James 2:1 - Chuukese Bible

¹ Ämi pwii kana, ämi chon lükü ach Samol Jesus Kraist, ewe Samol mi ling, ousap lifilifil aramas pokiten chök lapalapen inisiir me lükün.

James 2:1 Iomraidhean Croise

2. Kronika 19:7

Iei mine oupwe niueiti ewe Samol mi Lapalap. Oupwe föröchü pwüngün ämi kapwüng, pun ewe Samol mi Lapalap ach we Kot esap tipeeu ngeni ämi atoka mine a pwüng, ika ämi lifilifil ngeni aramas, ika ämi angei lifangen amichimich.”

Än Salomon Fos 24:23

Ikkei pwal ekoch mwiitun seni ekewe mi tipachem: A ngau ngeni eman soukapwüng an epwe lifilifil aramas lon kapwüng.

Än Salomon Fos 28:21

Esap mürina ach sipwe lifilifil aramas, nge fän iten essät pilawa eman aramas a tongeni föri mine esepwüng.

Lifitikos 19:15

Ousap sorei mine a pwüng lon ämi kapwüng. Ousap peni eman mi wöüngau ika awina eman mi lap, nge oupwe eäni kapwüng ngeni chon arumi fän pwüng.

Mateus 22:16

Ra tinala ren Jesus ekoch nöür kewe chon kaiö me ekoch chiechien Herotes pwe repwe üreni, “Sense, äm aia silei pwe en ka kapas wenechar. Ka afalafala mine a let usun letipen Kot fän iten aramas, nge kosap ekieki mine aramas ra eäni ekiek, pun kosap nenengeni wisen eman.

Föför 10:34

Mürin Petrus a popuetä le kapas, “Iei üa fokun mefi pwe a let pwe Kot esap lifilifil aramas,

Föför 20:21

Üa apöchöküla ai fön ngeni ekewe chon Juta me ekewe chon lükün Israel, pwe repwe kul seni ar tipis kana o kul ngeni Kot, repwe pwal lükü ach Samol Jesus.

Föför 24:24

Mürin ekoch rän Feliks a feito fiti pwülüan we itan Trusilla, i eman fin Juta. A titi Paulus o aüseling ngeni lupwen a afalafal usun ach lükülük lon Kraist Jesus.

Föför 7:2

Nge Stefanus a pölüeni, “Ämi pwii me semei kana, oupwe aüseling ngeniei! Me mwen än ach we lewo Apraham feila pwe epwe nonom lon Haran, ewe Kot mi ling a pwä ngeni me lon Mesopotamia

Nöün Paulus Toropwe ngeni ekewe Souläng lon Rom 1:11

Pun üa fokun mochen churikemi pwe üpwe ngenikemi och feiöchün ngün pwe oupwe pöchökülela,

1. Korint 2:8

Esap wor eman sounemenemen ei fanüfan a silei ei tipachem, pun ika repwe silei, resap iräpengesi ewe Samol mi ling.

Tuteronomi 1:17

Ousap lifilifil aramas lon ämi kapwüng. Oupwe aüseling ngeni ekewe mi kis usun chök ngeni ekewe mi lap. Ousap niuokusiti mesen aramas, pun ewe kapwüng än Kot. Nge are ewe fitikoko a kon weires ngenikemi, oupwe uwato rei pwe üpwe apwüngala.’

Tuteronomi 16:19

Ousap sorei mine a pwüng, ousap pwal lifilifil aramas. Ousap angei lifangen amichimich, pun ei sokun lifang a achuna mesen chon mirit, pwe ra sorei pwüngün chokewe mi pwüng.

Kolose 1:4

Pun aia rongorong usun ämi lükü Kraist Jesus, pwal usun ämi echeni ekewe chon pin meinisin.

1. Timoty 1:19

kopwe pwal amwöchü om lükülük me eu mwelien letip mi mürina. Ekoch aramas resap rongorong ngeni mwelien letiper, iwe, ra küna wata lon ar lükülük.

1. Timoty 5:21

Me mwen mesen Kot me Kraist Jesus me ekewe chon läng mi fil üa fokun allük ngonuk pwe kopwe aleasochis ngeni ekei kapasen öüröür, nge kosap oput eman ika efich eman lon meinisin mine ka föri.

Titus 1:1

Kapong seni ngang Paulus, eman nöün Kot chon angang me eman nöün Jesus Kraist soukünö. Kot a filiei o tinieila, pwe üpwe alisi nöün Kot kewe mi fil lon ar lükülük o emweniir ngeni ar repwe silei ewe let sia kaiö seni ach lamalam.

Titus 2:13

Iwe, sipwe witiwiti ewe Ränin feiöch sia apilükülük ngeni, lupwen lingen ach we Kot mi tekia, ach Chon Amanau Jesus Kraist epwe wareto.

Ipru 1:3

A lingeni lingen Kot o wesewesen lapalapeni lapalapen Kot. A anükünüköchü mettoch meinisin ren an kapas mi manaman. Mürin an awesala amusamusen än chon fanüfan tipis, a mottiu lepelifichin Kot lon läng, i ewe mi manaman seni meinisin.

Ipru 12:2

Ousipwe chök nenengeni Jesus ewe chon popuetä me chon awesala ach lükülük. Esap fangatä pokiten ewe iräpenges, nge fänäsengesin ewe pwapwa mi nom mwan esap ekieki itengauen an mäla won ewe iräpenges. Iwe, iei a mottiu lepelifichin Kot.

James 1:16

Ämi pwii kana mi achengicheng, ousap tupula!

James 1:19

Ämi pwii kana mi achengicheng, oupwe chechemeni ei: Aramas meinisin repwe müttir ngeni rong, mang ngeni kapas pwal mang ngeni song,

James 2:3

nge are oua pwärala ämi meniniti ewe aramas mi üföüf üf mi lingöch o oua üreni, “Kopwe mottiu ikei won ei lenien mot mi mürina”, nge oua üreni ewe aramas mi wöüngau, “Kopwe ütä ikenan”, ika “Kopwe mottiu ikei arun pechei”,

James 2:9

Nge are oua lifilifil aramas ren chök lapalapen inisiir me lükün, oua tipis, pun ewe Allük a atipisikemi pwe oua chon atai allük.

James 3:17

Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.

2. Petrus 1:1

Ngang Simon Petrus, eman nöün Jesus Kraist chon angang me soukünö, üa kapong ngeni ämi mi angei eu lükülük mi aüchea usun chök äm ren än ach Kot me Chon Amanau Jesus Kraist pwüng.

Jutas 1:16

Ekei aramas ra chök lal o atipisi aramas. Ra chei mochenin letiper mi ngau, ra eäni kapasen tunomong usun püsin ir, ra pwal kapas amichimich, pwe repwe angei mine ra mochen.

Pwärätä 14:12

Iei lomoten än ekewe chon pin likitü, ir chokewe mi aleasochisi än Kot kewe allük o ra allükülük ngeni Jesus.