James 2:19 - Chuukese Bible

¹⁹ Ifa usun, ka lükü pwe mi wor eman chök Kot? A öch om lükü. Ekewe anün rochopwak ra pwal lükü, nge ra chechech ren niuokus.

James 2:19 Iomraidhean Croise

Aisea 43:10

Iwe, ewe Samol mi Lapalap a apasa, “Ämi chon Israel, ämi nei chon pwärätä pwal nei chon angang. Üa afilikemi pwe oupwe sileei o lüküei, oupwe pwal weweiti pwe ngang chök Kot. Esap wor eman Kot mi fis mwei, esap pwal wor eman epwe fis me müri.

Aisea 44:6

Iei alon ewe Samol mi Lapalap, ewe Kingen Israel me an Chon Amanau, ewe Samol mi Unusen Manaman, “Ngang chök Kot ewe Aemanün me Amüchülan, esap wor eman Kot lüki.

Aisea 44:8

Nei aramas, ousap fokun niuokus. Ifa usun, üsap aiti ngenikemi seni me lomlom tori ikenai o pwärätä ngenikemi meinisin mine epwe fis? Ämi nei chon pwärätä. Ifa usun, a wor eman Kot lüki? Apwi, esap fokun wor eu Achau lüki. Üsap silei eu.

Aisea 45:6

Üa föri ei pwe aramas seni ötiu tori lotou repwe mefi o silei pwe esap fokun wor eman Kot lüki. Ngang ewe Samol mi Lapalap, esap wor eman lüki.

Aisea 46:9

Oupwe chechemeni ekewe mettoch mi fis me lomlom. Ngang Kot, esap wor eman lüki. Ngang chök Kot, esap wor eman a wewe ngeniei.

Sona 4:4

Iwe, ewe Samol mi Lapalap a aisini Sona, “Ifa usun, mi pwüng om song?”

Sona 4:9

Iwe, Kot a aisini Sona, “Ifa usun, a pwüng om song ren ewe irä?” Nge Sona a pälüeni, “Mi pwüng ai song, inamwo are üpwe mäla lon ai song.”

Sekaraia 14:9

Mürin, ewe Samol mi Lapalap epwe king won unusen fanüfan. Lon ena fansoun ewe Samol mi Lapalap epwe i chök Kot, itan chök epwe pwal föüla.

Mateus 8:29

Lon ewe chök otun ra puchörütä, “En Nöün Kot, met ka mochen föri ngenikem? Ifa usun, ka feito pwe kopwe ariaföüükem mwen ewe fansoun apwüng?”

Markus 1:24

“Met ka mochen föri ngenikem, Jesus seni Nasaret? Ka feito pwe kopwe afeiengauakem? Ngang üa silei pwe en Ewe mi Pin, Kot a tinato.”

Markus 12:29

Jesus a pölüeni, “Iei ewe allük a kon aüchea, ‘Kopwe aüseling Israel: Ewe Samol ach Kot i chök ewe Samol mi Lapalap.

Markus 5:7

Iwe, a puchörütä o apasa, “Jesus, Nöün Kot ewe mi Unusen Tekia, met ka mochen föri ngeniei? Üa tüngor ngonuk mwen mesen Kot pwe kosap ariaföüüei.”

Markus 7:9

Iwe, Jesus a pwal üreniir, “Oua fokun tipachem le öüöngaua än Kot allük fän iten ämi oupwe öüöchü aitien ämi kewe lewo.

Lukas 4:34

“Aha! Met ka mochen föri ngenikem, Jesus seni Nasaret? Ka feito pwe kopwe afeiengauakem? Ngang üa silei en, en Nöün Kot we mi Pin.”

Johannes 17:3

Iwe, iei manau esemüch: Ar repwe silei en, ewe eman chök Kot mi let, repwe pwal silei Jesus Kraist, ewe ka tinato.

Föför 16:17

Ei föpwül a tapwela mürin Paulus me äm chienan kewe o kökkö fän leüömong, “Ekei mwän ir nöün Kot ewe mi Unusen Tekia chon angang! Ra aronga ngenikemi usun ämi oua tongeni küna manau!”

Föför 19:15

Nge ewe ngününgau a kapas ngeniir, “Ngang üa silei Jesus, üa pwal silei usun Paulus, nge ämi iö?”

Föför 24:25

Nge lupwen Paulus a sopwela le kakapas usun pwüng, usun ach sipwe tongeni nemeni püsin inisich, pwal usun ewe ränin kapwüng lon ewe fansoun lesopolan, Feliks a niuokus o apasa, “Kopwe feila iei, ngang üpwe kökkörisefäluk lupwen epwe wor ai fansoun mi fich.”

Nöün Paulus Toropwe ngeni ekewe Souläng lon Rom 3:30

Kot eman chök, i epwe föri pwe ekewe chon Juta repwe küna pwüng pokiten ar lükülük, i epwe pwal föri pwe ekewe chon lükün Israel repwe küna pwüng ren ar lükülük.

1. Korint 8:4

Iwe, usun ach mongö ekewe mongö ra asor ngeni ekewe uluulun anümwäl: Kich sia silei pwe eu uluulun anümwäl a aliosunätä och mettoch esap fokun wor. Kich sia silei pwe mi wor eman chök Kot.

1. Korint 8:6

nge fän itach mi wor eman chök Kot, i ewe Sam mi föri mettoch meinisin, nge kich sia manau fänäsengesin. Sia pwal eäni eman chök Samol, Jesus Kraist, mettoch meinisin ra för ren o kich sia manau ren.

Kalatia 3:20

Esap wor lomoten eman chon afför lupwen a wor eman chök aramas, pun Kot eman chök.

Tuteronomi 6:4

Kopwe aüseling Israel: Ewe Samol mi Lapalap ach Kot i chök ewe Samol mi Lapalap.

1. Timoty 2:5

Pun mi wor eman chök Kot, pwal eman chök chon afför lefilen Kot me aramas kana, iei i ewe aramas Kraist Jesus,

James 2:8

Oua föri mine a pwüng are oua aleasochis ngeni allükün ewe Mwün Kot mi mak lon ekewe Toropwe mi Pin, “Kopwe echeni chon arum usun püsin om echenuk.”

Jutas 1:4

Pun ekoch aramas resap meniniti Kot ra anifilong leich, ir chokewe mi sorei ewe kapas usun än Kot ümöümöch, pwe epwe wor ar künetipingen won ar kewe föför mi fokun ngau. Ra pwal amamäsini Jesus Kraist, i chök ach Sounemenem me ach Samol. Me lomlom ekewe Toropwe mi Pin ra osuni usun ewe kapwüng ra tolong lon.

Jutas 1:6

Oupwe chechemeni ekewe chon läng resap menemenöch ren wiser, nge ra likitala wesewesen lenier. Ra föfö ngeni sein esap tongeni mwü lon ewe rochokich mi nom fan, ia Kot a fötekiniirelong ie tori ewe Rän mi lap i epwe apwüngüür lon.

Pwärätä 20:10

Mürin ewe Tefil mi atupur a koturulong lon ewe nomun ekkei me primston ia ewe manmwacho me ewe soufos chofona ra fen koturula ie. Iwe, repwe küna riaföü lerän me lepwin tori feilfeilachök.