James 3:16 - Chuukese Bible

¹⁶ Pun ia a wor ie lolowo me ekieki chök en me püsin an, ikenan a pwal wor kotongau me sokun föför mi ngau meinisin.

James 3:16 Iomraidhean Croise

Keneses 11:9

Iei mine ewe telinimw a iteni Papilon, pun ikenan ewe Samol mi Lapalap a alikofifi fosun aramas meinisin, a pwal atoropasafeseniir seni ikenan tori won unusen fanüfan.

Keneses 38:9

Nge Onan a silei pwe esap tongeni nöüni nöün me won pwülüen pwin we. Iwe, lupwen a kon ren pwülüen pwin, a chök akusätiu chan lepwül pwe esap wor mwirimwirin pwin.

Markus 3:25

Are eu famili a kinikinfesen o fiufengen, ei famili esap nonomola.

Föför 19:29

Ewe akürang a chöfetal lon unusen ewe telinimw. Ekewe aramas mi afitikoko ra turufi Kaius me Aristarkus o müttir etekiniirela lon ewe lenien urumwot. Ätekei me ruoman re Masetonia mi eti Paulus lon an sai.

Nöün Paulus Toropwe ngeni ekewe Souläng lon Rom 2:8

Nge pwal ekoch ra chök kütta püsin feiöchür, ra oput mine a let o ra föri mine ese pwüng. Iwe, Kot epwe tinatiu an song me lingeringer wor.

1. Korint 14:33

pun Kot esap mochen pwe epwe wor fitikoko, nge a mochen pwe epwe wor kinamwe. Lon ekewe mwichefelin chon pin meinisin

1. Korint 3:3

pokiten oua chüen manaueni manauen soulängin fituk. Pun lupwen a wor lolowo me aninifengen lefilemi, ifa usun ei esap alletätä pwe ämi oua pop seni ei fanüfan? Ifa usun, ousap föri föförün chon ei fanüfan?

2. Korint 12:20

Pun ngang üa niuokus, pwe lupwen üpwe torikemi üsap küna remi usun met üa mochen küna, nge ämi ousap küna rei met oua mochen küna. Üa niuokus pwe mi wor remi anini me lolowo, lisosong me meicha, kapasen esit me uwokükü, pwal lamalamtekia me fitikoko.

Kalatia 5:20

fel ngeni anümwäl, angangen rong, oputfengen me fiufengen, koumfengen, song, apangau, tipefesen, mwichaiei,

James 3:14

Nge are a wor lon letipemi lolowo me ekieki chök püsin ämi, ousap sikäsini ämi tipachem, ousap pwal amamäsini ewe let.

1. Johannes 3:12

Sisap wewe ngeni Kain, i nöün Ewe mi Ngau, a püsin niela pwiin we Epel. Pwota Kain a niela pwiin we? Pun ekewe föför a föri ra ngau, nge än pwiin kewe föför ra pwüng.