James 5:7 - Chuukese Bible

⁷ Iei mine ämi pwii kana, oupwe mosonotam tori ach Samol epwe war. Oupwe nenengeni usun än eman chon tanipi mosonotam le witiwiti pwe fanüan epwe awora ua mi fokun aüchea. A mosonotam le witiwit an epwe püngütiu ewe üten leräs me üten lefeng.

James 5:7 Iomraidhean Croise

Jeremaia 5:24

Ousap ekieki lon lelukemi, ‘Ousipwe meniniti ewe Samol mi Lapalap ach we Kot, mi fang ngenikich üt lon fansoun öch, mi fang ngenikich ewe ütten lefen me ütten leres o awarato ngenikich ewe fansoun kinikin iteiten ier.’

Osea 6:3

Ousipwe achocho ngeni ach sipwe silei ewe Samol mi Lapalap. Usun mal a tö iteiten lesosor, iei usun epwe fokun waroto. Epwe wareitikich usun püngün üt, usun ekewe ütten leres mi achöchönü fanüfan.”

Sowel 2:23

Oupwe mwänek, ämi aramasen Sion, oupwe pwapwa ren mine ewe Samol mi Lapalap ämi we Kot a föri. A fang ngenikemi üttomong o apüngätiu womi ütten lefen me ütten leres usun chök me mwan.

Sekaraia 10:1

Oupwe tüngorei ewe Samol mi Lapalap pwe epwe apüngatiu ewe ütten leres lon fansoun. Ewe Samol mi Lapalap mi föri ekewe kuchun üt epwe fangeto ngeni aramas püngün üt pwe irä repwe mär lon ekewe tanipi.

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Mateus 16:28

Enlet, üpwe ürenikemi pwe mi wor ekoch aramas ikei resap mäla, pwe repwe mwo küna Nöün Aramas epwe war lon wisan wisen king o nemenem.”

Mateus 24:27

Pun Nöün Aramas epwe feito usun fifi mi fila lon unusen läng seni ötiu tori lotou.

Mateus 24:44

Iei mine pwal ämi, oupwe molotä fansoun meinisin, pun Nöün Aramas epwe war lon eu otun ousap ekieki ngeni.

Lukas 18:8

Ngang üpwe ürenikemi, epwe müttir le pwärala ar pwüng. Nge lupwen Nöün Aramas epwe war, ifa usun, epwe küna aramas mi lükülük won fanüfan?”

Lukas 21:27

Lon ena fansoun repwe küna Nöün Aramas, epwe feito won kuchu fän manaman me ling mi lapalap.

Lukas 8:15

Nge ekewe pwükil mi mworotiu lon pwül mi mürina ra wewe ngeni chokewe mi rongorong kapasen Kot o amwöchü lon eu leluk mi mürina o aleasochis, ra likitü tori ra ua.

Johannes 21:22

Jesus a pölüeni, “Are ngang üa mochen pwe epwe nonom tori ai üpwe liwinto, pwal met wewen ngonuk? Kopwe chök tapweto müri!”

Johannes 21:23

Iei mine a chöfeil ewe kapas lein ekewe chon kaiö, pwe ei eman chon kaiö esap mäla. Nge Jesus esap apasa pwe ätewe esap mäla, pwe a chök apasa, “Are üa mochen an epwe nonom tori ai üpwe liwinto, met pwal wewen ngonuk?”

Nöün Paulus Toropwe ngeni ekewe Souläng lon Rom 15:4

Pun meinisin mine a mak lon ekewe Toropwe mi Pin a mak fän iten ach sipwe kaiö seni, pwe epwe wor ach apilükülüköch ren ach likitü pwal ren ach küna pöchökülen letipach mi torikich seni ekewe Toropwe mi Pin.

Nöün Paulus Toropwe ngeni ekewe Souläng lon Rom 2:7

Ekoch aramas ra likitü lon ar föför mürina, ra kütta ling me iteüöch me ewe manau esap müchüla. Iwe, Kot epwe ngeniir manau esemüch.

1. Korint 1:7

iei mine ousap osupwang ren och ekewe feiöchün Ngün lupwen oua witiwiti ach Samol Jesus Kraist an epwe pwä.

Kalatia 5:5

Nge kich sia apilükülükü pwe Kot epwe föri pwe sipwe küna pwüng me ren. Iei met sia witiwiti ren ewe manamanen Ngünün Kot mi angang loch ren ach lükülük.

Kalatia 6:9

Iwe, sisap achanü le föföri mine a mürina. Pun are sisap achanü, epwe war ewe fansoun lupwen sipwe kini ewe räs.

Tuteronomi 11:14

i epwe fang ngenikemi üt fän iten fanüemi lon fansoun öch, epwe ngenikemi ewe ütten leefen me ütten leräs, pwe oupwe tongeni ionalong kiniemi föün wiich me föün wain me ämi föün olif, pwe epwe wor ämi apüra.

Kolose 1:11

Iwe, oupwe pöchökülela ren sokun tufich meinisin mi pop seni an manaman me ling, pwe oupwe tongeni likitü o mosonotam.

1. Tesalonika 1:3

Pun aia chechemeni me mwen ach Kot i Samach usun ämi lükülük mi pwä lon ämi föför, usun ämi tong mi pwä lon ämi angang weires, pwal usun ämi apilükülüköch mi nüküchar lon ach Samol Jesus Kraist.

1. Tesalonika 2:19

Pun ämi chök popun äm apilükülüköch, äm pwapwa, pwal popun äm aingaing lon äm win mwen mesen ach Samol Jesus lupwen epwe liwinsefälito.

1. Tesalonika 3:13

Ach Samol epwe apöchöküla letipemi, pwe oupwe unusöch o pin mwen mesen Samach Kot, lupwen ach Samol Jesus epwe liwinsefälito fiti nöün kewe chon pin meinisin.

Ipru 6:15

Apraham a likitü fän mosonotam, iei mine a fis ngeni mine Kot a eäni pwon.

James 4:11

Ämi pwii kana, ousap aitengauafengenikemi lefilemi. Iö a aitengaua eman pwiin souläng ika apwüngü, a aitengaua o apwüngü ewe Allük. Are ka apwüngü ewe Allük, mürin kosap chüen eman chon aleasochis ngeni, nge ka eman chon apwüngü ewe Allük.

James 5:10

Ämi pwii kana, oupwe chechemeni ekewe soufos mi kapas fän iten ach Samol. Oupwe eäniir lenien apirü lon ar mosonotam me likitü fän ekewe riaföü.

James 5:3

Ämi kolt me silifer ra parangela, nge ei parang epwe atipisikemi o änala fitukemi usun chök än ekkei kenala mettoch. Oua achukuchukatä pisekimi lon ekei ränin lesopolan.

2. Petrus 3:4

o apasa, “A pwon pwe epwe liwinsefälito. Iwe, met, ia a nom ie? Semelapach kewe ra fen mäla, nge ekewe mettoch meinisin ra ususur we chök seni ewe fansoun Kot a föri fanüfan.”