James 2:9 - Chuukese Bible

⁹ Nge are oua lifilifil aramas ren chök lapalapen inisiir me lükün, oua tipis, pun ewe Allük a atipisikemi pwe oua chon atai allük.

James 2:9 Iomraidhean Croise

Lifitikos 19:15

Ousap sorei mine a pwüng lon ämi kapwüng. Ousap peni eman mi wöüngau ika awina eman mi lap, nge oupwe eäni kapwüng ngeni chon arumi fän pwüng.

Johannes 16:8

Iwe, lupwen epwe war, epwe amefi ngeni chon fanüfan usun ar tipis, usun pwüng pwal usun än Kot apwüng.

Johannes 8:46

Iö leimi a tongeni alletätä pwe ngang üa tipis? Are üa apasatä mine a let, pwota ousap lüküei?

Johannes 8:9

Iwe, lupwen ar rong ekei kapas, ra chök feila eman mürin eman, nge ekewe chinlap ra akom. Iwe, Jesus chök a nom ikenan, pwal ewe fefin mi ükütä ren.

Föför 10:34

Mürin Petrus a popuetä le kapas, “Iei üa fokun mefi pwe a let pwe Kot esap lifilifil aramas,

Nöün Paulus Toropwe ngeni ekewe Souläng lon Rom 3:20

Pun esap wor eman aramas epwe küna pwüng ren an apwönüetä pwüngün ekewe Allük. Nge mine ekewe Allük ra föri, ra aiti ngeni aramas pwe ra tipis.

1. Korint 14:24

Nge are eman a afalafala än Kot kapas lupwen eman aramas esap lükü ika eman chon lükün epwe tolong remi, i epwe mefi an tipis ren met a rongorong. Epwe küna apwüng ren meinisin mine a rongorong,

Kalatia 2:19

Iei mine ren pwüngün ekewe Allük ngang üa fen mäla, üa mäla ngeni ekewe Allük pwe üpwe manau fän iten Kot. Ngang üa fen iräpenges me Kraist,

Tuteronomi 1:17

Ousap lifilifil aramas lon ämi kapwüng. Oupwe aüseling ngeni ekewe mi kis usun chök ngeni ekewe mi lap. Ousap niuokusiti mesen aramas, pun ewe kapwüng än Kot. Nge are ewe fitikoko a kon weires ngenikemi, oupwe uwato rei pwe üpwe apwüngala.’

1. Johannes 3:4

Eman mi föri tipis a atai än Kot allük, pun tipis wewen atai allük.

Jutas 1:15

pwe epwe apwüngü aramas meinisin, epwe pwal atipisiir meinisin pokiten ar kewe föför ra föri ren ar resap meniniti Kot, pwal pokiten ekewe kapas mi fokun ngau ekewe chon tipis resap meniniti Kot ra apasatä lon ar ü ngeni.”