James 5:11 - Chuukese Bible

¹¹ Sia apasa pwe ir chon feiöch pokiten ar likitü. Oua rongorong usun än Hiop likitü, oua pwal silei met ach Samol a amolätä fän itan lesopolan. Pun ach Samol a uren kirikiröch me tong.

James 5:11 Iomraidhean Croise

1. Kronika 21:13

Mürin, Tafit a üreni Kat, “Ngang üa nom lon riaföü lapalap. Amwo ewe Samol mi Lapalap epwe apwüngüei, pun an ümöümöch a fokun lapalap, nge üsap mochen pwe aramas repwe apwüngüei.”

2. Kronika 30:9

Pun are oua liwinsefäl ngeni ewe Samol mi Lapalap, mürin chokewe mi liapeni pwimi me nöümi kana repwe eäni tong ngeniir o mwüt ngeniir pwe repwe liwiniti ei fanü. Pun ewe Samol mi Lapalap a kirikiröch o ümöümöch, epwe etiwakemi ika oua liwinsefäl ngeni.”

Nehemia 9:17

Resap fokun mochen aleasochis ngonuk, resap pwal ekieki ekewe manaman ka föri lefiler. Nge ra chök tipepöchökül o filätä eman souemwen, epwe aliwinirela Isip pwe aramas repwe nöüniir amanau. Nge en eman Kot mi amusala tipis, ka kirikiröch o ümöümöch, ka pwal songomang o wöün tong ellet. Iei mine kosap likitirela,

Nehemia 9:31

Iei mwo nge lon om ümöümöch mi lapalap kosap likitirela ika aroserela. Pun en eman Kot mi kirikiröch o ümöümöch.

Hiop 1:1

Mi wor eman mwän lon ewe fanü Us itan Hiop. Ätei a pwüng o wenechar, a niuokusiti Kot o kul seni föför mi ngau.

Hiop 1:2

Iwe, a wor füman nöün ät me ülüman nöün nengin.

Hiop 2:10

Nge Hiop a üreni pwülüan we, “En ka aloni alon fineumwes. Ifa usun, sipwe chök akangei ach feiöch me ren Kot, nge sisap pwal angei ach feiengau?” Lon ekei feiengau meinisin Hiop esap tipis ren an apasa och mi mwäl.

Hiop 23:10

Nge Kot a silei ewe al üa fetal won. Lupwen a sotuniei, a pwä pwe üa usun kolt.

Kölfel 103:13

Usun eman sam a tongei nöün kana, iei usun ewe Samol mi Lapalap a tongei chokewe mi niuokusiti i.

Kölfel 103:8

Ewe Samol mi Lapalap a lukpwetete o kirikiröch, a songomang o wöün tong ellet.

Kölfel 116:5

Ewe Samol mi Lapalap a kirikiröch o pwüng, ach Kot a fokun eäni tong.

Kölfel 119:132

Kopwe kuluto o ümöümöch ngeniei, usun ka föri ngeni chokewe mi echenuk.

Kölfel 145:8

Ewe Samol mi Lapalap a kirikiröch o lukpwetete, a songomang o wöün tong ellet.

Kölfel 37:37

Kopwe afota ewe aramas esap wor an tipis o nenengeni ätewe mi wenechar. A wor mwirimwirin ätewe mi afisätä kinamwe,

Kölfel 51:1

Ai Kot, kopwe kirikiröch ngeniei lon om tong ellet, kopwe amoela ai pupungau lon om ümöümöch mi lapalap.

Kölfel 78:38

Nge Kot a tongeer, a amusala ar tipis, esap pwal aroserela, Fän chomong a amwöchü an song, nge esap amüchawu an lingeringer ngeniir.

Kölfel 86:15

Nge en, ai Samol, eman Kot mi ümöümöch o kirikiröch, ka songomang o wöün tong ellet me allükülük.

Kölfel 86:5

Pun en, ai Samol, ka kirikiröch o amusala tipis, om tong ellet a somwosom ngeni meinisin mi iotek ngonuk.

Kölfel 94:12

Ai Samol mi Lapalap, a feiöch ewe mwän en ka amiriti, ätewe ka aiti ngeni om allük.

Ekistos 34:6

Iwe, ewe Samol mi Lapalap a lü seni Moses o kökkö, “Ngang ewe Samol mi Lapalap, ngang ewe Samol mi Lapalap, ngang eman Kot mi eäni ümöümöch me kirikiröch, üa songomang, üa pwal wöün tong me allükülük.

Än Salomon Afalafal 7:8

A mürina lesopolan mettoch meinisin lap seni lepopun. Nge eman chon tipemosonoson a mürina seni eman chon tipetekia.

Aisea 63:7

Iwe, üpwe apworausa usun än ewe Samol mi Lapalap tong me ümöümöch, üpwe mwareiti an föför ngenikich, üpwe pwal pworaus usun an kirikiröch mi lapalap a eäni ngeni chon Israel lon an tong me ümöümöch mi somwola.

Aisea 63:9

Püsin i a amanaueer, sap eman chon läng. Ren an chen me tong ngeniir a angaseer, a ekiretä o mwäreer lon ekewe fansoun lom.

Kölün kechü 3:22

Än ewe Samol mi Lapalap tong ellet esap fokun ükütiu, an ümöümöch esap fokun wesila.

Taniel 9:9

En chök äm Samol me äm Kot ka eäni tong, ka pwal amusala tipis. Nge äm aia ü ngonuk,

Sowel 2:13

Ousap chök kamwei üfemi, nge oupwe letipeta lon lelukemi.” Oupwe kul ngeni ewe Samol mi Lapalap ämi we Kot, pun a eäni kirikiröch me chen. A songomang o tongotam, a pwal siwili an ekiekin afeiengaua aramas.

Sona 4:2

Mürin a iotek ngeni ewe Samol mi Lapalap o apasa, “Ai Samol mi Lapalap, ifa usun, sap iei usun mine üa apasa pwe kopwe föri, lupwen üa chüen nonom won fanüei? Iei popun ai süla Tarsis, pun üa silei pwe en eman Kot mi ümöümöch o lukpwetete, ka pwal songomang o tongotam. Iwe, üa pwal silei pwe ka tipemecheres le siwili om ekiekin afeiengaua aramas kana.

Mika 7:18

Esap wor eman Kot usun en. Ka amusala tipis o apichala pupungauen chokewe mi chüen manau me lein noum kewe aramas. Kosap amwöchü om song tori feilfeilachök, nge ka pwapwa le pwärätä om tong ellet ngenikem.

Numperis 14:18

‘Ewe Samol mi Lapalap a songomang o wöün tong, a amusala föföringau me pupungau, nge esap amusafatei chon tipis, pwe a liwini än samasam tipis won nöür tori aülüngatin me arüanün tettelin aramas.’

Mateus 10:22

Aramas meinisin repwe oputakemi pokitei. Nge iö epwe likitü tori lesopolan epwe küna manau.

Lukas 1:50

A pwärala an ümöümöch ngeni chokewe mi niuokusiti seni eu pilon aramas tori eu pilon.

Lukas 11:10

Pun iö a tütüngor epwe angei och, iö a küküt epwe wor künaan, nge iö a fichifich epwe wor asam mi suk ngeni.

Lukas 6:36

Oupwe eäni ümöümöch usun chök Sememi a eäni ümöümöch.

Nöün Paulus Toropwe ngeni ekewe Souläng lon Rom 2:4

Eli ka turunufasei an kirikiröch mi fokun lapalap, an songomang me tongotam! Kosap mefi pwe än Kot kirikiröch a mochen emwenuk ngeni ekieksefäl?

Efisos 1:6

Sipwe mwareiti Kot ren an we ümöümöch mi fokun amwarar, a lifang ngenikich lon püsin Nöün we mi achengicheng!

Efisos 2:4

Nge pokiten än Kot ümöümöch a fokun somwosomwola o an echenikich a fokun lapalap,

Ipru 10:39

Nge kich sisap eti chokewe mi liwinsefäl o pöütmwälila, pwe sia eti chokewe mi lükü o küna manau.

Ipru 3:14

Pun oukich meinisin sia chiechien Kraist are sia kamwöchünük tori lesopolan won ewe apilüköch sia eäni seni me lepoputän.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

James 1:2

Ämi pwii kana, oupwe fokun ekiekin pwapwa lupwen oupwe tolong lon sokopaten sosot,

1. Petrus 1:13

Iei mine oupwe amolätä ekiekimi ngeni ei angang. Oupwe püsin tümwünükemi o fokun anomu ämi lükülük won ewe feiöch epwe torikemi lupwen Jesus Kraist epwe pwäto.

1. Petrus 3:14

Nge are oupwe fen küna riaföü pokiten ämi föri mine a pwüng, oupwe feiöch. Ousap niuokusiti aramas, ousap öürek.

2. Petrus 2:9

Ekei pworaus ra aiti ngenikich, pwe ewe Samol a silei usun an epwe amanaua ekewe aramas mi likitü lon ar lükü seni sosot, nge epwe amwöchü ekewe chon föföringau ngeni ewe Ränin Kapwüng, pwe epwe apwüngüür.