James 1:17 - Chuukese Bible

¹⁷ Lifang mi mürina meinisin me feiöch mi unusöch meinisin ra feitiu seni läng, ra feitiu seni ewe Sam mi föri ekewe Saram lon läng, ewe esap siwil, esap pwal fis rochopwak ren an kul.

James 1:17 Iomraidhean Croise

Keneses 41:16

Nge Josef a üreni Farao, “Ai king, sap ngang üa tufich ngeni, nge Kot epwe pwäri ngonuk mine kopwe feiöch ren.”

1. Kronika 22:12

Eu chök, amwo ewe Samol mi Lapalap epwe fang ngonuk tipachem me silelap, lupwen epwe ngonuk nemenem won chon Israel, pwe kopwe tongeni apwönüetä ewe allük än ewe Samol mi Lapalap om we Kot.

1. Kronika 29:19

Kopwe atufichi Salomon nei ei, pwe epwe aleasochisi om kewe allük me om pwüüng ren unusen lelukan o apwönüretä meinisin, epwe pwal aüetä ei imwenfel mi watte üa fen amolätä ekei pisek fän itan.”

Kölfel 102:27

Nge en ka ususum we chök, manauom esap müchüla.

Kölfel 122:6

Oupwe tüngor pwe epwe wor kinamwe lon Jerusalem, “Amwo chokewe mi echenuk repwe feiöch.

Kölfel 136:7

A föri ekewe saram mi watte, an tong ellet a nonom tori feilfeilachök:

Kölfel 84:11

Pun Kot ewe Samol mi Lapalap i ai saram, a apetiei seni ei feiengau. A fangela ngenikich ümöümöch me iteüöch. Ewe Samol mi Lapalap esap amwöchü och mi mürina seni chokewe mi föri mine a pwüng.

Kölfel 85:12

Ewer, ewe Samol mi Lapalap epwe fangeto mettoch mi mürina, nge fanüach epwe awora räsimong.

Än Salomon Fos 2:6

Pun ewe Samol mi Lapalap a fangala tipachem, i a atowu silelap me weweöch.

Aisea 28:26

Iwe, ewe chon tanipi a sileöchü mine epwe föri, pun an Kot a aiti ngeni.

Aisea 45:7

Ngang üa förätä saram, üa pwal förätä rochopwak. Ngang üa awarato feiöch me feiengau. Ngang ewe Samol mi Lapalap, üa föri ekei mettoch meinisin.”

Aisea 46:10

Üa osuni me lepopun mine epwe fis le sopolan, üa pwal pwärätä seni ekewe fansoun lom mettoch resamwo fis. Iwe, üa apasa pwe epwe fis mine üa ekiekietä, üpwe pwal apwönüetä letipei.

Aisea 60:19

Iwe, kosap chüen eäni saramen akkar lerän ika tinen maram lepwin pwe repwe asaramok, pun ngang ewe Samol mi Lapalap üpwe om saram tori feilfeilachök. Ngang om Kot üpwe om ling.

Malakai 3:6

“Ngang ewe Samol mi Lapalap, üsap tongeni siwil, iei mine ämi mwirimwirin Jakop ousap mochola.

Numperis 11:17

Ngang üpwe feitiu o kapas ngonuk ikenan. Iwe, üpwe angei och manamanen ewe ngün mi nom womw o isetä wor. Repwe etuk le mwärelong fän weiresin tümwünün ekewe aramas pwe kosap akaleäman le mwärelong fan.

Numperis 11:25

Mürin, ewe Samol mi Lapalap a feitiu lon ewe kuchu o kapas ngeni Moses. A angei och manamanen ewe ngün mi nom won Moses o isetä won ekewe fik souakom. Iwe, lupwen ewe ngün a nom wor, ra osuni. Nge mürin resap chüen osunisefäli.

Numperis 23:19

Kot esap eman aramas pwe epwe chofana, esap pwal i nöün aramas pwe epwe ekieksefäl. Ifa usun, epwe apasa och, nge esap föri? Ika epwe pwonei och, nge esap apwönüetä?

Mateus 7:11

Iwe, are mwo ämi aramas mi ngau, nge oua silei ämi oupwe fang ngeni nöümi lifang mi mürina, epwe fen ifan me watten än Sememi lon läng fangala mettoch mi mürina ngeni chokewe mi tüngorei!

Lukas 11:13

Iwe, are mwo ämi aramas mi ngau oua silei ämi oupwe fang ngeni nöümi lifang mi mürina, epwe fen ifa me watten än Sememi lon läng fangela Ngünmifel ngeni chokewe mi tüngorei!”

Johannes 1:9

Iei ewe saram mi let, a feito fanüfan o asarama aramas meinisin.

Johannes 3:27

Johannes a pölüeni, “Esap wor eman a tongeni angei och are Kot esap ngeni.

Johannes 3:3

Jesus a üreni, “Enlet, üpwe wesewesen ürenuk: Esap wor eman a tongeni küna Mwün Kot are esap upsefäl.”

Johannes 8:12

Iwe, Jesus a kapassefäl ngeni ekewe aramas o üreniir, “Ngang ewe saramen fanüfan. Iö a tapweto müri epwe eäni ewe saramen manau, nge esap fetal lon rochopwak.”

Föför 11:18

Lupwen ra rongorong ei pworaus, ra ükütiu le esita Petrus, ra mwareiti Kot o apasa, “Kot a pwal mwüt ngeni ekewe chon lükün Israel pwe repwe ekieksefäl o küna manau.”

Föför 5:31

Nge Kot a atekiatai o anomu lepelifichin pwe epwe Samol me Chon Amanau, pwe epwe awora ekieksefäl me amusamusen tipis ngeni chon Israel.

Nöün Paulus Toropwe ngeni ekewe Souläng lon Rom 6:23

Pun liwinin tipis mäla, nge än Kot lifang manau esemüch lon Kraist Jesus ach Samol.

1. Korint 4:7

Pun iö a seikuketä pwe kopwe lap seni ekewe ekoch? Ifa usun, Kot esap fang ngonuk mettoch meinisin mine ka eäni? Pwota ka aingaing won met mi wor reöm usun itä nge esap minen lifang?

2. Korint 4:6

Pun Kot, ewe mi apasa, “Saram epwe tinewu seni lon rochopwak”, i chök ewe Kot mi asarama letipem o ngenikem ewe saram, pwe aipwe silei usun än Kot we ling mi pwä won mesen Kraist.

Efisos 1:18

Üa tüngor pwe mesen letipemi epwe nennela pwe oupwe küna an saram, pwe oupwe silei usun ewe apilükülüköch i a köri ngenikemi, pwal usun watten ekewe feiöch mi amwarar i a pwon ngeni ekewe chon pin,

Efisos 2:8

Pun ren än Kot we ümöümöch oua küna manau ren ämi lükülük. Nge ei manau oua eäni esap afisiemi, pwe än Kot lifang ngenikemi,

Tuteronomi 4:19

Oupwe tümwünükemi, pwe lupwen oupwe netä läng o küna akkar me maram me fü kana pwal masouen fän läng meinisin ousap tupula o fel ngeniir ika pwal angang ngeniir. Pun ewe Samol mi Lapalap ämi we Kot a mwütätä ngeni chon ekewe mwü won fanüfan ekei mettoch pwe repwe fel ngeniir.

Filipi 1:29

Pun Kot a ngenikemi ewe wis mi aüchea pwe oupwe angang ngeni Kraist, sap chök ren ämi oupwe lükü i, nge pwal ren ämi oupwe riaföü fän itan.

1. Timoty 6:16

I chök ewe eman esap tongeni mäla, a nom lon eu leni mi fokun saram, pwe esap wor eman a tongeni arap ngeni. Esap wor eman a piin küna, esap pwal fokun wor eman epwe tongeni küna i. I epwe angei iteüöch me nemenem tori feilfeilachök! Amen.

Ipru 13:8

Jesus Kraist usun ewe chök lom, ikenai tori feilfeilachök.

James 1:5

Nge are eman leimi a osun tipachem, epwe tüngor ngeni Kot, iwe, i epwe fang ngeni, pun Kot a fangafangöch ngeni aramas meinisin, nge esap laleiti eman.

James 3:15

Ena sokun tipachem esap feitiu seni läng, nge a feito seni fanüfan, seni pekin fituk, pwal seni anün rochopwak.

James 3:17

Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.

1. Johannes 1:5

Iwe, iei ewe kapas aia rongorong seni Nöün we o aronga ngenikemi: Kot i saram, esap fokun wor rochopwak lon.

1. Johannes 4:10

Iei wewen chen: Esap pwe kich sia echeni Kot, nge i a echenikich o tinato Nöün we pwe i popun pwe ach tipis kana ra musala.

Pwärätä 21:23

Esap lomot ngeni ewe telinimw tinen akkar ika tinen maram, pun än Kot ling a tinetiu won, o ewe Lam iei an atitin.

Pwärätä 22:5

Esap chüen wor pwin, esap pwal chüen lomot rer lamp ika akkar, pun ewe Samol Kot epwe ar saram, nge repwe nemenem usun king tori feilfeilachök.

1. Samuel 15:29

Ewe mi Allükülük lon Israel esap chofana ika ekieksefäl, pun i esap eman aramas pwe epwe ekieksefäl.”