James 5:16 - Chuukese Bible

¹⁶ Iei mine oupwe pwärifengeni ämi tipis kana, eman ngeni eman o iotekifengenikemi, pwe oupwe pöchökületä. Än eman chon pwüng iotek a manaman o a fokun pwönüetä.

James 5:16 Iomraidhean Croise

Keneses 19:29

Iwe, a fis pwe lupwen Kot a ataala ekewe telinimwen ewe lemol, a chechemeni Apraham. Iwe, a emwenawu Lot seni lon ewe feiengau, lupwen a ataala ekewe telinimw Lot a imweimw lon.

Keneses 20:17

Mürin, Apraham a iotek ngeni Kot fän iter. Iwe, Kot a apöchökülätä Apimelek me pwülüan me nöün kewe chon angang fefin pwe ra tongeni nöünöü.

Keneses 20:7

Iei kopwe chök aliwinala ngeni ätenan pwülüan we, pun i eman soufos. Iwe, epwe iotek fän itom pwe kopwe manau. Nge are kosap aliwinala, kopwe silei pwe kopwe wesewesen mäla, en me aramasom kewe meinisin.”

Keneses 32:28

Nge ewe mwän a üreni, “Kosap chüen iteni Jakop, pwe kopwe iteni Israel . Pun ka fiu ngeni Kot me aramas, nge en ka win.”

2. Samuel 19:19

o üreni, “Ai samol, kose mochen kosap amwöchü ai tipis, kosap pwal chechemeni ai we föför esepwüng üa föri ngonuk, en ai samol me ai king, lon ewe rän ka feil seni Jerusalem. Kose mochen kosap chüen ekieki usun.

1. King 13:6

Mürin, ewe king a üreni ewe soufos, “Kose mochen kopwe tüngorei ewe Samol mi Lapalap om we Kot, pwe epwe ümöümöch ngeniei o iotek fän itei pwe pei epwe manausefäl.” Iwe, ewe soufos a tüngor ngeni ewe Samol mi Lapalap, nge pöün ewe king a manausefäl pwe a usun chök me mwan.

2. Kronika 30:20

Iwe, ewe Samol mi Lapalap a rongorong än Hiskia iotek, a amusala än ekewe aramas tipis, nge esap afeiengaueer.

Hiop 42:8

Iei mine oupwe angei füman ätemwänin kow me füman ätemwänin sip, oupwe feila ren nei chon angang Hiop o eäni eu asoren kek fän itemi. Nge nei we chon angang Hiop epwe iotek fän itemi, pun üpwe etiwa an iotek, pwe üsap liwini ngenikemi liwinin ämi kapas esepwüng. Pun ousap eäni kapas mi pwüng usi, usun nei chon angang Hiop a eäni.”

Kölfel 34:15

Ewe Samol mi Lapalap a mamasa ekewe chon pwüng, selingan a rongorong ngeni ar siö.

Ekistos 17:11

Iwe, lupwen Moses a aitietä pöün, chon Israel ra win. Nge lupwen a uwätiu pöün, chon Amalek ra win.

Ekistos 9:33

Moses a feila seni Farao o towu lükün ewe telinimw, a aitietä pöün o iotek ngeni ewe Samol mi Lapalap. Iwe, ewe chopulap me ütten fau ra kaüla, nge ewe üt ese chüen püngütiu won fanüfan.

Än Salomon Fos 15:29

Ewe Samol mi Lapalap a rongorong ngeni än ekewe chon pwüng iotek, nge esap afäli ekewe aramasangau.

Än Salomon Fos 15:8

Ewe Samol mi Lapalap a oput än ekewe aramasangau asor, nge a pwapwa ren än ekewe chon wenechar iotek.

Än Salomon Fos 28:9

Are eman esap aleasochisi ekewe allük, Kot epwe oput an iotek.

Jeremaia 15:1

Mürin, ewe Samol mi Lapalap a üreniei, “Inamwo ika Moses me Samuel ra ütä mwei o tüngormau ngeniei fän iten ekei aramas, letipei esap kul ngeniir. Kopwe tinirela seni fän mesei o afeilaar.

Jeremaia 33:3

“Kopwe kökköriei, nge ngang üpwe pälüenuk, üpwe pwäri ngonuk mettoch mi aüchea o amwarar kosap silei me mwan.

Jeremaia 42:2

ren ewe soufos Jeremaia o üreni, “Kose mochen kopwe etiwa äm tüngor o iotek ngeni ewe Samol mi Lapalap ach we Kot fän item meinisin äm kewe mi chüen manau. Pun me lom aia chomong, nge ikenai äm kewe mi chüen manau aia chokükün usun ka püsin küna.

Numperis 11:2

Mürin, ekewe aramas ra siö ngeni Moses. Nge Moses a iotek ngeni ewe Samol mi Lapalap. Iwe, ewe ekkei a kunula.

Mateus 21:22

Are oua lükülük, oupwe angei mettoch meinisin mine oua tüngor lon ämi iotek.”

Mateus 3:6

Ra pwärätä ar tipis, nge Johannes a papataisiir lon ewe chanpupu Jortan.

Markus 1:5

Chomong aramas seni Jutea me ewe telinimw Jerusalem ra feila ren Johannes. Ra pwärätä ar tipis, nge Johannes a papataisiir lon ewe chanpupu Jortan.

Lukas 9:6

Iwe, ekewe chon kaiö ra feila o saifeil lon ekewe sopw, ra afalafala ewe Pworausen Manau o apöchökülätä ekewe chon samau lon ekewe leni meinisin.

Johannes 9:31

Kich sia silei pwe Kot esap aüseling ngeni än ekewe chon tipis tüngor, nge a aüseling ngeni eman mi meniniti i o föri letipan.

Föför 10:38

Oua silei usun Jesus Kraist seni Nasaret, pwal usun än Kot tinatiu won ewe Ngünmifel o ngeni an manaman. A fetalfeil ekis meinisin, a föri föför mürina o apöchöküla meinisin mi nom fän nemenien ewe Tefil, pun Kot a eti.

Föför 19:18

Iwe, chomong lein ekewe chon lükü Jesus ra feito o pwärätä ar kewe föför mi ngau mwen mesen ekewe aramas.

Föför 8:24

Mürin Simon a üreni Petrus me Johannes, “Ouse mochen oupwe iotek ngeni ewe Samol fän itei, pwe esap wor och lein ekei mettoch oua kapas usun epwe fis ngeniei.”

Nöün Paulus Toropwe ngeni ekewe Souläng lon Rom 3:10

Usun ekewe Toropwe mi Pin ra apasa: “Esap fokun wor eman chon pwüng.

Nöün Paulus Toropwe ngeni ekewe Souläng lon Rom 5:19

Pun usun aramas meinisin ra tipis pokiten än ewe eman mwän aleasolap, ina chök usun chomong aramas repwe pwal küna pwüng me ren Kot pokiten än ewe eman mwän aleasochis.

Kolose 1:9

Iei popun, seni ewe rän aia rongorong usumi, aisap ükütiu le iotek fän itemi. Aia tüngor ngeni Kot pwe epwe aurakemi ren tufichin silei letipan me unusen mirit me weweöchiti ekewe mettoch lon pekin ngün.

1. Tesalonika 5:17

oupwe iotek fansoun meinisin,

1. Tesalonika 5:23

Kot, ewe mi fang ngenikich kinamwe epwe unusen apinikemi, pwe unusen ngünümi me letipemi me inisimi epwe unusöch tori ach Samol Jesus Kraist epwe war.

1. Tesalonika 5:25

Ämi pwiim kana, oupwe iotek fänäsengesim.

Ipru 11:4

Ren än Epel lükü, a eäni ngeni Kot eu asor mi mürina seni än Kain asor. Ren an lükü Kot a alletätä pwe i eman chon pwüng, pun Kot a tipeeu ngeni an lifang kana. Ren än Epel lükülük a chüen afalafal ikenai, inamwo ika a fen mäla.

Ipru 11:7

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.

Ipru 12:13

Oupwe awenechara ekewe al oupwe fetal won, pwe ekewe chon pechemä resap apwangapwangala, nge repwe pöchökülela.

Ipru 13:18

Oupwe sopwela le iotek fän item. Sia silei, pwe mwelien letipem a limelimöch, pun sia fokun mochen föri mine a pwüng fansoun meinisin.

Josua 10:12

Iwe, lon ewe ränin, lupwen ewe Samol mi Lapalap a atolonga ekewe chon Amor lepöün chon Israel, Josua a kapas ngeni ewe Samol mi Lapalap o apasa me fän mesen ekewe chon Israel, “Akkar, kopwe üla me asen Kipeon, nge en, maram, kopwe üla me asen ewe lemolun Aialon.”

1. Petrus 2:24

Kraist a püsin uwei ach kewe tipis won inisin o uweiretä won ewe iräpenges, pwe kich sipwe mäla seni tipis o manau ngeni pwüng. Ren an kinas kana sia küna pöchökül.

1. Johannes 3:22

Sia angei seni Kot meinisin mine sia tüngor, pun sia aleasochisi an kewe allük o föri met epwe pwapwa ren.

1. Samuel 1:12

Iwe, lupwen Hana a sopwela le iotek, Eli a nenengeni awan.

1. Samuel 12:17

Ifa usun, sap iei fansoun esap püng üt? Nge iei ngang üpwe tüngor ngeni ewe Samol mi Lapalap pwe epwe tinato chopulap me üt. Mürin ämi oupwe silei o küna pwe iei eu föför mi fokun ngau oua föri me fän mesen ewe Samol mi Lapalap, pun oua tüngor eman king fän itemi.”

1. Samuel 12:18

Iei mine Samuel a tüngor ngeni ewe Samol mi Lapalap, nge i a tinato chopulap me üt lon ewe ränin. Iwe, ekewe aramas meinisin ra fokun niuokusiti ewe Samol mi Lapalap me Samuel.