James 5:13 - Chuukese Bible

¹³ Iö me leimi a nom lon weires? Epwe iotek. Iö me leimi a pwapwa? Epwe kölün mwareiti Kot.

James 5:13 Iomraidhean Croise

1. Kronika 16:9

Oupwe köl ngeni, oupwe kölün mwareiti i. Oupwe apworausa an kewe föför meinisin mi amwarar.

Hiop 33:26

Mürin, ewe aramas epwe iotek ngeni Kot, nge i epwe etiwa. Epwe feito fän mesen Kot fän pwapwa, nge Kot epwe ngenisefäli an pwüng.

Kölfel 105:2

Oupwe köl ngeni, oupwe kölün mwareiti i, oupwe apworausa an kewe föför meinisin mi amwarar.

Kölfel 118:5

Üa kökköri ewe Samol mi Lapalap seni lon ai riaföü, nge i a pälüeniei o angasaeila.

Kölfel 18:6

Üa kökköri ewe Samol mi Lapalap lon ai riaföü, üa siö ngeni ai Kot pwe epwe alisiei. A rongorong mweliei seni lon imwan imwenfel, a aüselinga ai siö ngeni.

Kölfel 50:15

Oupwe köriei lon ränin ämi riaföü, pun ngang üpwe angasakemi, nge ämi oupwe mwareitiei.”

Kölfel 91:15

Are epwe köriei, üpwe pälüeni. Üpwe nom ren lon an riaföü, üpwe angasa o aitöchü.

Kölfel 95:2

Ousipwe feito fän mesan fän kilisou, ousipwe mweireir fän pwapwa ngeni Kot ren kölün mwareiti i.

Aisea 65:14

Nei chon angang repwe köl fän pwapwan letiper, nge ämi oupwe kechü fän weires o ngüngüres fän riaföün lelukemi.

Taniel 5:4

Ra pwal mwareiti ar kewe uluulun kot ra för seni kolt, silifer, piras, mächä, irä me fau.

Osea 6:1

Iwe, ekewe aramas ra apasa, “Ou etto, ousipwe liwiniti ewe Samol mi Lapalap. I a atatakisikich, epwe pwal apöchökülakich. I a akinasakich, epwe pwal filiti kinasach.

Sona 2:2

“Üa köruk, ai Samol mi Lapalap, lon ai riaföü, iwe, ka aüselingaei. Üa siö ngonuk seni lon lenien sotup, nge ka rongorong mweliei.

Sona 2:7

Lupwen üa mefi pwe üpwe le mäla, üa chechemenuk ai Samol mi Lapalap. Iwe, ai iotek a toruk lon imwom mi pin.

Mika 4:5

Iwe, chon ekewe mwü meinisin ra fel o aleasochis ngeni ar kewe kot, nge kich sipwe fel o aleasochis ngeni ewe Samol mi Lapalap ach we Kot tori feilfeilachök.

Mateus 26:30

Mürin ra eäni echö kölün kilisou, ra towu seni ewe imw o feila won ewe Chukun Olif.

Lukas 22:44

Lon an nom lon riaföü watte a achocho le iotek, nge mononan a usun chök supun cha a suputiu le pwül.

Lukas 23:42

Mürin a üra, “Jesus, kose mochen chechemeniei lupwen om kopwe tolong lon mwumw.”

1. Korint 14:15

Iwe, met üpwe föri? Üpwe iotek lon ngüni, nge üpwe pwal iotek fiti ekiekin letipei. Üpwe köl lon ngüni, nge üpwe pwal köl fiti ekiekin letipei.

1. Korint 14:26

Iwe, ämi pwii kana, iei met üpwe kapas usun. Lupwen oua mwichfengen pwe oupwe fel ngeni Kot, oupwe apasa en me mefian eman echö köl, eman eu afalafal, eman eu kapasen pwärätä seni Kot, pwal eman eu fos lon kapasen ekis, nge pwal eman eu kapasen aföüü met ätewe a apasa. Nge ekei alilis meinisin repwe fokun afefetai mwichefel.

Efisos 5:19

Oupwe aea le kapasfengen lefilemi ekewe kölfel, ekewe kölün lamalam me ekewe köl mi pin. Oupwe kölü ekewe kölün lamalam me ekewe kölfel ngeni ach Samol, oupwe mwareiti i lon lelukemi.

Ipru 5:7

Lon fansoun än Jesus manau won fanüfan, a iotek o tüngor fän mwelian mi leüömong, a pwal kechü ngeni Kot, ewe mi tongeni amanaua i seni mäla. Iwe, Kot a aüselinga i, pun a meniniti i.

James 5:10

Ämi pwii kana, oupwe chechemeni ekewe soufos mi kapas fän iten ach Samol. Oupwe eäniir lenien apirü lon ar mosonotam me likitü fän ekewe riaföü.

Pwärätä 14:3

Ekei ipükü faik me rüanüngeröü aramas ra ütä mwen ewe lenien motun king, mwen ekewe föman mönümanau me ekewe souakom. Ekei aramas ra fen küna manau seni won fanüfan, ra kölü echö köl mi fö, ir chök ra tongeni silei.

Pwärätä 7:10

Iwe, ra kökkö ren mwelier mi leüömong, “Sia küna manau me ren ach we Kot, ewe mi mot won ewe lenien motun king, pwal me ren ewe Lam.”