James 1:25 - Chuukese Bible

²⁵ Nge eman mi likitü le nenelong lon ewe allük mi unusöch, ewe a angasakich, o sopwela le föri ei, nge esap manlükala rongean, pwe a apwönüetä pwüngün, ei aramas epwe feiöch lon met a föri.

James 1:25 Iomraidhean Croise

Kölfel 106:3

Ra feiöch chokewe mi aleasochisi an kewe allük o föri mine a pwüng fansoun meinisin.

Kölfel 119:32

Üpwe fokun aleasochisi om kewe allük, pun ka alapala ai sile.

Kölfel 119:45

Iwe, üpwe fetalchöchö fän ngasala, pun üa kütta om öüröür.

Än Salomon Fos 14:15

Eman mi wewemang a lükü mettoch meinisin, nge eman mi mirit a nenengeni ia epwe feila ie.

Aisea 8:20

Apwi, oupwe chök rongorong än Kot kewe allük me pwärian. Nge are ousap apwönüetä ekei kapas, esap wor remi saram.

Lukas 11:28

Nge Jesus a pölüeni, “Ewer, nge ra feiöch chokewe mi rong kapasen Kot o aleasochis ngeni.”

Johannes 13:17

Iei oua silei ekei mettoch, oupwe feiöch are oupwe apwönüretä.

Johannes 8:36

Iwe, are ewe Nau a angasakemi, oupwe wesewesen ngasala.

Föför 13:43

Wesin än ekewe aramas mwichfengen, chomong chon Juta me chon lükün Israel mi etiwa ewe lamalamen chon Juta ra tapwela mürin Paulus me Parnapas. Ekewe soukünö ra kapas ngeniir o pese ngeniir pwe repwe sopwela le anomu ar lükülük won ewe ümöümöchün Kot.

Föför 2:42

Ra likitü le kaiö seni mine ekewe soukünö ra aiti ngeniir, ra likitü lon ar chiechifengen o mongöfengen ewe mongön ach Samol me ikiotekfengen.

Föför 26:22

Nge tori ikenai Kot a alisiei, iei mine üa ütä ikei o pwärätä mine a let ngeni aramas meinisin, seni ekewe mi kis tori ekewe mi lap. Iwe, mine üa eäni afalafal a wewefengen me mine ekewe soufos me Moses ra afalafala pwe epwe fis,

Nöün Paulus Toropwe ngeni ekewe Souläng lon Rom 11:22

Iei mine oupwe ekieki usun än Kot kirikiröch me an pöchökül. A fokun pöchökül ngeni chokewe mi turutiu, nge a kirikiröch ngeni ämi. Are oua sopwela le föri mine a mürina, epwe sopwela le kirikiröch ngenikemi, nge are ousap föri iei usun, pwal ämi oupwe kuputiu.

Nöün Paulus Toropwe ngeni ekewe Souläng lon Rom 2:13

Pun ekewe aramas resap küna pwüng mwen mesen Kot ren ar rongorong ngeni ekewe Allük, nge ren ar apwönüetä pwüngün ekewe Allük.

Nöün Paulus Toropwe ngeni ekewe Souläng lon Rom 7:12

Iei usun än Moses kewe Allük ra pin o mine ewe allük a apasa a pwüng o mürina.

Nöün Paulus Toropwe ngeni ekewe Souläng lon Rom 8:15

Pun ewe Ngün Kot a ngenikemi esap nöünikemi chon angang pwe oupwe niuokus, nge ewe Ngün a atolongakemi lon tettelin nöün Kot. Iwe, ren atufichien ewe Ngün sia kökkö ngeni Kot, “Sam! Semei!”

Nöün Paulus Toropwe ngeni ekewe Souläng lon Rom 8:2

Pun ewe allükün Ngün mi ngenikich manau lon Kraist Jesus a angasaei seni ewe allük mi afisätä tipis me mäla.

1. Korint 15:58

Iei mine ämi pwii kana mi achengicheng, oupwe apposakemi, ousap mwöküt seni ämi souläng. Oupwe alapalafochei ämi achocho lon ewe angangen ach Samol, pun oua silei pwe esap lomotongau ämi angang lon ach Samol.

2. Korint 13:5

Oupwe püsin sotunikemi o apwüngükemi, pwe oupwe silei ika oua wesewesen lükü Kraist. Ifa usun, ousap silei pwe Jesus Kraist a nonom lomi? Are ousap silei, oua lipwäkingau lon ewe sosot.

Kalatia 2:4

usun ekoch ra mochen. Ekei mwän ra pomweni pwe ir chiechiach chon lükülük o ra anifilong lon ach mwich pwe repwe operi ach ngas sia eäni lon Kraist Jesus. Ra mochen ach sipwe wewe ngeni amanau lon ach sipwe apwönüetä mine ekewe allük ra apasa pwe sipwe föri.

Kalatia 5:1

Iwe, sia ngasala, pun Kraist a angasakich. Iei mine oupwe üppos usun aramas mi ngas, ousap chüen atolongasefälikemi lon tettelin amanau.

Kalatia 6:2

Oupwe mwärelong fän wosen chiechiemi wosochou, ika oupwe föri ei, oupwe aleasochisi än Kraist allük.

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.

1. Timoty 2:15

Nge ekewe fefin repwe küna manau ren ar nöünöü, are repwe likitü lon ar lükü, lon ar eäni chen, lon ar pin me mirit.

1. Timoty 4:16

Kopwe püsin tümwünuk, kopwe pwal tümwünü mine ka afalafal won. Kopwe likitü le föri ekei mettoch, pun are kopwe föri iei usun, kopwe püsin amanauok me chokewe mi aüselingok.

Ipru 12:15

Oupwe tümwünüfichikemi pwe esap wor eman leimi epwe kul seni än Kot ümöümöch. Esap pwal wor eman epwe usun chök efoch irä maras mi märitä o afisätä chomong fitikoko, pwe chomong repwe limengau ren.

James 2:12

Iei mine oupwe kapas o föri sokun föför usun chök aramas repwe küna kapwüng ren ewe allük mi angasakichela.

1. Petrus 2:16

Oupwe manau usun aramas mi ngas, nge ousap aea ämi ngas le pwölüela ämi föför mi ngau, pwe oupwe manau usun nöün Kot chon angang.

1. Johannes 2:24

Oupwe fokun tümwünüfichi ämi oupwe amwöchü lon letipemi ewe Kapasen Kot oua fen rong me lepoputän. Are oua amwöchü mine oua fen rong me lepoputän, oupwe nonom lon ewe Nau pwal ewe Sam fansoun meinisin.

Pwärätä 14:13

Mürin üa rongorong eu möngüngü seni läng a apasa, “Kopwe makkei ei: Ra feiöch chokewe mi mäla lon ar lükü ach Samol seni ikenai!” Ewe Ngünmifel a pölüeni, “Ewer, repwe asösö seni ar angang weires, pun ar föför mürina a etiir.”

Pwärätä 22:14

Ra feiöch chokewe mi limeti üfer pwe repwe limöch, pwe epwe wor ar pwüüng ar repwe mongö seni uän ewe irän manau, repwe pwal tolong lon ekewe asamalap o tolong lon ewe telinimw.

1. Samuel 12:14

Are oua meniniti ewe Samol mi Lapalap o angang ngeni, are oua pwal aüselinga alon, nge ousap ü ngeni an kewe allük, are ämi me nöümi king mi nemenikemi oupwe tapwela mürin ewe Samol mi Lapalap ämi we Kot, oupwe feiöch.