James 1:22 - Chuukese Bible

²² Oupwe chon föri kapasen Kot, nge ousap chon rong chök, pwe ousap püsin atupukemi.

James 1:22 Iomraidhean Croise

Aisea 44:20

Ei sokun aramas a wewe ngeni eman mi mongö falangen ekkei pwe epwe manau ren. Iwe, ren ekiekin letipan mi rikirik a tokola pwe esap tongeni püsin angasa, esap pwal aisini, “Ifa usun, esap och minen atuputup mine üa amwöchü lepei?”

Jeremaia 11:6

Iwe, ewe Samol mi Lapalap a üreniei, “Kopwe asilefeili ekei kapas me lon ekewe telinimwen Juta, pwal lon ekewe alen Jerusalem: Oupwe aüselinga kapasen ei pwon o apwönüetä.

Opataia 1:3

Lamalamtekian lelukom a atupuketä, en ewe mi nom lon ekewe föimw, ka nom won ekewe leni mi tekia o ekieki lon lelukom, ‘Iö epwe tongeni aturueitiu lepwül?’

Mateus 12:50

Pun iö kana ra föri letipen Semei lon läng, ir pwii me fefinei me inei.”

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Lukas 11:28

Nge Jesus a pölüeni, “Ewer, nge ra feiöch chokewe mi rong kapasen Kot o aleasochis ngeni.”

Johannes 13:17

Iei oua silei ekei mettoch, oupwe feiöch are oupwe apwönüretä.

Nöün Paulus Toropwe ngeni ekewe Souläng lon Rom 2:13

Pun ekewe aramas resap küna pwüng mwen mesen Kot ren ar rongorong ngeni ekewe Allük, nge ren ar apwönüetä pwüngün ekewe Allük.

1. Korint 15:33

Ousap püsin atupukemi: “Chiechi ngeni aramas mi ngau a angauala manauach.”

1. Korint 3:18

Ousap püsin atupukemi. Are eman leimi a ekieki pwe a tipachem ren tipachemen ei fanüfan, i epwe wiliti eman aramas mi umwes fän iten an epwe wesewesen eman aramas mi tipachem.

1. Korint 6:9

Enlet, oua silei pwe ekewe chon föföringau resap mwüni Mwün Kot. Ousap püsin atupukemi! Chon föri föförün lisowu, ika chon angang ngeni anümwäl, ika chon lisowu ngeni mi pwüpwülü, ika chon amömö inisir, ika chon lisowufengen lefilen mwän me mwän ika fefin me fefin,

Kalatia 6:3

Are eman a ekieki pwe mi wor itan, nge esap fokun wor, ätewe a püsin atupu.

Kalatia 6:7

Ousap püsin atupukemi. Sisap tongeni urumwotei Kot. Pun mine eman aramas a fotuki, iei met epwe pwal kini.

Filipi 4:8

Iwe, amüchülan ai kapas, ämi pwii kana, oupwe amwöchünükü lon ämi ekiek ekei mettoch mi mürina o amwarar: mettoch mi let me aüchea, mettoch mi pwüng me limöch, mettoch aramas ra efich me meniniti.

Kolose 3:17

Iwe, meinisin mine oupwe föri ika apasa, oupwe föri fän iten ach Samol Jesus o oupwe kilisou ngeni Samach Kot ren i.

2. Timoty 3:13

Nge ekewe aramasangau me soulängatuputup repwe chök fokun ngauala, ra atupu aramas o püsin küna atuputup.

Titus 3:3

Pun me lom püsin kich sia miritimang o aleasolap, sia pwal mwalechela. Sia nom fän nemenien sokopaten mochenia me pwapwan fanüfan. Sia manaueni eu manau mi ngau me lolowo, aramas ra oputakich, nge kich sia oputa ir.

James 1:26

Are eman a ekieki pwe i eman souläng, nge esap nemeni chönawan, ewe aramas a püsin atupu i, nge an souläng a lomotongau.

James 4:11

Ämi pwii kana, ousap aitengauafengenikemi lefilemi. Iö a aitengaua eman pwiin souläng ika apwüngü, a aitengaua o apwüngü ewe Allük. Are ka apwüngü ewe Allük, mürin kosap chüen eman chon aleasochis ngeni, nge ka eman chon apwüngü ewe Allük.

James 4:17

Iei mine eman aramas mi silei mine a mürina, nge esap föri, a tipis.

2. Petrus 2:13

repwe angei liwiniir sokun riaföü ra ariaföüü ngeni aramas. Ra chök pwapwaiti ar repwe momongö o ükün lon ar kametip le rän. Ra eu minen asäw me itengau lupwen ra etikemi le mongö, nge ra pwal pwapwaiti ar kewe föförün likatuputup.

1. Johannes 1:8

Iwe, are sia apasa pwe esap wor ach tipis, sia püsin atupukich, nge esap wor let loch.

1. Johannes 2:3

Are sia aleasochisi än Kot kewe allük, iwe, sia lükü pwe sia silei i.

1. Johannes 3:7

Nei kana, ousap mwüt ngeni eman epwe atupukemi! Eman mi föri mine a pwüng, a pwüng usun chök Kraist a pwüng.

3. Johannes 1:11

En chienei mi achengicheng, kosap apirü mine a ngau, nge kopwe apirü mine a öch. Eman mi föri mine a öch i nöün Kot, nge eman mi föri mine a ngau esap silei Kot.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 22:7

Iei alon Jesus, “Nengeni, üpwe warekai. Ra feiöch chokewe mi aleasochisi ekewe kapasen osuni mi mak lon ei puk!”