James 2:14 - Chuukese Bible

¹⁴ Ämi pwii kana, met lomoten are eman aramas a apasa pwe a wor an lükülük, are an föför esap alletätä? Ifa usun, ei sokun lükülük epwe tongeni amanaua i?

James 2:14 Iomraidhean Croise

Jeremaia 7:8

Nengeni, oua lükü kapasen atuputup esap wor lomotan.

Mateus 5:20

Pun üpwe ürenikemi, pwe ämi oupwe chök tongeni tolong lon Mwün Läng are ämi oua föri mine a pwüng me mwen mesen Kot lap seni ekewe Sensen Allük me ekewe Farisi.

Lukas 3:11

Johannes a pölüeniir, “Iö a eäni ruu söch epwe angei echö o ngeni ewe eman esap wor an, nge eman mi wor anan mongö epwe pwal föri iei usun.”

Lukas 6:49

Iwe, ika eman epwe rongorong ai kewe kapas nge esap apwönüretä, a wewe ngeni eman mwän mi aüetä imwan won pwül, nge esap wor longolongun. Iwe, lupwen ewe chanpupu a puiti ewe imw, a müttir turula, nge talan ewe imw a fokun watte.”

Föför 15:9

Esap wor aimwümwü lefilach me ir. A amusala ar tipis, pokiten ra lükü Jesus.

Föför 8:13

Pwal Simon a lükü, nge mürin an papatais a chök nonom ren Filip. Nge lupwen a küna ekewe asisil mi lapalap me ekewe manaman Filip a föri, a fokun mairü ren.

Föför 8:21

Esap wor wisom are kinikinum lon ei angang, pun lelukom esap pwüng mwen mesen Kot.

Nöün Paulus Toropwe ngeni ekewe Souläng lon Rom 2:25

Are ka aleasochisi ekewe Allük, om sirkomsais a lomot, nge are ka aleasolap ngeni ekewe Allük a usun chök pwe kosap fokun sirkomsais.

1. Korint 15:2

Iei ewe Pworausen Manau oua küna manau ren are oupwe kamwöchünük won. Nge are ousap kamwöchünük won, ämi lükü a lomotongau.

1. Korint 16:22

Iö esap tongei ach Samol i epwe anümamau! Maranatha. (wewen: Äm Samol kopwe feito!)

Kalatia 5:13

Nge ämi pwii kana, Kot a körikemi pwe oupwe ngas. Nge pokiten oua ngas, ousap ekieki pwe oua tongeni mwüt ngeni mochenian fitukemi epwe chüen nemenikemi, nge oupwe angangfengen lefilemi fän tong.

Kalatia 5:6

Pun lupwen sia fen nonom lon Kraist Jesus, esap chüen wor lomoten ach sipwe sirkomsais ika sisap sirkomsais, nge met chök a aüchea, iei ach lükü Jesus mi pwä lon ach echeni aramas.

1. Tesalonika 1:3

Pun aia chechemeni me mwen ach Kot i Samach usun ämi lükülük mi pwä lon ämi föför, usun ämi tong mi pwä lon ämi angang weires, pwal usun ämi apilükülüköch mi nüküchar lon ach Samol Jesus Kraist.

1. Timoty 1:5

Popun ai ei allük pwe epwe afisätä ewe chen mi pop seni eu leluk mi limöch me eu mwelien letip mi mürina, pwal eu lükülük mi let.

1. Timoty 4:8

Pun ach achocho le asipa inisich a atoto ekis chök feiöch, nge ach achocho le asipakich lon ach souläng a atoto rech feiöch meinisin, pun a pwon ngenikich manau lon ei fansoun ikenai pwal lon ekewe fansoun repwe feito.

Titus 1:16

Ra apasa pwe ra silei Kot, nge ar föför a pwärätä pwe resap silei i. Ra anioput me ren Kot, ra lükümach, resap tongeni ar repwe föri och mi mürina.

Titus 3:8

A allükülük ekei kapas. Üa mochen pwe kopwe fokun aweweöchü ekei mettoch, pwe chokewe mi lükü Kot repwe fokun alomota ar fansoun le föri föför mi mürina, sokun föför mi öch o lomot ngeni aramas meinisin.

Ipru 11:17

Ren än Apraham lükü, a eäni asor Isaak nöün we, lupwen Kot a sotuni. Apraham, ätewe Kot a eäni ewe pwon ngeni, nge a fen molotä an epwe eäni asor nöün we aleman,

Ipru 13:9

Ousap mwüt ngeni sokopaten afalafal mi mwäl repwe atokakemi seni ewe al mi pwüng. A fokun mürina ngenikemi pwe letipemi epwe pöchökül ren än Kot ümöümöch, nge sap ren ämi aleasochisi ekewe allük usun mongö. Chokewe mi aleasochisi ekei allük resap angei ar feiöch seniir.

James 1:16

Ämi pwii kana mi achengicheng, ousap tupula!

James 2:16

nge eman me leimi epwe üreniir, “Oupwe feila fän kinamwe. Oupwe aüföüfakemi o amongökemi!” nge ousap ngeniir mine ra osupwang ren lon manauen inisiir, met chök lomoten ämi afeiöchüür?

James 2:18

Nge eli eman epwe üra, “En ka eäni lükülük, nge ngang üa eäni föför.” Pölüan me rei, “Kopwe pwäri ngeniei om we lükülük ese fiti föför, nge ngang üpwe pwäri ngonuk ai lükülük mi fiti föför.”

James 2:26

Pun usun eu inis a mäla are ewe ngün esap nom lon, pwal iei usun ewe lükülük a mäla are ese fiti föför.

2. Petrus 1:5

Iwe, iei popun oupwe achocho le apachatä manauöch ngeni ämi lükülük, silelap ngeni ämi manauöch,