James 2:13 - Chuukese Bible

¹³ Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.

James 2:13 Iomraidhean Croise

Keneses 42:21

Mürin ra kapasfengen lefiler, “Ellet, sia angei liwinin mine sia föri ngeni pwich Josef, pun sia küna riaföün lelukan lupwen an tüngor ngenikich pwe sipwe angasala, nge sisap aüseling. Iei mine ei riaföü a torikich.”

2. Kronika 28:11

Iei oupwe aüselingaei. Oupwe aliwinala aramasemi kewe chon Juta oua liapeniir, pun ewe Samol mi Lapalap a fokun lingeringeritikemi.”

Kölfel 18:25

Ai Samol mi Lapalap, ka allükülük ngeniir mi allükülük, ka pwal pwärätä om unusen pwüng ngeniir mi unusen pwüng.

Kölfel 85:10

Tong ellet me allükülük repwe chufengen, pwüng me kinamwe repwe mitirifengeniir.

Än Salomon Fos 21:13

Eman mi pinei selingan seni än ekewe chon wöüngau siö epwe püsin siö, nge esap wor eman epwe rongorong.

Än Salomon Fos 22:16

Eman mi ariaföüü ekewe chon wöüngau pwe epwe awatteloi wöün ika fangala lifang ngeni ekewe chon pisekisek, epwe chök wöüngauala.

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

Jeremaia 9:24

Nge ewe mi aingaing epwe aingaing lon an eäni weweöch o sileei, pwe ngang ewe Samol mi Lapalap mi eäni tong ellet, pwüng me wenechar won fanüfan. Pun ikei ekei föför üa pwapwa ren. Ngang ewe Samol mi Lapalap üa kapas.”

Isikiel 33:11

Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?

Mika 7:18

Esap wor eman Kot usun en. Ka amusala tipis o apichala pupungauen chokewe mi chüen manau me lein noum kewe aramas. Kosap amwöchü om song tori feilfeilachök, nge ka pwapwa le pwärätä om tong ellet ngenikem.

Mateus 5:7

Ra feiöch chon eäni tong, pun Kot epwe pwal eäni tong ngeniir.

Mateus 6:15

Nge are ousap amusala än ekewe aramas tipis, Sememi mi nom läng esap pwal amusala ämi tipis.

Lukas 16:25

Nge Apraham a üreni, ‘Nei, kopwe chechemeni pwe lon ränin manauom ka fen angei ekewe mettoch mi mürina meinisin, nge Lasarus a angei ekewe mettoch mi ngau. Nge iei a nom ikei lon an kinamwe, nge en ka nom ikenan lon om riaföü.

Lukas 6:37

“Ousap apwüngü aramas, pwe Kot esap apwüngükemi. Ousap atipisi aramas, pwe Kot esap atipisikemi. Oupwe amusala än eman aramas tipis, pun Kot epwe pwal amusala ämi tipis.

James 3:17

Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.

James 5:4

Ousap ngeni ekewe chon angang mi angang ngeni ämi kewe mälämäl liwinin ar angang. Oupwe aüseling ngeni ar lalangau! Än ekewe chon kini ämi kewe räs siöngau a tori selingen Kot, ewe Samol mi Unusen Manaman.

Soukapwüng 1:7

Mürin, Atoni-pesek a apasa, “A wor fik king üa pöküela aütülapen pöür me pecher, ra achchupi ener me fän ai chepel. Usun üa föri ngeniir, iei usun Kot a pwal föri ngeniei.” Iwe, ra emwenala ewe king Jerusalem, nge a mäla ikenan.

Soukapwüng 5:27

Sisera a mwörürütiu, a turula arun pechen neminewe. A mwörürütiu arun pechen o turula, nge ewe ia a turula ie, ikenan a mäla.