüeni, “Üa küna eu chükün föün irän leres.” Mürin, ewe Samol mi Lapalap a üreniei, “A tori sopolan fän iten nei aramasen Israel. Üsap chüen siwili ai ekiekin apwüngüür.

Lukas 10:28

Iwe, Jesus a pölüeni, “Mi pwüng mine ka apasa. Iei usun mine kopwe föri, iwe, kopwe manau.”

Lukas 20:39

Iwe, ekoch me lein ekewe Sensen Allük ra apasa, “Sense, a fokun mürina om kapasen pölüen.”

Tuteronomi 18:17

Nge ewe Samol mi Lapalap a üreniei, ‘Meinisin mine ra apasa a pwüng.

Tuteronomi 32:35

Iwe, ewe Samol mi Lapalap epwe ngeniir chappen ar föför me liwiningauer lon ewe fansoun, lupwen pecher epwe mit. Ränin ar feiengau a arap, ar kapwüng epwe warakai.

Tuteronomi 5:28

Iwe, lupwen ewe Samol mi Lapalap a rongorong ämi kapas ngeniei, a üreniei, ‘Üa rongorong än ekewe aramas kapas ra ürenuk. A wesewesen pwüng meinisin mine ra apasa.