James 1:2 - Chuukese Bible

² Ämi pwii kana, oupwe fokun ekiekin pwapwa lupwen oupwe tolong lon sokopaten sosot,

James 1:2 Iomraidhean Croise

Föför 5:41

Iwe, ekewe soukünö ra towu seni ewe mwichen soupwüng, ra fokun pwapwa, pun ra tongeni tolong lon riaföü me itengau fän iten Jesus.

Nöün Paulus Toropwe ngeni ekewe Souläng lon Rom 5:3

Nge sap iei chök, sia pwal pwapwaäsini ach kewe riaföü, pun sia silei pwe riaföü a afisätä ach tipeppos,

Filipi 1:29

Pun Kot a ngenikemi ewe wis mi aüchea pwe oupwe angang ngeni Kraist, sap chök ren ämi oupwe lükü i, nge pwal ren ämi oupwe riaföü fän itan.

Filipi 2:17

Nge inamwo ika chai epwe ninnila usun eu asoren ün won ewe asor me ewe angang mi fis ren ämi lükülük, ngang üpwe chök pwapwa o ämi meinisin oupwe etiei lon ai pwapwa.

Filipi 2:18

Ina usun ämi oupwe pwal pwapwa, nge ngang üpwe etikemi lon ämi pwapwa.

Kolose 1:24

Iwe, iei üa pwapwa lon ai riaföü fänäsengesimi, pun ren ai riaföü lon inisi üa alisi le aunusöchüela mine esamwo unus lon än Kraist riaföü fänäsengesin inisin we, iei ewe mwichefel.

Ipru 10:34

Oua tongäsini chokewe mi nom lon imwen fötek, nge lupwen ra angei pisekimi meinisin fän pöchökül, oua likiti ngeniir fän pwapwa, pun oua silei pwe oua chüen eäni och mi mürina seni, epwe nonomola tori feilfeilachök.

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

James 1:16

Ämi pwii kana mi achengicheng, ousap tupula!

James 1:19

Ämi pwii kana mi achengicheng, oupwe chechemeni ei: Aramas meinisin repwe müttir ngeni rong, mang ngeni kapas pwal mang ngeni song,

James 5:11

Sia apasa pwe ir chon feiöch pokiten ar likitü. Oua rongorong usun än Hiop likitü, oua pwal silei met ach Samol a amolätä fän itan lesopolan. Pun ach Samol a uren kirikiröch me tong.

2. Petrus 2:9

Ekei pworaus ra aiti ngenikich, pwe ewe Samol a silei usun an epwe amanaua ekewe aramas mi likitü lon ar lükü seni sosot, nge epwe amwöchü ekewe chon föföringau ngeni ewe Ränin Kapwüng, pwe epwe apwüngüür.

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.