James 1:19 - Chuukese Bible

¹⁹ Ämi pwii kana mi achengicheng, oupwe chechemeni ei: Aramas meinisin repwe müttir ngeni rong, mang ngeni kapas pwal mang ngeni song,

James 1:19 Iomraidhean Croise

Nehemia 8:18

Seni aeuin ränin ewe chulap tori lesopolan Esra a aleani ewe puken allük än Kot ngeni ekewe aramas. Ra föri ewe chulap lon ükükün fisu rän, nge lon awaluen rän ra föri eu mwich mi pin, usun a mak lon ewe allük.

Nehemia 9:17

Resap fokun mochen aleasochis ngonuk, resap pwal ekieki ekewe manaman ka föri lefiler. Nge ra chök tipepöchökül o filätä eman souemwen, epwe aliwinirela Isip pwe aramas repwe nöüniir amanau. Nge en eman Kot mi amusala tipis, ka kirikiröch o ümöümöch, ka pwal songomang o wöün tong ellet. Iei mine kosap likitirela,

Nehemia 9:3

Lon ükükün ülüngat kulok ra ütä won lenier, lupwen än ewe Samol mi Lapalap ar we Kot puken allük a alea ngeniir, nge lon pwal ükükün ülüngat kulok ra pwärätä ar tipis o fel ngeni ewe Samol mi Lapalap ar we Kot.

Hiop 32:16

Ifa usun, üpwe chök witiwit pokiten ir resap fos, pun ra chök ü ikenan, nge resap chüen apasa och?

Än Salomon Fos 10:19

Anaie a wor chomong kapas ie, a pwal tongeni fis tipis, nge eman mi fanafanala a mirit.

Än Salomon Fos 13:3

Eman mi mamasa kapasen awan a tümwünü manauan, nge eman mi fos chomong a fetal ngeni feiengau.

Än Salomon Fos 14:17

Eman aramas mi songokai a föri föför mi umwes, nge eman mi mirit a mosonotam.

Än Salomon Fos 14:29

Eman mi mang ngeni song a watte an weweöch, nge eman mi müttir ngeni song a pwärätä watten an tiparoch.

Än Salomon Fos 15:18

Eman aramas mi songokai a afisätä anini, nge eman mi mosonotam a afisätä kinamwe.

Än Salomon Fos 15:2

Än ekewe chon tipachem kapas ra amwärärei aramas ngeni silelap, nge ekewe chon tiparoch ra eäni kapasen umwes.

Än Salomon Fos 16:32

Eman mi mang ngeni song a mürina seni eman mi pöchökül, nge eman mi püsin nemeni letipan a mürina seni eman mi liapeni eu telinimw.

Än Salomon Fos 17:14

Ach popuetä eu anini a usun chök ach pwangeni eu epetin koluk, iei mine kopwe ükütiu mwen ewe anini epwe lapala.

Än Salomon Fos 17:27

Eman mi mang le fos a wor an silelap, nge eman mi mosonotam i eman mi weweöch.

Än Salomon Fos 18:13

Are eman aramas a pälüeni mwen esamwo rongorong, ina an tiparoch epwe pwal säw.

Än Salomon Fos 18:21

Mine eman aramas a apasawu seni awan a eselipä ngeni, iei mine chokewe mi efich fofos repwe angei liwinin.

Än Salomon Fos 19:11

Mirit a alisi eman aramas pwe epwe mang ngeni song, nge eman a iteüöch are esap ekieki mine eman a föri ngeni.

Än Salomon Fos 19:19

Eman aramas mi songokai epwe püsin angei liwinin. Nge are ka mochen akinamwela, epwe chök lapala an song.

Än Salomon Fos 21:23

Eman mi tümwünü kapasen awan a tümwünü inisin seni osukosuk.

Än Salomon Fos 25:28

Eman aramas esap tongeni püsin nemeni letipan a usun chök eu telinimw mi tala esap wor tittin.

Än Salomon Fos 29:20

Ka fen küna eman aramas mi müttir le fos? Ka tongeni apilükülükü eman chon tiparoch lap seni ena sokun aramas.

Numperis 22:27

Iwe, lupwen ewe aas a küna nöün ewe Samol mi Lapalap we chon läng, a aüpwäsukutiu fän Palam. Nge Palam a fokun song o wichi ewe aas ngeni wokun.

Mateus 5:22

Nge ngang üpwe ürenikemi: Iö a songeiti pwiin epwe tolong lon kapwüng, o iö a kapasen turunufas ngeni pwiin epwe tolong lon kapwüng mi lap, nge iö a apasa ngeni pwiin, ‘En mi umwes,’ epwe fich ngeni an epwe tolong lon ewe ekkeiin hell.

Markus 12:37

Ika Tafit a püsin aita ngeni Samol, epwe ifa usun än Kraist epwe tongeni eman mwirimwirin Tafit?” Iwe, ekewe aramas mi chomong ra efich an afalafal.

Markus 2:2

Iwe, chomong aramas ra mwichfengen ren, pwe esap chüen wäwä leni, pwal mwo nge ewe leni mwen asamen ewe imw. Iwe, lupwen Jesus a afalafal ngeniir ewe Kapasen Kot

Lukas 15:1

Lon eu rän, lupwen chomong chon ioni takises me chon tipis ra mwicheto ren Jesus pwe repwe rongorong an afalafal,

Lukas 19:48

nge resap tongeni küna efoch alen ar repwe föri ar we ekiek, pun ekewe aramas ra chök akaüseling ngeni an afalafal, nge resap tümwününgau ngeni an kewe kapas meinisin.

Föför 1:15

Ekoch rän mürin a fis eu mwichen chon lükülük, ina epwe ükükün ipükü rüwe. Iwe, Petrus a ütä lefiler

Föför 10:33

Iei mine üa müttir titi en, nge a mürina pwe ka feito. Iei äm meinisin aia nonom mwen mesen Kot, pwe aipwe aüseling ngeni meinisin mine ewe Samol a allük ngonuk pwe kopwe aiti ngenikem.”

Föför 13:48

Lupwen ekewe chon lükün Israel ra rong ei pworaus, ra pwapwa o mwareiti än ach Samol kapas. Iwe, chokewe mi fil ngeni manau esemüch ra lükü.

Föför 17:11

Iwe, ekewe aramasen Perea ra tipemecheres seni ekewe aramasen Tesalonika, pun ra etiwa ewe afalafal fän mochenin letiper. Iteiten rän ra kaiö lon ekewe Toropwe mi Pin o kütta are met Paulus a apasa a wesewesen pwüng.

Föför 2:42

Ra likitü le kaiö seni mine ekewe soukünö ra aiti ngeniir, ra likitü lon ar chiechifengen o mongöfengen ewe mongön ach Samol me ikiotekfengen.

Efisos 4:26

Are oua song, ousap mwüt ngeni ämi song epwe emwenikemiilong lon tipis! Ousap amwöchü ämi song tori akkar epwe tuputiu.

Efisos 4:31

Oupwe atoaua senikemi sokun koum, chou me song. Ousap chüen akürang ngeni aramas ika turunufaser, ousap pwal chüen oput eman aramas.

Kolose 3:15

Iwe, ewe kinamwe Kraist a ngenikemi epwe nemeni letipemi, pun Kot a körifengenikemi lon eu chök inis ngeni ei kinamwe. Iwe, oupwe kilisou ngeni Kot.

Kolose 3:8

Nge iei oupwe fokun ükütiu le föri ekei sokun föför: song, lingeringer me koput. Esap wor kapasen turunufas ika kapasingau epwe towu seni lon awemi.

1. Tesalonika 2:13

Iwe, mi pwal wor eu popun pwota sia kilisoufochofoch ngeni Kot. Lupwen sia uwato remi ewe kapasen Kot, oua rongorong ngeni o etiwa. Ousap ekieki pwe kapasen aramas, nge oua etiwa pwe iei wesewesen kapasen Kot. Pun ewe kapas a angang lomi ämi mi lükülük.

James 1:16

Ämi pwii kana mi achengicheng, ousap tupula!

James 1:2

Ämi pwii kana, oupwe fokun ekiekin pwapwa lupwen oupwe tolong lon sokopaten sosot,

James 1:26

Are eman a ekieki pwe i eman souläng, nge esap nemeni chönawan, ewe aramas a püsin atupu i, nge an souläng a lomotongau.

James 2:1

Ämi pwii kana, ämi chon lükü ach Samol Jesus Kraist, ewe Samol mi ling, ousap lifilifil aramas pokiten chök lapalapen inisiir me lükün.

James 2:5

Ämi pwii kana mi achengicheng, oupwe aüseling! Ifa usun, Kot esap filätä ekewe aramas mi wöüngau won ei fanüfan pwe repwe pisekisek lon ar lükülük o feiöchüni feiöchün ewe Mwün Kot, i a pwon ngeni chokewe mi echeni?

James 3:10

Iotek me ottek ra towu seni eu chök aw. Ämi pwii kana, esap öch pwe epwe iei usun!

James 4:11

Ämi pwii kana, ousap aitengauafengenikemi lefilemi. Iö a aitengaua eman pwiin souläng ika apwüngü, a aitengaua o apwüngü ewe Allük. Are ka apwüngü ewe Allük, mürin kosap chüen eman chon aleasochis ngeni, nge ka eman chon apwüngü ewe Allük.

James 5:12

Ämi pwii kana, mwen mettoch meinisin, ousap pwon fän akapel. Ousap ö: pölü läng ika fanüfan ika och mettoch. Are oua apasa “Ewer”, epwe enletin ewer, nge are oua apasa “Apw”, epwe enletin apw, pwe ousap tolong lon än Kot kapwüng.

James 5:19

Ämi pwii kana, are eman me leimi epwe tokola seni mine a let, nge eman epwe aliwinisefäli,

1. Johannes 2:21

Üsap mak ngenikemi pokiten itä ousap silei ewe let. Nge pokiten oua silei, oua pwal silei pwe esap wor och chofona epwe pop seni ewe let.