James 2:16 - Chuukese Bible

¹⁶ nge eman me leimi epwe üreniir, “Oupwe feila fän kinamwe. Oupwe aüföüfakemi o amongökemi!” nge ousap ngeniir mine ra osupwang ren lon manauen inisiir, met chök lomoten ämi afeiöchüür?

James 2:16 Iomraidhean Croise

Mateus 15:32

Mürin Jesus a körato nöün kewe chon kaiö o üreniir, “Ngang üa fokun tongei ekewe aramas, pun ra fen nonom rei lon ükükün ülüngat rän, nge iei esap wor och mine repwe äni. Ngang üsap mochen tiniirela lon ar echik, pun repwe tongeni mamasaroch lupwen repwe fetal ngeni lenier.”

Mateus 25:35

Pun ngang üa echik, nge ämi oua amongöüei, üa kaka, nge ämi oua aünüei, üa wasöla, nge ämi oua etiwaei lon imwemi.

Mateus 25:36

Üa selela, nge ämi oua aüföüfaei, üa apwangapwang, nge ämi oua tümwünüei, üa nom lon fötek, nge ämi oua feito churiei.’

Markus 5:34

Iwe, Jesus a üreni, “Nei fefin, om lükülük a apöchökülokotä. Kopwe feila fän kinamwe pwe ka chikar seni om samau.”

Nöün Paulus Toropwe ngeni ekewe Souläng lon Rom 12:9

Ämi chen epwe fokun wenechar. Oupwe oput mine a ngau o kamwöchünük won mine a mürina.

2. Korint 8:8

Üsap mochen allük ngenikemi ren ekei kapas. Nge ren ai aiti ngenikemi usun än ekewe pwal ekoch achocho le alilis, üa sotuni ai üpwe küna enletin ämi chen.