James 2:4 - Chuukese Bible

⁴ mürin oua tipis ren ämi lifilifil aramas lefilemi, pwal ren ämi longuni pwüngün ämi apwüng won ekiek mi ngau.

James 2:4 Iomraidhean Croise

Hiop 21:27

Üa fokun silei ämi ekiekingau, pwe oua ekiekin föri ngeniei mine esepwüng.

Hiop 34:19

Esap lifilifil ngeni samol, esap pwal aücheani ekewe chon wöümong lap seni ekewe chon wöüngau, pun a föriir meinisin.

Kölfel 109:31

Pun i a peni ewe chon mwelele, pwe epwe amanaua seni chokewe mi atipisi pwe epwe mäla.

Kölfel 58:1

Ämi sounemenem, ifa usun, oua wesewesen apwüngala mine a pwüng? Ifa usun, oua apwüngü ekewe aramas fän wenechar?

Kölfel 82:2

“Ifa ükükün fansoun ämi oupwe eäni kapwüng fän pwüngingau o peni ekewe aramasangau?

Malakai 2:9

Iei mine üpwe föri pwe ekewe aramas meinisin repwe turunufaseekemi o aücheangauakemi, pokiten ousap föri letipei, nge oua pwal lifilifil lon ämi aiti ngeni aramas ekewe allük.”

Lukas 18:6

Iwe, ewe Samol a apasa, “Oupwe rongorong mine ewe soukapwüng mi ngau a üra.

Johannes 7:24

Ousap apwüngü eman ren mine oua küna me lükün, nge oupwe eäni apwüng fän pwüng.”

James 3:17

Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.

James 4:11

Ämi pwii kana, ousap aitengauafengenikemi lefilemi. Iö a aitengaua eman pwiin souläng ika apwüngü, a aitengaua o apwüngü ewe Allük. Are ka apwüngü ewe Allük, mürin kosap chüen eman chon aleasochis ngeni, nge ka eman chon apwüngü ewe Allük.