James 5:5 - Chuukese Bible

⁵ Oua manaueni eu manau mi fokun mecheres won ei fanüfan, oua pwal eäni pwapwan fanüfan. Oua püsin föri met oupwe kitinup ren fän iten ewe ränin ninnila.

James 5:5 Iomraidhean Croise

Kölfel 17:14

Ai Samol mi Lapalap, kopwe angasaei seni ekewe aramas mi chök angei ar feiöch me lon ei fanüfan. Kopwe apwüngüür ren ekewe riaföü ka amolätä fän iter, amwo epwe naf ngeni nöür me nöün nöür.

Kölfel 73:7

Seni lon leluker mi pöchökül a towu ekiek mi ngau, rawangau esap wor aükükün a chök nom lon ar ekiek.

Än Salomon Fos 17:1

A mürina än eman aramas epwe mongö elülü mongö mi pwasapwas, nge mi wor kinamwe, lap seni an epwe eti eu mongön kametip lon eu imw mi wor fitikoko lon.

Än Salomon Fos 7:14

“Ikenai üa eäni eu asoren kinamwe, nge a chüen wor ochäi fituk seni ewe mönün asor.

Än Salomon Afalafal 11:9

En alüal, kopwe pwapwa le alüalum, letipom epwe meseik lon fansoun om alüal. Kopwe chök föri mine letipom a tipeni o mesom a küna. Nge kopwe chechemeni pwe Kot epwe apwünguk ren om kewe föför meinisin.

Aisea 22:13

Nge oua chök pwapwa o mweireir, oua niela kow me sip kana pwe oupwe ochoch fituk o ünümi wain. Pun oua apasa, “Ousipwe momongö o ükün, pun lesor sipwe mäla.”

Aisea 3:16

Ewe Samol mi Lapalap a pwal apasa, “Ekewe fin Jerusalem ra lamalamtekia, ra sikesik le fetal, ra nerikirik ren ar mochenia, ra pwal lüölü lupwen ar fetal, pwe fouten pecher repwe tikitik.

Aisea 47:8

Iei mine kopwe aüselinga ei kapas, en fefin mi efich pwapwamong, ka nom lon leni mi kinamwe o ekieki lon letipom, ‘Ngang chök, nge esap wor eman lüki. Üsap fokun wiliti eman fefin mi mä pwülüan, esap pwal wor eman nei epwe mäla.’

Aisea 56:12

Iwe, ra apasa, “Ou etto, sipwe kütta ünümach wain me sakau pwe sipwe puchula ren. Mine sa föri ikenai, sipwe pwal alapala le föri lesor.”

Jeremaia 12:3

Nge en ai Samol mi Lapalap, ka sileei, ka künaei o sotuni ai ekiek ngonuk. Kopwe nukiela ekewe aramasangau usun sip ra nukunuk ngeni ar repwe ninnila, kopwe aimwürela fän iten ewe ränin ninnila.

Jeremaia 25:34

Ämi chon mas, oupwe kechü o ngüngüres, ämi souemwenin nei aramas, oupwe asokopälakemi lon pwül. Pun fansoun ämi ninni a war. Oupwe turutiu o tatakis usun eu pör mi mürina.

Isikiel 16:49

Iei tipisin pwiüm we Sotom: I me wisoposopun kewe ra lamalamtekia, ra mongömong, ra pwal nonomöch fän kinamwe, nge resap alisi chon wöüngau me mwelele.

Isikiel 39:17

Iei alon Kot ewe Samol mi Lapalap, “Nöün aramas, kopwe köri sokopaten machang me manmwacho meinisin, ‘Oupwe feito seni ekis meinisin o mwich, pun üpwe amolätä fän itemi eu asor mi watte won ekewe chukun Israel. Ikenan oupwe ochoch fituk o ün cha.

Amos 6:1

Feiengauemi ämi mi nonomöch lon Sion, ämi mi mefi kinamwe lon Samaria, pwal ämi mwän mi iteföüla mi nom lon eu mwü mi iteföüla, ämi chokewe chon Israel ra feito remi pwe repwe kütta alilisir senikemi.

Lukas 16:19

“A wor eman mwän mi pisekisek, a üföüf üf mi parachol me pwechepwech mi fokun mömong o a chök kakametip iteiten rän.

Lukas 16:25

Nge Apraham a üreni, ‘Nei, kopwe chechemeni pwe lon ränin manauom ka fen angei ekewe mettoch mi mürina meinisin, nge Lasarus a angei ekewe mettoch mi ngau. Nge iei a nom ikei lon an kinamwe, nge en ka nom ikenan lon om riaföü.

Nöün Paulus Toropwe ngeni ekewe Souläng lon Rom 13:13

Ousipwe föri föförün pwüng usun aramas mi nom lon saram. Sisap mongömong ika ünüpuch, sisap lisowu ika föföringau, sisap anini ika lolowo.

1. Timoty 5:6

Nge eman fefin mi mä pwülüan nge a chök apwapwai inisin lon sokun pwapwan fanüfan, neminei a fen mäla, inamwo ika a chüen manau lon inisin.

2. Timoty 3:4

ra rawangauei aramas, ra rochongau o uren lamalamtekia, ra efich pwapwan fanüfan, nge resap echeni Kot.

2. Petrus 2:13

repwe angei liwiniir sokun riaföü ra ariaföüü ngeni aramas. Ra chök pwapwaiti ar repwe momongö o ükün lon ar kametip le rän. Ra eu minen asäw me itengau lupwen ra etikemi le mongö, nge ra pwal pwapwaiti ar kewe föförün likatuputup.

Jutas 1:12

Ekei aramas ra usun chök och limengau lefilemi lupwen oua chiechifengen lon ämi kametip ren ar säwemang lon ar momongö o ükün. Ra chök püsin tümwünüür. Ra usun chök ekewe kuchu esor koluk lor, äsepwäl a ässirela. Ra usun irä esap wor uar lon fansoun kinikin, irä mi üttütä fiti warer, ra wesewesen mäla.

Pwärätä 18:7

Oupwe awora ngeni neminei chomong riaföü me letipeta, usun chök watten ewe ling a püsin alinga ngeni me ewe pwapwan fanüfan a awora ngeni. Pun a püsin ekieki lon letipan, ‘Ngang eman kiwin, üa mot won ai lenien mot! Ngang üsap eman fin lipichsefäl. Ngang üsap fokun tolong lon letipeta.’

1. Samuel 25:36

Iwe, Apikael a liwinto ren Napal. Nge Napal a föri eu kametip lon imwan usun än eman king kametip. Iwe, a pwapwa lon lelukan, pun a fokun pulas. Iei mine neminewe esap fokun apworausa ngeni och tori a ränila.

1. Samuel 25:6

Iwe, a aiti ngeniir usun mine repwe üreni Napal, “Üa kapong ngonuk. Kinamwe epwe toruk me chon leimwom meinisin, epwe pwal tori meinisin mine ka nöüni.