Jeremaia 1:10 - Chuukese Bible

¹⁰ Lon ei rän üa awisok pwe kopwe nemenem won ekewe fanü me mwü, pwe kopwe üttiretä o kupiretiu, kopwe atarela o atururetiu, kopwe pwal aüretä o fotukiir.”

Jeremaia 1:10 Iomraidhean Croise

1. King 17:1

Iwe, eman sofos itan Elias seni Tispe lon Kiliat a üreni Ahap, “Mwo manauen ewe Samol mi Lapalap ewe Koten Israel, ewe Kot üa angang ngeni, esap püngütiu amurenipwin ika üt lon kei ier tori üpwe kapasefäl.”

1. King 19:17

Iö epwe sü pokiten Hasael a ekiekin niela, Jehu epwe niela, nge iö epwe sü pokiten Jehu a ekiekin niela, Elisa epwe niela.

Än Salomon Afalafal 3:3

A wor fansoun niela pwal fansoun apöchökülätä, a wor fansoun ataela pwal fansoun aüetä.

Jeremaia 1:5

“Üa sileek me mwen kosamwo fis me lon letipen inom, nge me mwen om kosamwo uputiu üa filuk. Üa awisok pwe kopwe eman soufos ngeni chon ekewe mwü.”

Jeremaia 24:6

Üpwe mamaseer o ümöümöch ngeniir, üpwe pwal aliwinisefäliir ngeni ei fanü. Üpwe afefeitäär, nge üsap ataretiu, üpwe fotukiir, nge üsap üttiretä.

Jeremaia 25:13

Üpwe atoto won Papilon ekewe feiengau meinisin üa fen apasa fän itan, meinisin mine a mak lon ei puk, ekewe kapasen feiengau Jeremaia a osuni fän iten ekewe mwü meinisin.

Jeremaia 31:28

Iwe, usun üa mamasa ai üpwe üttiretä o kupiretiu, pwe üpwe atururetiu, ataretiu o afeiengaueer, iei usun üpwe pwal mamasa ai üpwe aüretä o fotukiir.

Jeremaia 31:40

Unusen ewe lemol ia ekewe somä me ewe falangen ekkei ra nom ie, pwal ekewe lemäl meinisin achöüala ngeni ewe oüwö Kitron tori lepwokukun ewe Asamalapen Oris awenewenen ötiu, ekei kinikin meinisin repwe pin fän itei. Ewe telinimw esap fokun chüen katatiu ika tala.”

Jeremaia 36:2

“Kopwe angei echö toropwe o makei won ekewe kapas meinisin üa fen kapas ngonuk won fänäsengesin Israel, Juta me ekewe mwü meinisin. Kopwe makei meinisin mine üa kapas ngonuk won seni ewe fansoun Josia a king tori ikenai.

Jeremaia 44:27

Üa mamasa pwe üpwe atoto womi feiengau, nge sap feiöch. Ämi aramasen Juta meinisin mi nom lon ei fanü Isip oupwe rosola lon maun pwal ren lengita tori esap chüen wor eman lusun.

Jeremaia 45:4

Nge ngang ewe Samol mi Lapalap üa apasa: Üpwe ataetiu mine üa aüetä o üttätä mine üa fotukätiu. Iei usun mine üpwe föri ngeni unusen ewe fanü.

Isikiel 21:19

“Nöün aramas, kopwe liosu ruofoch al fän iten ewe ketilas nöün ewe kingen Papilon. Ir me ruofoch repwe pop seni eu chök fanü. Kopwe aüetä efoch asisil lepopun ewe al a ale ngeni eu telinimw.

Isikiel 23:36

Iwe, ewe Samol mi Lapalap a üreniei, “Nöün aramas, ifa usun, kopwe eäni apwüng ngeni Ohola me Oholipa? Iwe, kopwe pwäri ngeniir ar kewe föför mi anioput.

Isikiel 32:18

“Nöün aramas, kopwe ngüngüres fän iten ekewe mwicheichen chon Isip. Kopwe atururetiu epin fanüfan fiti chon ekewe mwü mi pöchökül ren chokewe mi fen nom lon lenien sotup:

Isikiel 36:36

Mürin, chon ekewe mwü mi chüen nom ünükümi repwe silei pwe ngang ewe Samol mi Lapalap, üa aüsefälietä ekewe telinimw mi tatakis, üa pwal tanipinisefäli mine a tala. Ngang ewe Samol mi Lapalap üa kapas, üpwe pwal apwönüetä.”

Isikiel 43:3

Iwe, künaei ei me ren Kot a usun chök künaei we üa küna, lupwen Kot a feito pwe epwe ataela ewe telinimw Jerusalem, pwal usun chök künaei we üa küna me arun ewe chanpupu Kepar. Iwe, üa chapetiu lepwül.

Osea 6:5

Iei mine üa atatakisikemi o niikemi ren ai kewe kapas üa tini ngeni ekewe soufos, ai apwüng a fiitikemi usun inefi.

Amos 3:7

Ellet, Kot ewe Samol mi Lapalap esap föri och ika esap pwäri mwo mine a ekiekietä ngeni nöün chon angang ekewe soufos.

Amos 9:11

Iwe, ewe Samol mi Lapalap a apasa, “Epwe war ewe fansoun lupwen üpwe aüsefälietä ewe mwün Tafit mi wewe ngeni eu imw mi turula. Üpwe apinasa pwangan o försefäli mine a ta me won. Üpwe försefäli pwe epwe usun chök lon fansoun lom.

Sekaraia 1:6

Ifa usun, ai kewe kapas me ai kewe allük üa allük ngeni nei kewe chon angang ekewe soufos resap küw ämi kewe lewo? Iei mine ra ekieksefäl o üra: Usun mine ewe Samol mi Unusen Manaman a ekiekietä pwe epwe föri ngenikem fän iten äm kewe lapalap me föför, iei usun a föri ngenikem.”