James 3:2 - Chuukese Bible

² Kich meinisin sia mwälila fän chomong. Nge are eman aramas esap fokun mwälila won mine a apasa, i eman mi unusöch, a pwal tongeni püsin nemeni unusen inisin.

James 3:2 Iomraidhean Croise

1. King 8:46

Nge are noum aramas ra tipis ngonuk, pun esap wor eman esap föri tipis, nge ka song ngeniir o mwüt ngeni chon oputeer pwe repwe akufuur o uweerela lon fanüer mi toau ika arap,

2. Kronika 6:36

Are noum aramas ra tipis ngonuk, pun esap wor eman esap föri tipis, nge ka song ngeniir o mwüt ngeni chon oputeer, pwe repwe akufuur o uweerela lon fanüer mi toau ika arap,

Hiop 15:13

Ka song ngeni Kot o tipimwäl ngeni ren ena sokun kapas?

Kölfel 34:13

Oupwe tümwünükemi pwe ousap eäni kapas mi ngau, ousap pwal kapas chofana.

Kölfel 39:1

Üa apasa, “Üpwe püsin tümwünüei ren mine üa föri, üsap pwal mwüt ngeni chönawei pwe epwe apasa och mine üa tipis ren. Üpwe pinei awei lon ükükün fansoun än ekewe aramasangau nom rei.”

Än Salomon Fos 10:19

Anaie a wor chomong kapas ie, a pwal tongeni fis tipis, nge eman mi fanafanala a mirit.

Än Salomon Fos 13:3

Eman mi mamasa kapasen awan a tümwünü manauan, nge eman mi fos chomong a fetal ngeni feiengau.

Än Salomon Fos 20:9

Iö a tongeni apasa, “Üa limeti lelukei, üa limöch seni ai tipis kana?”

Än Salomon Fos 21:23

Eman mi tümwünü kapasen awan a tümwünü inisin seni osukosuk.

Än Salomon Afalafal 7:20

Ellet, esap fokun wor eman chon pwüng won fanüfan a chök föri mine a pwüng fansoun meinisin, nge esap wor an tipis.

Aisea 64:6

Äm meinisin aia usun chök eman aramas mi limengau, äm föförün pwüng meinisin ra usun chök mekipwülün sof mi fokun limengau. Äm meinisin aia aiolol usun chön irä, nge äm tipis a ässikeemila usun asepwäl a ässala mettoch.

Lifitikos 13:39

ewe souasor epwe nenengenöchü ewe aramas. Nge are ewe tikepwechepwech won inisin esap nien lingewu, a chök üri eu kil. Iwe, ewe aramas a limöch.

Mateus 12:34

Ämi serepenit! Ifa usun, oua tongeni apasa mine a mürina ika ämi aramas mi ngau? Pun ekewe kapas ra towu seni awemi iei somwen lelukemi.

Mateus 12:37

Pun ren om kewe kapas kopwe küna apwüng ren, repwe pwärätä ika en mi pwüng ika en mi tipis.”

Nöün Paulus Toropwe ngeni ekewe Souläng lon Rom 3:10

Usun ekewe Toropwe mi Pin ra apasa: “Esap fokun wor eman chon pwüng.

Nöün Paulus Toropwe ngeni ekewe Souläng lon Rom 7:21

Iwe, üa küna pwe ei allük a angang lon manauei: Lupwen üa mochen föri mine a mürina, üa chök filätä ai üpwe föri mine a ngau.

1. Korint 9:27

Üa fokun pöchökül ngeni inisi o anomu fän nemeniei, pwe üsap afalafala ekoch, nge püsin ngang üa lipwäkingau.

Kalatia 3:22

Nge a mak lon ekewe Toropwe mi Pin pwe unusen fanüfan a nom fän nemenien tipis. Iei mine ewe lifang Kot a pwon, a longolong won än eman lükü Jesus Kraist, a tori chokewe mi lükü.

Kalatia 5:17

Pun mochenin fitukach a ü ngeni mine Ngünmifel a mochen, iwe, mine Ngünmifel a mochen a ü ngeni mochenin fitukach. Ekei ruu mochen ra üküfengen, wewen pwe ousap tongeni föri met oua mochen föri.

Kolose 1:28

Iei mine sia arongafeili Kraist ngeni aramas meinisin. Sia fönöör o asukuler ren sokun tipachem meinisin, pwe sipwe emwenato eman me eman mwen Kot fän ar unusöch lon Kraist.

Kolose 4:12

Kapong seni Epafras, pwal i eman chon ämi we mwich me eman nöün Kraist Jesus chon angang. A fokun achocho le iotek fän itemi o tüngor ngeni Kot an epwe anükücharakemi, pwe oupwe mirit lon ämi souläng, nge ousap tipemwaramwar, oupwe pwal fokun aleasochisi letipen Kot.

Ipru 13:21

epwe atufichikemi ren mettoch meinisin mi mürina, pwe oupwe föri letipan. Epwe föri loch ren Jesus Kraist mine i epwe pwapwa ren. Kraist epwe ling tori feilfeilachök! Amen.

James 1:26

Are eman a ekieki pwe i eman souläng, nge esap nemeni chönawan, ewe aramas a püsin atupu i, nge an souläng a lomotongau.

James 1:4

Iwe, ämi tipeppos epwe chöchöla lon föförümi meinisin, pwe oupwe mirit o unusöchüla, nge ousap osun och mettoch lon manauemi.

James 2:10

Pun iö a apwönüetä ekewe allük meinisin, nge a atai eu chök kewe allük, ätewe a tipisin atai ekewe allük meinisin.

1. Petrus 3:10

Pun iei usun a mak lon ekewe Toropwe mi Pin, “Iö a mochen an epwe pwapwaiti manau o küna feiöch lon manauan, esap fokun chüen apasa kapas mi ngau, nge epwe ükütiu le kapas chofona.

1. Petrus 5:10

Nge mürin ämi küna riaföü lon fansoun mochomoch, ewe Koten ümöümöch meinisin mi körikemi pwe oupwe eti lon an ling esemüch lon Kraist, i epwe püsin aunusöchükemiila, epwe anükücharakemi o apöchöküla letipemi, pwe oupwe nük lon ämi lükü Kraist.