James 1:9 - Chuukese Bible

⁹ Eman souläng mi wöüngau epwe fokun pwapwa lupwen Kot epwe atekiatä.

James 1:9 Iomraidhean Croise

Kölfel 62:9

Aramas tekison ra usun chök enienin asepwäl, nge aramas tekia ra usun chök och minen chofana. Are ra kilo, esap wor chour, ra pän seni enienin asepwäl.

Än Salomon Fos 17:5

Eman mi takirin ämängaua ekewe chon wöüngau a turunufasei Kot ewe Chon Föriir, nge eman mi pwapwa ren feiengauen eman epwe angei liwiningau.

Än Salomon Fos 19:1

Eman aramas mi wöüngau, nge a wenechar, a mürina seni eman aramas mi tiparoch, nge a rikirik lon an kapas.

Aisea 29:19

Ekewe chon tipetekison repwe eäni pwapwa me ren ewe Samol mi Lapalap, nge chon wöüngau repwe mwänek ren Ewe mi Pin lon Israel.

Lukas 1:52

A asapwilatiu ekewe king mi wor maner seni ar lenien motun king o atekiatai ekewe chon tekison.

Lukas 10:20

Nge ousap pwapwa pwe ekewe ngününgau ra aleasochisikemi, nge oupwe pwapwa pwe itemi a mak lon läng.”

Lukas 14:11

Pun eman aramas mi püsin atekiatä, epwe tekisonotiu, nge eman mi püsin atekisonatiu, epwe tekiatä.”

Lukas 9:48

Iwe, a üreniir, “Iö a etiwa ei semirit fän itei, a etiwaei. Nge iö a etiwaei a pwal etiwa ewe eman a tiniei. Pun iö a kis me leimi meinisin, ina i ätewe a lap mwemi meinisin.”

Nöün Paulus Toropwe ngeni ekewe Souläng lon Rom 8:17

Nge pokiten sia nöün Kot, sipwe feiöchüni ekewe feiöch i a amolätä fän iten nöün kana, sipwe pwal eti Kraist le wöüni ekewe wöün Kot a amolätä fän itan. Pun are sia eti Kraist lon an riaföü, sipwe pwal eti i lon an ling.

2. Korint 6:10

Aia letipeta, nge aia pwapwa fansoun meinisin. Aia usun itä nge chon wöüngau, nge aia awöüü chomong aramas. Aia usun itä nge aisap eäni och, nge aia wesewesen eäni mettoch meinisin.

Tuteronomi 15:11

Pun epwe wor chon wöüngau lon ewe fanü fansoun meinisin. Iei mine üa allük ngenikemi pwe oupwe fokun suki pöümi ngeni pwimi kewe mi osupwang o wöüngau lon ewe fanü.”

Tuteronomi 15:7

Iwe, are mi wor eman pwimi mi wöüngau lon ämi kewe telinimw mi nom lon ewe fanü ewe Samol mi Lapalap ämi we Kot epwe ngenikemi, ousap apöchöküla lelukemi are kichingau ngeni.

Tuteronomi 15:9

Oupwe afälikemi pwe esap wor ekiek mi ngau lon lelukemi, pwe oua apasa: A arap ewe afisuen ier, ewe ierin musala. Ousap pwal wowongau ngeni pwimi we mi wöüngau pwe ousap ngeni och. Pun pwimi epwe siö ngeni ewe Samol mi Lapalap o aturukemi, nge ämi oupwe tipis ren.

Filipi 3:14

Iei mine üa säwenewen ngeni ewe sopolan ai üpwe angei ewe win, iei än Kot kö ren Kraist Jesus ngeni ewe manau esemüch.

Filipi 3:3

Sap ir, nge kich sia angei ewe enletin sirkomsais, pun sia fel ngeni Kot ren Ngünün, sia pwapwa lon manauach lon Kraist Jesus, nge sisap anomu ach apilükülük won met sia föri ngeni inisich.

1. Petrus 2:9

Nge ämi eu ainang mi fil, eu mwichen souasor än ewe king, eu mwün aramas mi pin, nöün Kot kewe aramas, oua fil pwe oupwe arongafeili än Kot kewe föför mi manaman, i ewe mi körikemiiwu seni rochopwak, pwe oupwe tolong lon an saram mi amwarar.

Pwärätä 2:9

Üa silei om kewe riaföü. Üa silei pwe ka wöüngau, nge ka wesewesen pisekisek. Üa pwal silei pwe ka küna turunufas me ren chokewe mi apasa pwe ir chon Juta, nge sap ir chon Juta, pwe ir eu mwich än Satan.

1. Samuel 2:8

A aütai ekewe chon wöüngau seni lon pwül, a ekiewu chon mwelele seni lon ewe ioien falang, a amoteer ren ekewe samol o alenier won än chon iteföüla lenien mot. Pun ekewe longolongun fanüfan än ewe Samol mi Lapalap. I a aüetä fanüfan wor.