Jeremaia 1:11 - Chuukese Bible

¹¹ Iwe, ewe Samol mi Lapalap a aisiniei, “Jeremaia, met ka küna?” Nge üa pälüeni, “Üa küna efoch palen ewe irä almont.”

Jeremaia 1:11 Iomraidhean Croise

Keneses 30:37

Mürin, Jakop a angei fönupun ekewe irä iter poplar, almont me plein, a atika ekis ünücher pwe epwe pwä mwakelekelin pwechepwecher.

Aisea 55:11

iei usun ai kapas esap liwinto rei fän pön, pwe epwe afisätä mine üa tipeni o apwönüetä mine üa akünöü ngeni.

Jeremaia 24:3

Iwe, ewe Samol mi Lapalap a aisiniei, “Jeremaia, met ka küna?” Nge üa üreni, “Üa küna föün fiik. Ekewe föün fiik mi mürina ra fokun mürina, nge ekewe föün fiik mi ngau ra fokun ngau pwe esap wor eman a tongeni ocheer.”

Isikiel 12:25

Pwe ngang ewe Samol mi Lapalap üpwe kapas, nge epwe fokun pwönüetä, pun esap chüen mang. Ewer, lupwen fansoun manauemi, ämi chon lükümach o ü ngeniei, üpwe apwönüetä ai kewe kapas meinisin.” Iei alon Kot ewe Samol mi Lapalap.

Isikiel 12:28

Iei mine kopwe üreniir, ‘Iei alon Kot ewe Samol mi Lapalap: Esap wor eu lein ai kewe kapas epwe mang le pwönüetä, nge mine üa apasa epwe fokun fis.’ Ngang Kot ewe Samol mi Lapalap üa kapas.”

Isikiel 7:10

Ewe rän a war. Feiengau a feito womw. Pwüngingau a pwükütä, nge lamalamtekia a fokun wattela.

Amos 7:8

Iwe, ewe Samol mi Lapalap a aisiniei, “Amos, met ka küna?” Nge üa pälüeni, “Üa küna efoch selin awenewen.” Mürin, ewe Samol a apasa, “Üa aea ei selin awenewen pwe üpwe aiti ngeni nei aramasen Israel, pwe ra wewe ngeni eu tit mi pwor. Iwe, üsap chüen siwili ai ekiekin apwüngüür.

Amos 8:2

Iwe, ewe Samol mi Lapalap a aisiniei, “Amos, met ka küna?” Nge üa pälüeni, “Üa küna eu chükün föün irän leres.” Mürin, ewe Samol mi Lapalap a üreniei, “A tori sopolan fän iten nei aramasen Israel. Üsap chüen siwili ai ekiekin apwüngüür.

Sekaraia 4:2

Iwe, a aisiniei, “Met ka küna?” Nge üa pälüeni, “Üa küna eu lenien atittin seni kolt, nge mi wor eu sepi fän iten noppuk a nom won. Mi pwal wor fisu lamp won ewe lenien atittin, nge fisu paip ra feila ngeni ekewe lamp.

Sekaraia 5:2

Iwe, ewe chon läng a aisiniei, “Met ka küna?” Nge ngang üa pälüeni, “Üa küna echö toropwe mi äs, langataman a ükükün ilik fiit, nge chölapan ükükün engol me limu fiit.”

Numperis 17:8

Iwe, sorotän ewe rän Moses a tolong lon ewe imwenfel seni mangaku. A küna wokun Aaron we fän iten ewe ainangen Lefi pwe a fasar, a et, a pwal wor pöön irä won o uani föün almont mi maaw.