Lupwen eman a asile ngeni Tafit pwe Ahitofel a nom lein chokewe mi fiti Apsalom lon an raw, Tafit a iotek, “Ai Samol mi Lapalap, üa tüngor ngonuk pwe kopwe sorei än Ahitofel öüröür pwe epwe fokun mwäl.”
Ewe Samol mi Lapalap a apasa, “Nei aramas ra umwes, resap sileei. Ra usun chök semirit mi tiparoch, resap mirit. Ra sipeöch le föri mine a ngau, nge resap silei ar repwe föri föför mi öch.”
Iei mine ewe samol a ingeiti ewe chon souwa mi atuputup, pun a eäni tipachem lon an föför. Pun aramasen ei fanüfan ra kon tipachem lon ar angang ngeni pilor kana, lap seni ekewe aramas mi nonom lon saram.”
Ämi nöün sememi, ewe Tefil, ämi oua chök mochen apwönüetä mochenin sememi. I eman chon niela aramas seni lepoputän, esap fokun nom won pekin let, pun esap wor let ren. Lupwen a kapas chofona, a chök fos lon örünian, pun i eman chon chofona me semen chon chofona.
o a apasa, “En nöün ewe Tefil! En ewe chon oput meinisin mine a mürina! Ka uren sokopaten atuputup me ekisolä. Ka chök soreifochei än ach Samol kapas mi let ngeni kapas chofona!
Nge Kot a filätä ekewe mi umwes me ren fanüfan, pwe epwe asäwa ekewe chon tipachem. Kot a pwal filätä ekewe mi apwangapwang me ren fanüfan, pwe epwe asäwa ekewe chon pöchökül.
Pun met ei fanüfan a ekieki pwe ina tipachem, a umwes me ren Kot. Iei usun a mak lon ekewe Toropwe mi Pin, “Kot a liapeni ekewe chon tipachem lon ar tipachemsolä.”
pokiten oua chüen manaueni manauen soulängin fituk. Pun lupwen a wor lolowo me aninifengen lefilemi, ifa usun ei esap alletätä pwe ämi oua pop seni ei fanüfan? Ifa usun, ousap föri föförün chon ei fanüfan?
Iwe, iei met aia aingaing won, pwe mwelien letipem a pwäri ngenikem pwe manauem won ei fanüfan, pwal fokun äm chiechifengen me ämi a fis fän let me wenechar mi feito seni Kot. Äm aia föri iei usun, sap fän tipachemen fanüfan, nge fän än Kot ümöümöch.
Lifang mi mürina meinisin me feiöch mi unusöch meinisin ra feitiu seni läng, ra feitiu seni ewe Sam mi föri ekewe Saram lon läng, ewe esap siwil, esap pwal fis rochopwak ren an kul.
Nge are eman leimi a osun tipachem, epwe tüngor ngeni Kot, iwe, i epwe fang ngeni, pun Kot a fangafangöch ngeni aramas meinisin, nge esap laleiti eman.
Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.
Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.
Nge ekewe ekoch me leimi lon Tiatira ousap aleasochisi ei sokun kait mi ngau, ämi ousap kaiö met ekewe ekoch ra aita ngeni ‘alololun monomonen ekiekin Satan’, üpwe ürenikemi pwe üsap anomu womi och chou.
Iwe, a wor eman nöür king mi nemeniir, i ewe chon läng mi nemeni ewe leni mi alolol. Itan lon kapasen Ipru Apaton, nge itan lon kapasen Krik Apolion (wewen “Ewe chon Kata”).