James 4:14 - Chuukese Bible

¹⁴ Ämi ousap fen mwo nge silei met epwe fis ngeni manauemi lesor. Pun manauemi a usun chök eu ötüöt mi pwä lon ekis chök fansoun mochomoch, mürin esap chüen nom.

James 4:14 Iomraidhean Croise

2. Samuel 19:34

Nge Parsilai a üreni ewe king, “Esap chüen chomong lusun ierin manauei. Pwota ngang üpwe chüen fituk en ai king le feila Jerusalem?

Kölfel 102:3

Pun ränin manauei ra feil seniei usun och ötüöt, inisi a kar usun efoch wes mi kü.

Kölfel 144:4

Pun eman aramas a wewe ngeni enienin ngasangas, nge ränin manauan a usun chök och nür mi morokai.

Kölfel 39:5

Nengeni, ka föri pwe tamen ränin manauei ra chök usun tamen ekoch chöchön lon pau. Fansoun manauei a usun chök nge esor me fän mesom. Ellet, iteiten aramas mi nom won ei fanüfan ra usun chök eu enienin asepwäl.

Kölfel 78:39

A chechemeni pwe ir aramas echök, ra usun chök asepwäl mi enila, nge esap chüen enito.

Kölfel 89:47

Ai Samol mi Lapalap, kopwe chechemeni pwe ränin manauei a mochomoch, pun ka föri aramas meinisin pwe repwe chök mäla.

Än Salomon Fos 27:1

Kosap sikesik usun lesor, pun kosap silei mine ewe rän epwe atoto.

Aisea 2:22

Oupwe ükütiu le apilükülükü aramas, pun a chök mochomoch fansoun manauer. Met aüchear?

Aisea 38:12

Manauei a feil seniei usun eu imw mangaku a tomola. Ewer, a müchüla usun eman chon tür a awesala türünian. Kot a fichiela manauei usun eman a fichiela mätättärin ewe tür. Iwe, mwen an epwe pwinila a awesi manauei.

James 1:10

Nge eman souläng mi pisekisek epwe fokun pwapwa lupwen Kot epwe atekisonatiu. Pun ekewe chon pisekisek repwe mwor usun epö pön irän lemäl a mworotiu.

1. Petrus 1:24

Pun iei usun mine a mak lon ekewe Toropwe mi Pin, “Aramas meinisin ra wewe ngeni fetil, nge linger meinisin ra wewe ngeni pön irä. Ewe fetil a pwasala, nge ekewe pön irä ra mworotiu.

1. Petrus 4:7

Iwe, a arapoto sopolan mettoch meinisin. Iei mine oupwe püsin nemeni letipemi o mamasakemi, pwe epwe tongeni fis ämi iotek.

1. Johannes 2:17

Iwe, fanüfan me mettochun lon aramas ra kon mochenia ngeni repwe morola, nge iö a föri letipen Kot epwe manau tori feilfeilachök.