James 1:26 - Chuukese Bible

²⁶ Are eman a ekieki pwe i eman souläng, nge esap nemeni chönawan, ewe aramas a püsin atupu i, nge an souläng a lomotongau.

James 1:26 Iomraidhean Croise

Hiop 15:13

Ka song ngeni Kot o tipimwäl ngeni ren ena sokun kapas?

Hiop 30:11

Pokiten Kot a apwangapwangaei o atekisonaei, iei mine resap chüen meninitiei.

Kölfel 141:3

Ai Samol mi Lapalap, kopwe awora eman chon masen awei, kopwe tümwünü asamen tinawei.

Kölfel 32:9

Kosap wewe ngeni eman oris ika eman aas esap mirit, nge eman a chök tongeni nemeniir, are efoch mächä a nom lon awer fiti efoch säl, pwe repwe aleasochis ngeni.”

Kölfel 34:13

Oupwe tümwünükemi pwe ousap eäni kapas mi ngau, ousap pwal kapas chofana.

Än Salomon Fos 10:19

Anaie a wor chomong kapas ie, a pwal tongeni fis tipis, nge eman mi fanafanala a mirit.

Än Salomon Fos 10:31

Kapasen tipachem ra towu seni awen eman chon pwüng, nge chönawen eman chon atuputup epwe üttüwu.

Än Salomon Fos 14:12

Eman aramas a tongeni ekieki pwe ewe al a fetal won a pwüng, nge lesopolan ewe al a ale ngeni mäla.

Än Salomon Fos 15:2

Än ekewe chon tipachem kapas ra amwärärei aramas ngeni silelap, nge ekewe chon tiparoch ra eäni kapasen umwes.

Än Salomon Fos 16:10

Eman king a kapas fän an manaman seni Kot, esap mwäl won mine a apwüngala.

Än Salomon Fos 16:25

Eman aramas a ekieki pwe ewe al a fetal won a pwüng, nge lesopolan ewe al a ale ngeni mäla.

Än Salomon Fos 19:1

Eman aramas mi wöüngau, nge a wenechar, a mürina seni eman aramas mi tiparoch, nge a rikirik lon an kapas.

Än Salomon Fos 21:26

Eman chon chipwang a chök ekieki fansoun meinisin met epwe wor ren, nge ewe chon pwüng a fangala, nge esap kichingau.

Aisea 1:13

A lomotongau ämi uwato rei ämi kewe asor. Ämi apach mi pwokus a fokun anioput me rei, nge ämi chulapen popun maram me ränin sapat me chulap mi pin üsap efich, pun meinisin ra ingau ren ämi tipis.

Aisea 44:20

Ei sokun aramas a wewe ngeni eman mi mongö falangen ekkei pwe epwe manau ren. Iwe, ren ekiekin letipan mi rikirik a tokola pwe esap tongeni püsin angasa, esap pwal aisini, “Ifa usun, esap och minen atuputup mine üa amwöchü lepei?”

Malakai 3:14

Ren ämi apasa, ‘A lomotongau ach angang ngeni Kot. Met lomoten ach apwönüetä an kewe allük ika ach pwärätä ach letipeta ren mine sa föri me mwen ewe Samol mi Unusen Manaman?

Mateus 15:9

A lomotmwäl ar fel ngeniei, pun ra aiti ngeni aramas förien aramas allük usun itä nge ai kewe allük!’”

Markus 7:7

A lomotongau ar fel ngeniei, pun ra aiti ngeni aramas förien aramas allük, usun itä nge ai kewe allük.’

Lukas 8:18

Iei mine oupwe föröchü usun ämi aüseling. Pun iö a wor an, Kot epwe achomongala, nge iö esap wor an, Kot epwe mwo nge angei seni ewe ekis a ekieki a nom ren.”

1. Korint 15:15

Pwal och, epwe pwäla pwe aia chofona usun Kot, pun aia apasa pwe Kot a amanauasefäli Kraist seni mäla. Nge are a pwüng pwe ekewe mi mäla resap manausefäl, mürin Kot esap amanauasefäli Kraist.

1. Korint 15:2

Iei ewe Pworausen Manau oua küna manau ren are oupwe kamwöchünük won. Nge are ousap kamwöchünük won, ämi lükü a lomotongau.

1. Korint 3:18

Ousap püsin atupukemi. Are eman leimi a ekieki pwe a tipachem ren tipachemen ei fanüfan, i epwe wiliti eman aramas mi umwes fän iten an epwe wesewesen eman aramas mi tipachem.

Kalatia 2:6

Nge ätekewe, aramas ra apasa pwe ir souakom, üa apasa ei pokiten esap lifilifil me rei met sokun aramas ir. Kot esap nenengeni lapalapen aramas me lükün, üpwe apasa, ekei souakom resap apasa pwe üpwe siwili och lon ai afalafal.

Kalatia 2:9

Iwe, James, Petrus me Johannes, ir ekewe ürelapen mwichefel, ra mefi pwe Kot a ngeniei ei wis. Iei mine ra kapong won pöür ngenikem me Parnapas, iei ewe asisil pwe sia tipeeufengen lon ach angang. Ra tipeeu ngeni pwe Parnapas me ngang aipwe angang lein ekewe chon lükün Israel, nge ir repwe angang lein ekewe chon Juta.

Kalatia 3:4

Ifa usun, a lomotongau ekewe mettoch ra fis ngenikemi? Enlet, mi wor lomoter!

Kalatia 6:3

Are eman a ekieki pwe mi wor itan, nge esap fokun wor, ätewe a püsin atupu.

Efisos 4:29

Esap wor kapas mi ngau epwe towu seni lon awemi, pwe kapas mi mürina chök, sokun kapas mi afefetai aramas o alisiir lon ar osupwang, pwe chokewe mi rongorong ngeni repwe feiöch ren.

Efisos 5:4

Esap pwal fichitikemi pwe oupwe apasa sokun kapas mi ngau, kapas mi lomotongau me kapasen turunufas, nge oupwe chök kilisou ngeni Kot.

Tuteronomi 11:16

Oupwe afälikemi pwe ousap tupula o tokola ren ämi angang ngeni pwal ekoch kot o fel ngeniir.

Kolose 4:6

Ämi kapas epwe pwetete o apwapwai aramas, iwe, oupwe silei mine oupwe pölüeniöchü ngeni aramas meinisin.

James 1:19

Ämi pwii kana mi achengicheng, oupwe chechemeni ei: Aramas meinisin repwe müttir ngeni rong, mang ngeni kapas pwal mang ngeni song,

James 1:22

Oupwe chon föri kapasen Kot, nge ousap chon rong chök, pwe ousap püsin atupukemi.

James 2:20

Ka umwes! Ifa usun, ka mochen än eman epwe alletätä ngonuk, pwe lükülük ese fiti föför a mä?

1. Petrus 3:10

Pun iei usun a mak lon ekewe Toropwe mi Pin, “Iö a mochen an epwe pwapwaiti manau o küna feiöch lon manauan, esap fokun chüen apasa kapas mi ngau, nge epwe ükütiu le kapas chofona.