James 5:9 - Chuukese Bible

⁹ Ämi pwii kana, ousap lalefengen lefilemi, pwe Kot esap apwüngükemi. Ewe Soukapwüng a ütä arun asam.

James 5:9 Iomraidhean Croise

Keneses 4:7

Ifa usun, are ka föri mine a pwüng, üsap etiwa om asor? Nge pokiten ka föri mine a ngau, tipis a operuk lükün asamom. Iwe, a mochen nemenuk, nge en kopwe akufu.”

Kölfel 59:15

Ra küttafetal ener mongö o ngüngü, lupwen resap möt.

Isikiel 7:12

Iwe, a tori fansoun, a pwal arap ewe rän. Esap wor popun än ewe chon kamö epwe pwapwa ika ewe chon amömö epwe lolilen, pun Kot a song ngeniir meinisin.

Lifitikos 19:18

Kosap püsin ngeni ätewe mi tipis ngonuk chappen an föför, kosap pwal chou ngeni eman lein aramasom. Nge kopwe echeni chon arum usun püsin om echenuk, pun ngang ewe Samol mi Lapalap.

Mateus 24:33

Iei usun, lupwen oua küna pwe ekei mettoch ra fis, oupwe silei pwe i a arapoto, a molotä an epwe le war.

Markus 13:29

Iei usun lupwen oupwe küna pwe ekei mettoch repwe fis, oupwe silei pwe ewe fansoun a arapoto o molotä ngeni ar repwe pwönüetä.

Markus 6:19

Iei mine Herotias a fokun song ngeni Johannes o a ekieki an epwe niela. Nge esap tongeni pokiten Herotes.

1. Korint 10:11

Ekei mettoch meinisin ra fis ngeniir pwe eu lenien awewe fän iten ekewe pwal ekoch, eman a makkeretiu pwe repwe eu kapasen fön fän itach. Pun sia manau lon eu fansoun a arapoto fansoun sopolan.

1. Korint 4:5

Iei mine ousap apwüngü eman me mwen an epwe war ewe fansoun mi fich. Ewe amüchülan kapwüng epwe witiwit tori ach Samol epwe war. I epwe asarama mine a monomonola lon rochopwak o pwärawu mine a monomon lon ekiekin aramas. Mürin aramas meinisin repwe angei me ren Kot iteüöchür lon met a fich ngeni eman me eman.

2. Korint 9:7

Oupwe fang en me usun mefien letipan. Ousap fangürüfituk ika fang fän echimw. Pun Kot a echeni eman mi pwapwa le lifang.

Kalatia 5:14

Pun ekewe Allük meinisin ra unusolong lon ewe eu chök allük, “Kopwe echeni chon arum usun püsin om echenuk.”

Kalatia 5:26

Sisap lamalamtekia ika akuffengenikich ika lolowofengen lefilach.

James 4:11

Ämi pwii kana, ousap aitengauafengenikemi lefilemi. Iö a aitengaua eman pwiin souläng ika apwüngü, a aitengaua o apwüngü ewe Allük. Are ka apwüngü ewe Allük, mürin kosap chüen eman chon aleasochis ngeni, nge ka eman chon apwüngü ewe Allük.

James 4:12

Kot echök ewe mi föri ewe Allük, pwal i ewe souapwüng. I chök a tongeni amanaua o afeiengaua aramas. Nge en iö, pwe kopwe apwüngü chon arum?

James 5:10

Ämi pwii kana, oupwe chechemeni ekewe soufos mi kapas fän iten ach Samol. Oupwe eäniir lenien apirü lon ar mosonotam me likitü fän ekewe riaföü.

James 5:7

Iei mine ämi pwii kana, oupwe mosonotam tori ach Samol epwe war. Oupwe nenengeni usun än eman chon tanipi mosonotam le witiwiti pwe fanüan epwe awora ua mi fokun aüchea. A mosonotam le witiwit an epwe püngütiu ewe üten leräs me üten lefeng.

1. Petrus 4:5

Nge ir repwe püsin peniir me mwen Kot usun meinisin mine ra föri. Kot ewe mi molotä an epwe apwüngü chon manau me chon mäla kana.

1. Petrus 4:9

Oupwe etiwafengenikemi lefilemi, nge ousap lal ren.

Pwärätä 3:20

Nengeni, üa ü lükün asam o fichifich. Are eman epwe rongorong mweliei o suki ewe asam, üpwe tolong ren o mongö ren, nge i epwe mongö rei.