James 5:4 - Chuukese Bible

⁴ Ousap ngeni ekewe chon angang mi angang ngeni ämi kewe mälämäl liwinin ar angang. Oupwe aüseling ngeni ar lalangau! Än ekewe chon kini ämi kewe räs siöngau a tori selingen Kot, ewe Samol mi Unusen Manaman.

James 5:4 Iomraidhean Croise

Keneses 4:10

Nge ewe Samol mi Lapalap a üreni, “Met ka föri? Chan pwiüm we a köriei seni won pwül.

Hiop 34:28

Ir popun pwe ekewe chon wöüngau ra kökköri Kot pwe epwe alisiir, nge i a rongorong ar siö.

Hiop 7:2

Usun eman chon angang, aramas ra nöüni amanau, a älälei an mochen nonom fän nür, pwal usun eman aramas mi saata a witiwiti liwinin,

Kölfel 9:12

Kot a chechemeni chokewe mi riaföü, esap manlükala ar siö, nge epwe ngeni ekewe chon föföringau chappen ar föför.

Ekistos 22:27

Pun ina chök üfan a pwölü ngeni inisin. Met chök epwe chenikameni le annut? Nge are epwe siö ngeniei, üpwe rongorong, pun üa eäni tong.

Ekistos 3:9

Iei än ekewe aramasen Israel siö a toriei, üa pwal küna ar riaföü me ren chon Isip.

Aisea 1:9

Are ewe Samol mi Unusen Manaman esap amanaua ekoch leich, sipwe usun chök chon Sotom me chon Komora.

Aisea 5:7

Iwe, än ewe Samol mi Unusen Manaman tanipin wain ekewe chon Israel, nge fotukian irä mi mürina ekewe chon Juta. A awiti pwe aramas repwe föri mine a mürina, nge ra chök nimanau. A awiti pwe repwe föri mine a pwüng, nge a chök rong kechüen riaföü pokiten pwüngingau.

Aisea 5:9

Iwe, üa rongorong än ewe Samol mi Unusen Manaman kapasen akapel, “Ellet, ekei imw watte pwal imweöch repwe tala, nge esap chüen wor aramas lor.

Jeremaia 22:13

Feiengauen ätewe mi aüetä imwan fän pwüngingau o föri an kewe rumwen won fän rikirik, a angangamwäli chon arun, nge esap ngeniir liwinir.

Lifitikos 19:13

Ousap ariaföüü chon arumi, ousap pwal angei och seni fän pöchökül. Ousap mwo nge amwöchü liwinin eman chon angang lon unusen eu pwin tori lesosor.

Apakuk 2:11

Pwal föün etippen ewe imw repwe kökkö o üpälü ngonuk, nge irälapan kewe repwe elliwini ewe kökkö.

Malakai 3:5

Iei alon ewe Samol mi Unusen Manaman, “Mürin, üpwe feito remi pwe üpwe apwüngükemi. Ngang üpwe eman chon pwärätä mi atipisi ekewe sourong, ekewe chon lisowu, ekewe mi akapelmwäl me ekewe mi angaua liwinin nöür chon angang, pwal chokewe mi ariaföüü ekewe fefin mi mä pwülüer, ekewe mi mäsen me ekewe chon siamü. Üpwe atipisi chokewe meinisin resap niuokusitiei.”

Mateus 9:37

Mürin Jesus a üreni nöün kewe chon kaiö, “Ewe räs a fokun watte, nge ekewe chon angangen räs ra chokükün.

Lukas 18:7

Ifa usun, Kot esap fokun pwärala än nöün kewe mi fil pwüng, ir chokewe mi kökköri le rän me le pwin? Ifa usun, epwe mang le alisiir?

Nöün Paulus Toropwe ngeni ekewe Souläng lon Rom 9:29

Iei usun a fis mine Aisea a fen apasa me mwan, “Are ewe Samol mi Unusen Manaman esap amanaua ekoch mwirimwirich, kich sipwe usun chök chon Sotom me chon Komora.”

Tuteronomi 15:9

Oupwe afälikemi pwe esap wor ekiek mi ngau lon lelukemi, pwe oua apasa: A arap ewe afisuen ier, ewe ierin musala. Ousap pwal wowongau ngeni pwimi we mi wöüngau pwe ousap ngeni och. Pun pwimi epwe siö ngeni ewe Samol mi Lapalap o aturukemi, nge ämi oupwe tipis ren.

Kolose 4:1

Ämi samol kana, oupwe aramasöch o eäni pwüng ngeni nöümi amanau. Oupwe chechemeni pwe mi pwal wor ämi Samol lon läng.