James 1:18 - Chuukese Bible

¹⁸ Ren püsin letipan a afisikich ren ewe kapas mi let, pwe sipwe nöün mwänichi lein förian kana meinisin.

James 1:18 Iomraidhean Croise

Jeremaia 2:3

Israel, en ka pin fän itei, ngang echök üa nöünuk. Chokewe meinisin mi afeiengauok üa ariaföüür o afeiengaueer. Ngang ewe Samol mi Lapalap üa kapas.”

Lifitikos 23:10

pwe epwe üreni ekewe aramasen Israel: Lupwen oupwe tolong lon ewe fanü, ewe Samol mi Lapalap epwe ngenikemi, o kini uan, oupwe uwato epilük mwen kiniemi uän wiich ren ewe souasor.

Amos 6:1

Feiengauemi ämi mi nonomöch lon Sion, ämi mi mefi kinamwe lon Samaria, pwal ämi mwän mi iteföüla mi nom lon eu mwü mi iteföüla, ämi chokewe chon Israel ra feito remi pwe repwe kütta alilisir senikemi.

Johannes 1:13

Resap wiliti nöün Kot usun än eman uputiu ngeni saman, pun resap uputiu won tipen fituk are tipen mwän, nge püsin Kot a föri pwe ir nöün.

Nöün Paulus Toropwe ngeni ekewe Souläng lon Rom 4:17

pun a mak lon ekewe Toropwe mi Pin, “Üa föri pwe kopwe semelapen aramasen chomong mwü.” Iwe, ei pwon a mürina mwen mesen Kot, i ewe Apraham a lükü, ewe Kot mi amanaua ekewe mi mäla, i ewe a pwal allük pwe mine esap wor epwe wor.

1. Korint 4:15

Pun inamwo ika a wor engol ngeröü nöümi souemwen lon manauen ämi souläng, nge oua chök semeni eman. Pun lon Kraist Jesus üa wiliti eman sememi ren ai afalafala ewe Pworausen Manau ngenikemi.

2. Korint 6:7

ren äm afalafala ewe kapas mi let pwal ren manamanen Kot. Aia eäni pwüng pisekin maun, pwal äm pisekin epet senikem feiengau.

Efisos 1:12

Iei mine kich mi akomwen apilükülükü Kraist sipwe eu lenien mwareiti lingen Kot.

Efisos 1:13

Pwal ämi oua wiliti nöün Kot aramas lupwen oua rongorong ewe kapasen Kot mi let, iei ewe Pworausen Manau oua küna manau ren. Ämi oua lükü Kraist, nge Kot a pwaunikemi pwe oupwe nöün ren an ngenikemi ewe Ngünmifel, usun i a fen pwonei.

2. Timoty 2:15

Kopwe fokun achocho ngeni pwe Kot epwe tipeeu ngenuk, pwe kopwe eman chon angang esap säw ren an angang, pun ka afalafala än Kot kapas mi let fän pwüng.

Ipru 12:23

Oua feito ren ewe mwichen souläng mi usun chök nöün Kot kewe mwänichi, ra chufengen fän pwapwa, iter a mak lon läng. Oua feito ren Kot ewe soukapwüng fän iten aramas meinisin, pwal ren ngünün ekewe chon pwüng mi unusöch.

James 1:15

Iwe, are än eman mochenia a liapeni letipan, a fis an tipis, nge are an tipis a unusela, a fis an mäla.

James 1:21

Iei mine oupwe likitätiu sokun limelimengau me sokun föföringau meinisin. Oupwe atekisonakemi mwen mesen Kot o oupwe etiwa ewe kapas a fot lomi, a tongeni amanauakemi.

James 3:14

Nge are a wor lon letipemi lolowo me ekieki chök püsin ämi, ousap sikäsini ämi tipachem, ousap pwal amamäsini ewe let.

1. Petrus 1:23

Pun oua upsefäl ren Kapasen Kot mi manau o nonom tori feilfeilachök, usun nau nöün eman mi manau tori feilfeilachök, nge sap nöün eman mi mäla.

1. Petrus 1:3

Ousipwe mwareiti Kot ewe Semen ach Samol Jesus Kraist! Pun lon an tong mi lapalap a aupusefälikich ren än Jesus Kraist manausefäl seni mäla. Ei a aurakich ren eu apilükülük mi manau,

1. Johannes 3:9

Eman mi nöün Kot esap sopwela le föri tipis, pun manauen Kot a nonom lon. Iwe, esap tongeni sopwela le föri tipis, pun a up seni Kot.

Pwärätä 14:4

Ir chokewe mi püsin tümwünüür pwe resap alimengauer ren ar tipis ngeni fefin, ra usun chök föpwül resamwo tori mwän. Ra tapwela mürin ewe Lam ekis meinisin ia a feila ie. Ra fen küna manau me lein ekewe aramasen fanüfan, pwe ir ekewe mweinöü fän iten Kot me ewe Lam.